انا فوقم بقول كلام والكلام ذو شجون عن الاهلة واقمار الضواحى النور المشعة اعينهم بنور الله وحده لا شريك له العاشقون لهلالهم والمتبتلون فى محراب الادب العالى:- غيرى شدى فتعالوا اليوم اسمعكم شعر النواسى من تلحين ابن اسحاقا هو الهلال لا كذب هو سليل الافارقة وامتزاج دمهم مع الاعراب من كل حدب وصوب فمن غير الهلال يرد الصاع صاعين يعرفنا الغرب والعجم لا يرحل المجد عنا ديارنا كالنوم ليس له مكان سوى المقل كان الهلال مساوى وكان امبيلى الهلال وكان سيدا ذلك الهيثم الضرغام الذى سطر بالامس اجمل ما عرف من كتابات على دفتر المستطيل الاخضر( وليس مثل صاحبهم ذاك الذى صاروا يتفضلون عليه بالخمس دقائق الاخيرة ليلعب) وصار عبئا لا يعرفون كيف يتخلصون منه الا بمثل هه المعاملة القبيحة فى كل شئ وفاقد الشئ لا يعطيه وبأن الله تعالى نلتقى الاسماعيلى لنجدد سيرة لاعب الهلال السابق ( وليم) ذلكم الفتى الابنوسى الذى احرز هدفا فى شباك الاسماعيلى فى مباراة الذهاب بمصر فى نصف نهائ دورى الابطال 1992 ( سامعنى يا ناس الغزالة تشاد والبن الاثيوبى وسان جورج) تأهلنا فى لكم اليوم الى نهائ ا دورى لابطال الافريقى الى يساوى العشرات من كؤوسكم يا من ترزحون فى وهم كبت الحقيقة وتتخدرون يوميا بالانتصارات الزائفة والزائقة ولكن الترجى بالمرصاد نعم الترجى سيلاقيكم ويعيد لكم ذكريات السبعة الاردنية من الوحدات ويومها لن تجدوا ما يعزيكم سوى:- الصابرات روابح لو يجن قماح ان الهلال لن تطاله ايدى الغبثين من صبية المهاجر الاجنبية ولا الكتابات المحلية وفقط تذكروا ان الله يمهل ولا يهمل وستذوقون مر الهزائم المرة يا من تفرحون بهزائم الهلال حتى لو انتصر عليه هلال كادوقلى
استاذي ومعلمى الذى اعتز به منذ زمن الابتدئية والي الان لك التحيه والتجلة وارجو ان تسمح لي بتنئتك علي كتاباتك الصحفية المميزة كما ان تسمح لي بالقليل من النقد فعنوان موضوعك والمقدمة تدل علي انه موضوع مخصص لمدح هلال ام درمان ولكن بالقليل من التركيز نجد انك تناولة مريخ السودان اكثر من هلالكم كما تناولة مبارتنا القادمه مع الترجى وزكرتنا بسبعة الوحدات وتناسيت مبارياتكم وهزائمكم الكثيرة من الترجى وفرق شمال افريقيا ومامبارة ترباس وطرفة شربه الماء ببعيدة من الازهان ولم يسجل لكم التاريخ تفوق واحد علي فرق الشمال الافريقي بعكس المريخ الذي تفوق علي خريبكة المغربي والشلف الجزائري والاسماعيلي المصري
ابنى العزيز محمد انا اعتز بكتاباتك الى دائما واعتز بمريخيتك الصارخة والرزينة فى ان واحد ولكن ما جعلنى اكتب عن ما اصابكم يومها من فرح بهزيمة الهلال من مازمبى( وانت ما من الجماعة البشمتوا يا محمد يا ولدى) هذا المقال موجه لاولئك الذين لا يتذوقون الفرح الا فى هزائم الهلال ولو انتصر المريخ تراهم عابسى الوجه بمجرد سماعهم نبأ فوز الهلال( لاحظ ذلك) ابنى محمد استاذك واخوك الاكبر راشد كان من اكبر الداعين للوطنية التشجيعية لفرقنا فى البطولات الخارجية ولكن ما لمسته وشاهدته بأم عينى يوم ان خسرنا من مازمبى الكنغولى من كتابات شماتة صارخة على جميع مستويات الوسائط الاعلامية المقروءة جعلنى اغير نظرتى تخيل يا محمد يا ولدى واحد كتب فى صحيفة قبل مباراة مازمبى بأنه يتمنى ان يرى رقصة ( كديابا) حارس مازمبى فى استاد الهلال واخر كتب ( ما بنطير برانا) عندما تأكد خروج المريخ من المنافسة على المربع الذهبى لبطولة الابطال فى العام الماضى. كتب كل ذلك وكان يمنى نفسه بهزيمة الهلال يوم ضربة 11سبتمبر الثلاثية( ديمبا بارى- عمر بخيت-ايفوسا) ولكن خاب فأله وغاب عن الكتابة عن الصحيفة لعدة ايام وجهر العديد من كتاب بنو الاحمر يومه بعبارة كتبها احدهم متحسرا على هزيمة المريخ من الهلال كتب يا ابنى يا محمد( اشطبوا الدافى واقلبوهو ثقافى) حتى صارت عبارته مثلا ابنى محمد انهزم الهلال بالخمسات والستات امام الترجى ونحن لا ننكر ذلك ولم نبحث عن مبررات واهية يومها تصالحنا مع انفسنا لاقصى حد تحملنا الكثير من التريقات والاستهزاء لكننا ما قلنا يوما واحدا اقفلوا نادى الهلال واعملوهو ثقافى لم نطالب بشطب احد انكفأنا على احزاننا وخرجنا للناس كأبهى ما يكون الهلال ونحن هذا العام بأذن الله قادمون نعم قادمون وصدقنى هذا العام ان شاء الله هو عام الهلال وستذكر ما اقول لك وافوض امرى الى الله ان الله بصير بالعباد ولك خالص معزتى ومودتى
محمد مرغنى كتب: اضرب الصهاينة يا راشد هو يا محمد يا اخوى ديل فضل فيهم حاجة اضربوها بس انت شيل الصبر لما يلاقو الترجى فى تونس تانى يوم المنتدى بنفضل فيهو انا وانت (والنيل والقمر)
سليمان احمد
موضوع: رد: دخلوها وصقيرا حام ( للهلالاب فقط) الجمعة 9 أبريل 2010 - 10:53
Hi ,,proff Rashed,please let them to get just one breath because this last time for them.thanks for your amizing peom,..
(هبه) بت الحصاحيصا
موضوع: رد: دخلوها وصقيرا حام ( للهلالاب فقط) الجمعة 9 أبريل 2010 - 14:20
والله ياراشد يا اخوي ما طالبني حليفه ديل بفرحو بي هزيمة الهلال أكتر من فرحهم بي فوز المريخ ......... لكن لازم يعرفو إنو دا سم اب درق البصقع جدري القيح البفقع ومبرووووووووووووووووووك علينا فوز الهلااااااااااال وساساساساااااااادومباااااااااااااااااااااا
Hi mohammed thank u for your message those are rubels u have to bunish them every day with my best wishes ابنتى هبة:- ديل لما المريخ اتأهل للمجموعات السنة الفاتت تخيلى ما فرحو ... عارفة ليييييه؟ لنو كانو منتظرين الهلال يطير وما يدخل دورى المجموعات ولما الهلال دخل دورى المجموعات زعلوا وكأنو مريخهم ما دخل المجموعات لاقاك حقد اكتر من كده؟ انا بس راجى يوم 23ابريل بفارق الصبر عشان اشوفم مع الترجى وتانى يوم نجى المنتدى ونقع فيهم خبت الخبت لك مودتى يا بنتى
محمد مرغنى كتب: اضرب الصهاينة يا راشد هو يا محمد يا اخوى ديل فضل فيهم حاجة اضربوها بس انت شيل الصبر لما يلاقو الترجى فى تونس تانى يوم المنتدى بنفضل فيهو انا وانت (والنيل والقمر)
موضوع: دخلوها وصقيرا حام ( للهلالاب فقط) 
الإثنين 5 أبريل 2010 - 15:46
