هام للهلالاب (تسجيلات الجماعة ) فى السلك

.
.

.

.

.

.

.

.

.

.

.

.

عمود فى السلك للصحفى بابكر سلك

تسجيلات الجماعه
• الناس كلها سجلت
• الناس العندها قروش
• حتي الناس العندها قريشات شويه
• برضو سجلوا قدر قريشاتهم
• سهم اربجي سجل
• ترعه ام صفقا رقاق سجلوا
• فريق الرابطه الفي حلتنا سجل
• كل الدرجات
• المهم الناس سجلت
• اها
• جماعتنا
• تعالوا نشوف تسجيلاتهم
• في مكاتب الاتحاد ما لقينا شي
• قالوا اورنيك التسجيل بالشئ الفلاني
• تعالوا نفتش تسجيلاتهم في صجفهم
• نلاحظ انهم ثلاثه كيمان
• جزء مع الارباب
• وديل سجلوا
• سجلوا صوت شكر للارباب
• وجزء ضد الارباب
• وديل برضو سجلوا
• ماحدش احسن من حد
• سجلوا صوت لوم للارباب
• وجزء بكتب عن تسجيلات المريخ
• وديل سجلوا موقف
• يبقي يا اخوانا الجماعه ماتضحكوا فيهم
• سجلوا
• صوت شكر
• وسجلوا
• صوت لوم
• وسجلوا
• موقف
• يعني السنه الجايه تشكيلتهم اكتملت
• يلعبوا صوت الشكر مدافع محل منير
• منير خلاص مشي الانتر
• ويلعبوا صوت اللوم صانع لعب
• يسند ناس عمر بخيت واستشكات ديل شويه
• يطلع وينزل مع الناس
• ويلعب بالشمال
• يكون عندهم صانع لعب بلعب بالشمال
• زهجوا من الباص الواحد البليمين ده
• وكرهوا تثبيت الكوره
• وتمرير الرجل اليمين بي فوقها
• وارجاع الرجل اليمين لمحلها
• وتمرير الرجل الشمال بي فوقها
• وارجاع الرجل الشمال لمحلها
• وبعد ده كلو
• ارجاع الكوره لعمر بخيت
• الذي يرجعها بدوره لديمبا
• والذي يرجعها بدوره للمعز
• ويلعبوا موقف مهاجم محل سادومبا
• سادومبا مرضت امو المره دي شديييييييييييييده
• ماظنيتوا تاني بفارقها
• الحاجه متضايقه
• العلاج
• يورو سايكولين تلاته مرات في البنك يوميا
• ودولار استربسومايسين
• سته مرات في العضل الجمب الجيب الفوقاني
• وين ديكولين مره عند الزوم
• والحاجه لازمها شديييييييييييد
• الادويه دي كلها معدومه في العرضه شمال
• عرضة ناس الكاردينال
• ولاطعميه قال
• ولا حته
• ولا مليمه
• ياناس
• تتذكروا قودوين لما قال اقعد عاطل ولا العب بالطعميه ؟
• الحضري قال ادفع من جيبي والعب في قلعة التاريخ
• شن جاب لي جاب
• ياكاردينال
• قودوين جا ولا لسه ؟
• غايتو المهاجم الجديد القالوا (شوف قالوا دي ) جاي للجماعه
• لو صحيح الكلام ده
• الزول ده يكون داير يطلع زكاة الاحتراف للسنين الفاتت
• ربع العشر
• جمب ربع العيش
• كلموهوا
• قولوا ليهو بعد الزكاه عندنا
• رسوم نفايات
• ورسوم محليات
• ورسوم تانيات
• ورسوم طعميات
• والموز تجيبوا براك
• قالوا ميشو قال سجلوا حارس مرمي للفريق الكبير
• قالوا قالوا ليهو حارس مرمي لي شنو !
• حراسنا ديل مالهم ؟
• الكلام ده ذكرني نقاش سيد الحافله مع السواق
• السواق يقول ليهو جيب لينا لساتك
• سيد الحافله يقول ليهو لساتك شنو ؟ ديل مالن ؟ بشغلنك
• ويطلع السواق
• اول فرده
• بره الموقف
• الدركسون يجر يمين
• السواق يجر شمال
• الكنبه الاخيره تبقي تحت
• المشي يتقل
• صوت كهربا
• صوت همهمات استنكار
• يوقفها بالجمبه
• يقول للكمساري شوف اللستك الجمبي ده
• الكمساري ينز
• ويقول الجمبك نايم
• والخلفي نازل
• وينزلوا الركاب
• يسخطوا ويلعنوا
• الكمساري يمرق الاسبير
• يلقاه نايم
• يقيلوا يومهم داك مع اللساتك
• ويرجعوا بالليل
• ايراد مافي
• سيد الحافله يجوط
• السواق يقول ليهو ماتجوط , كلمناك , قلنا ليك اللساتك دي ما بتشغلنا
• ويجدع المفتاح ويتخارج
• تاني يوم
• جار سيد الحافله يقول لسيد الحافله موقفها مالك ؟
• سيد الحافله يقول لجاره السواقين جننونا
• السواق كعب
• عليكم الله الكعب السواق ولا الكعب سيد الحافله الرفض يجيب اللساتك ؟
• ميشو قال ليكم اللساتك كعبه
• ابيتوا انتوا حرين
• لكن مانسمع بعد تقيفوا بره الموقف قبل اول محطه انو السواق كعب
• مابتسمعوا الكلام
• زمااااااااااااااااااااااان
• قلنا ليكم جاز المصافي مابوصل
• قلتوا بوصل
• اها وصلتوا وين ؟
• تونس ؟
سلك كهربا
مابننسي والماعاجبوا يطرشق
والي لقاء
سلك

» في السلك ضب احوص
» في السلك ( تجاوزات بالتا )
» الحصاحيصا دوت كوم للهلالاب فقط !!
» اعتزار للهلالاب
» دخلوها وصقيرا حام ( للهلالاب فقط)