سمحة
لونا قمحة
انها التى
اعارتنى لمحة
كما هى
ماشا بى ناسا
سمحة وناسا
هادية كما النسمات
تشتاق لأساسا
فى الاذن وسواسة
بى حنها الدفاق
هى الاشواق
هى الاخلاق
طيبة النية
اذا ما الهوى رقراق
ممنوحة للشارع
والطالع الجاى
مارق كما مارق
خانق هو القوقاى
حين يبقى مطالق
ليها الحنين دفاق
او طلة الاشواق
ان تحضر الاذواق
او تنشر الاوراق
تلقاها ضواية
فى السكة هداية
ما كل هذا البوح
فى حضرتك مشروح
او فلنقل ممنوح
يا مارق من بيتا
كن بلابل الدوح
مالت على الاغصان
تغنى للازهار
اجمل قصايد السوح
الشم نديدة الزول
والزول وكت ينداح
يسرسر كما الالواح
فى بهو كلو وضوح
فلا تنجمى فى المطرة
كونى النسيم هبهباب
كونى القمر ضواى
كونى الارض تيراب
يا مارقة على روحى
او داخلة فى القلبى
ارتاح ما يهمك
كان شغفك عناء الساساق
او طلة الاوراق
فى موسم الهجعة
(والامة مجتمعة)
( واليوم اكان جمعة)
انا الوحيد بهواك
بى صدقى والمنفى
كان انعزال الضى
فى وسط البلاد الصى
طولنا هوى يا خى
مالك بدارك نى
هل فى دارك شئ
غير القرفة والالفة
وكوبا من النعناع
او دلقا من سليل الشاى
جيتنا ات من وين؟
هل فى كاسى من دوباى:-
يا الزروعك فى ود راوة وشجرك مقابل اب جلفة
ما غنى الحنين شاشاى او جيتك محض صدفة
مارقة غلى الهدب صعيد اخضر ممزوجة بى عرفة
كل الطمى العطاى غطاك فى الفة
ليك البدار ممنوح
وجناحك الرفراف
صادح ضواحى الروح
ولى الفتك وحشة
لى وحشتك الفة
صبابات الهوى غايبات
جيبهن بدون تصريح
وانا كنت ضد الريح
ماسك طرف غيمة
شايلاها نسامة
ولوحة رسامة
ممزوجة بى كم لون
الاخضر الزاهى
كان الحضور فى الكون
يا ماشة على كيفا
هل الخطوات جايات؟
ام ليلاتك بعاد صيفا
وين الحنين دفاق
هل عندك القيفة
وما خابر البحر غراق
الا الصدف وداى
لى ساحلك الممهول
بى شدوك الصداح
على شذاهو ارتاح
او خر جد مذهول
فليكن:
مسؤول
من خيرك الدفاى
او مكتول على البرهة
بس ظنى كنت اقول:-
انا ما حنين مأفول
عاجبنى حين القول
يا ليلى ليلك كم؟
يا ليل ليلى اياك تطول
موضوع: رسائل فى حضرة ليلى( نص شعرى)مهداة الى بناتى هنوية وهبوية 
الإثنين 5 أبريل 2010 - 17:34
