ضبيحة البشير أم بليلة التغيير ؟

رُوي عن الحاج مضوي رحمه الله أنه قال أن الصادق المهدي ما خُيرَ بين أمرين الا وأختار أسوأهما! .

نترقب قرار المكتب السياسي لحزب الأمة حول المشاركة في الأنتخابات من عدمها ، والذي تم تأجيله لليوم ، مما عكس وجود صراع بين قيادات الرفض والمشاركة ، برغم ورود أنباء تتحدث عن صفقة برعاية أمريكية مصرية لأخلاء المؤتمر الوطني لبعض الدوائر الجغرافية المعروفة تأريخياً بولائها للحزبين لصالح أنتزاع موقف من الحزبين بالمشاركة .
فهل ياتري تصدق مقولة المرحوم المناضل مضوي محمد أحمد هذه المرة ؟
وهل ضبيحة المؤتمر الوطني للسيدين تغنيهما عن بليلة نسف شرعنة البشير بأنتخابات (شارك حتي تطلع الصورة حلوة ) ؟؟

الاخ صداح طاب يومك سوف يسجل التاريخ لجزب البشير انه اول حزب حاكم فى التاريخ تنسحب له المعارضه ليفوز بسهوله بدون منافسه وبرضه قاعد يرضى الجماعه عشان يشاركوا يا سلام على الصدق براحه على عقولنا يا جماعة نافع

وحياتك وزي ما قلناها قبال دا للأخ معتصم جعفر ،،
القطر بتاع الانقاذ دا ماشي بسرعة البرق نحو الهاوية ،،
الناس ديل خسروا الشعب الصامت الذي أذهلته المواقف المضطربة ،،
والأحزاب البتخسر بنيـها وتراهن على انتخابات العنف والتزوير ليس لـها مآل سوى الهاوية حتى لو قفلتا 100%
الداير يركب علي كيفو ،،
بس يعرف نزول مافي ،،
والقطر دا حا يظل لافي ،،
لا بوقفوا قوش ،،
ولا الأمريكي بوش ،،
ولا نافع ولا المتعافي ،،
وقوف مافي ،،
لا في حوش بانقا فرع كافوري ،،
ولا في ود النيل ولا في الماطوري ،،
قطر ماهل وعرباتو كلـها قمرات ،،
والراكبين ممهولين ومُمُهلين في النِعم والراحات ،،
نعيم اللوثات والغفلات ،،
وحياتك يأشروا بأياديهم ،،
للناس الواقفين في الرصيف ،،
والسواق مطرطش ومصاب باللوثة ،،
مرة ينبذ ،،
ومرة يشتر ،،
مرة يداعي ،،
ويرغي ويزبد ،،
مرة يهدد ،،
ومرة يندد ،،
مرة يشاتر ،،
ومرة يهاتر جوة المسجد ،،
مرة يقطع في الاوصال ،،
ومرات يرقص كودية ظار،،
سواق قطر الجنون واللوثة ،،
العالم كلو تحت جزمتو ،،
مع إنو لابس مركوب ،،
وراكب لوج ،،
حتى جلد الكدايس ما سلم من تحقيرو ،،
لو بعدا كلو في ناس شايفين ليهم مصلحة في الركوب يركبوا ،،