ابنة المرشح المستقل مامون علي عطا المولي تتعرض لمحاولة اختطاف ( توجد صور )

بت الامير كتب:

الاخ:بكري عثمان مع احترامي لك.اولا: الموقف لا يقبل السخريه ولا يحتمل التهكم.ثانيا:انت ما ركزت في قراءة الموضوع وانجرفت بعنف في التهكم علي المحجبات والمنقبات وانصار السنه وكان الاولي ان تتهكم علي المتبرجات الكاسيات العاريات.ثالثا: لا اظن ان الشيخ مامون يحتاج الي دعايه فهو معروف لكل اهل الحصاحيصا.رابعا: يكفيه فخرا انه من جماعة انصار السنه حتي لا يختلق القصص ويكذب. خامسا: التهكم والسخريه ليست من شيم المتعلمين ولا من شيم المسلمين .بعدين انت متضايف مالك ومحموق كده من مامون؟؟؟؟؟؟؟؟؟؟!!!!!!!!!!!!!!

الاخت بت الامير
لا اتهكم على المحجبات ولا على المتبرجات
ولم اتحدث عن انصار السنة بالخير او بالشر فهذا موضوع اخر ليس لي به شان
كما انني غير متضايق من مامون ولا محموق منه .
لكن القصة غير مصدقة بالنسبة لي كفرد فقط ولا عاوزاني اصدقه بالغصب فصدقيها انتي براحتك وكل من احب ذلك الفلم المصري وماتجي تتهجمي ساي .

الاخ العزيز بكرى لك التحية ...
ارجو وثم ارجو ان لاتنفعل ولا تجعل التعصب الاعمى طريقك للحياة ....
انت قلت انك غير مصدق الخبر ...
وهنالك رقم البلاغ وشهادة والد الفتاة ... والذى هو بشهادة الجميع لايحتاج الى مثل هذه الافلام التى تدعيها ولايتحرى الكذب بفلذة كبده ... وهى فتاة !!!
بمعنى انك تؤكد وباصرار ان الخبر ملفق !!!
بمعنى انك تعرف شيئا عن الموضوع ومتاكد ان الخبر ملفق !!
هل الجميع هنا على خطأ ؟
المؤمن صديق يا اخى وحتى ينجلى الامر دعنا نقول للاخ مامون الف سلامة لبنتك وربنا يحفظ كل بنات المسلمين وخصوصا بنات الحصاحيصا ... بناتنا
دع عنك العصبية يا بكرى ...
ليس المجال هنا مجال سياسة .. ولا رياضة

سلام لبكرى وكل المتداخلين

مهم نكون ملمين ومهم نكون عندنا بعد نظر من اى نوع لكن بحقايق فهل تعلم يابكرى ان الحصاحيصا والتى انت منها وبعيد عنها فيها حتى الان ومن المعرفه الشخصيه والمؤكده 3بنات مختطفات واحده وجدت واثنين لايعرف لهم طريق و4 اولاد فى واحد ليهو عشر سنوات مازالت اسرته تحلم بعودته واخرهم طالب بالحله الجديده لاكثر من سته اشهر ولم يعرف له طريق ده على مستوى وجود اختفاء بنات واولاد على مستوى المدينه وعلى مستوى السودان فكثير وكثير
اما على المستوى السياسى فلك ماتشاء من التحليل الذى تراه
ودمت

الاخ بكرى تحياتى
كنت اتمنى ان تنتظر لحدى ما اكتمل التحقيق ياخى بنات الحصاحيصا كلهم اخواتنا الله انعل ابو السياسه لكن فى كلامك تلميح لكن اصدقك القول بانى متاكد بانك لاترضى مكروها لبناتنا جميعا

بكري عثمان كتب:

ياوراق
كلمونا بالعقل
معقوله خطفوها وفسحوها لي شرفت وفكوها
الناس خسرانيين بخاخ زي بتاع الافلام وركبوها في عربيه فيها نسوان عشان هي انصارية سنه ماصاح تختلط بالرجال
ومرشح الجماعه من يوم مافكر اترشح نزلت عليه الحاجات زمان قبال كم شهر كلب متوحش جاي جاري مالقى الا شجرة مامون على واسي الخطف بالطريقة الامريكية
الظاهر المرشح في ذاكرته فلم قديم حاول اطبقه
ولا امكن دا اسلوب جديد لكسب الاصوات
اختطاف حديث ومجهز عشان اودوها شرفت الحلاوين فقط
لابد ان تكون هنالك اسباب
يانااااااااااااااااااااااااااااااااس ارحمونا وماتلعبوا بي عقولنا نحن في سنة 2010

شينه منك يا بكري عثمان
وسيب الهجه الاستفزازيه ده((عشان هى انصاريه ماصاح تختلط بالرجال ....خطفوها وفسحوها...الخ))
واتقى الله فى الاخرين يا يكري عثمان

انشاء الله الفرج قادم وسوف تضح الحقائق وخاصة مدير الشرطه احد ابناء الحصاحيصا الاخ عبد العظيم بشير فنتمني منه ان يستعجل هذا الملف وكلنا ثقه فيه

disco كتب:

الصادق المغربى كتب:

بكري عثمان كتب:

طيب رجعت لي صوابي



بس باكد مافي عملية اختطاف.
ومابدخل في تفاصيل في امور الاخرين
ولم اتحدث في شئي يمس بنات الحصاحيصا
كل كل الحكاية عرضو لي فلم ماعجبني
كفرت انا يعني وبرضو مصمم ودا راي انا فقط

العزيز / بكرى عثمان
السلام عليكم
انت قلت (دا راى انا فقط )
وانا اقول وانا برضو دا راي
وليس معنى ذلك ان مامون كذاب او مخادع
لا ولكن ربما ناس يهمهم فوز الاخ مامون باى شكل كان فقاموا بهذة العملية
والعملية ذى ماقلت ليس فيها الدواعى الاجرامية التى زكرتها ولكن الشخص العاقل
يشتم رائحة العمل السياسى الا اذا كان الواحد مصاب بالانفلنزا او عامل فيها
مريض بهذا المرض ( وهولاء كثر )
وانى اسأل الله ان يكشف الحقيقة للجميع لان كل الامراض تعالج باذن الله
وكل مجرم فى اى مجال له عقاب اجلا ام عاجلا
اللهم سلمنا من الفتن ما ظهر منها وما بطن
ودمتم
المغربى

؟؟؟؟؟؟

الاخ الفاضل / دسكو
هنالك سوء فهم ظاهر فى التحليل
اولا : انا انسب نفسى لاصحاب المنهج السلفى
ثانيا : بلغة الجماعة والمنهج الاخ مامون اخونا
فالمتمعن لكلام الاخ بكرى لا ارى فيه تهكم ولا استفزاز ولا تقليل لشأن
الاخ مامون او جماعة انصار السنة ولا للمتحجبات
والموضوع كما زكرته سابقا
هنالك جهة ما مستفيدة او حتستفيد من فوز الاخ مامون مستقبلا لذلك
دبرت هذة القصة او الفبركة وقد يكون الاخ مامون ليس عنده علم بذلك
لا من قريب ولا من بعيد والهدف هو استعطاف الناخبين واستنكارهم
على هذة الحادثة وشحن الناس على بعض المرشحين وتزداد شعبية
الاخ مامون ويكسب الانتخابات ويفشل غيره (والاخير هو بيت القصيد )
وبذلك يشفوا غليلهم
ارجو ان اكون وفقت فى الوصول للمقصود
ودمتم
المغربى

يبدو ان البوست تم استقلاله للفتنة مثل ما حدث في بوست مولانا محمد احمد سالم
هاهو الان قد تغير الموضوع

أطمئنك يا بكش ما في ملف ح يتفتح لأنه الموضوع واضح ويا كثر الملفات اللي اتحرقت وراحت في ستين داهية والشرطة نفسها الله يكون في عونها
وأنا بقولها بالفم المليان ... انه هذا العمل غير غريب على المتسلقين الانتهازيين بعض المنتسبين لجهاز الأمن التابع لحزب المؤتمر الوطني
لأني شاهد على حادثتين قبل كده... شوف العين ... يعني ما حكوا لي ... يعني ما أفلام هندية ولا مصرية يا أخ بكري
ما عايز تصدق ... براحتك .. خليك ما مصدق .. في وزراء ومسؤولين كمان ما بيكونوا مصدقين مش انت لوحدك
الأولى كانت في ٩٤ أيام أحداث الإضطرابات وحينها تركت خلفي جامعة الجزيرة وهي ملتهبة والضرب شغال والاعتقالات شغالة
وحينما دخلت السوق وأمام محلات طلال الكهربائية ومحلات نورالدين حاج سيد وأنا متقدم باتجاهها شاهدت بعض الشباب وقد نزلوا ومسكوا إحدى الطالبات ورفعوها في البوكس وفروا هاربين والجميع فاتح خشمه يعاين فما كانت من البنت إلا وأن خلعت طرحتها ولوحت بها للرجال والشباب الواقفين وصاحت «أحسن ليكم تلبسوا الطرحة دي بدل ما انتو واقفين كده»
وكان سايق البوكس واحد من أولاد الحصاحيصا والبقية من أمن ودمدني
الحادثة التانية لا أذكر تاريخها بالضبط... ولكن بينما أنا أسير بعد إحدى الصلوات أعتقد صلاة الظهر وأنا قادم من المسجد فإذا بإحدى الأخوات تصيح مستنجدة بأنه ناس الأمن اعتدوا عليهم في البيت
ويحاولوا خطف بنتهم فحينما تبينت الأمر ونحن في طريقنا مسرعين للحاق بهم قبل أن يخطفوا البنت حكت لي القصة أن أحدهم طرق الباب وحينما فتحت البنت لهم الباب سألوها عن اسمها وحينما ذكرت لهم اسمها حاولوا سحبها فسحبت يدها ودخلت فدخلوا وراءها وأمسكوا بها ودفعوها إلى الخارج... وفي هذه اللحظة خرجت هذه الأخت التي معي من البيت مستنجدة بمن تقابله
وحينما وصلنا وجدتهم فعلاً قد أدخلوها سيارتهم... وكانوا اثنان... فأسرعت وأمسكت بباب العربية ووضعت رجلي فنزل أحدهم وقال لي: مالك يا زول عايز شنو؟
قلت له: انت عايز شنو؟ مودين البنت دي وين؟
قال: انت دخلك شنو؟
قلت ليهو: أختي
أختك وما أختك ... دخلنا في نقاش وعراك ... لفترة ١٠ دقائق تقريباً كانت كافية لحضور أهلها مسرعين ... وبعد المفاهمة معهم .. قالوا أن هناك أمر باعتقالها
فلم يظهروا ما يثبت ذلك طبعاً ... ولكن بعد أن أثبتوا أنهم من الأمن ... تم الاتفاق على الذهاب معهم ولكن مع أهلها وبسيارة أخرى غير سيارتهم ..
وذهبوا جميعاً وعادت البنت إلى أهلها بعد ٣ ساعات تقريباً....
ولكن تخيل إذا لم يعرف أحد من هم وإلى أين اتجهوا وماذا يريدون وما هي التهمة ...
أو أن البنت طلعت أرجل من بعض الرجال (وأعتقد أنها كذلك)... ولم تسمح لهم باستفزازها ... فإلى أي حد كان يمكن أن يتطور الأمر ... وإلى أي وقت كان يمكن أن تختفي...
وعشان خيالكم ما يمشي بعيد ... التهمة شنو؟
(كانت طالبة متحدثة في أركان النقاش في مدرستها)
أعتقد الصورة واضحة...
في مثل هذه الأمور يتم استدعاء أمن من خارج المدينة حتى لا يتم التعرف عليهم...
أنا بقول الأمر ما غريب عليهم ... وإلى أن يثبت العكس...
ويظهر كل واحد فينا ح ينتظر لغاية ما الأمر يصل بيته ... بعديييييييين يصدق.
وصدقني ... لو أنا كنت مكان الشيخ مامون لعرفت كيف أحضرهم ... ولو كانت البنت بنتي أو أختي لن يهدأ لي بال إلى أن أحضرهم وسأعرف كيف أحضرهم وبرضه تعلمنا ذلك في الأفلام...
كله يهون إلا الشرف وإلا الأخوات والأمهات والبنات
وفي كل ما ذكرت أعلاه أنا لم أتطرق لأسماء ... ولكنني لو اضطررت سأفعل
لأني ما عندي استعداد ألبس لي طرحة

بكري عثمان كتب:

ياوراق
كلمونا بالعقل
معقوله خطفوها وفسحوها لي شرفت وفكوها
الناس خسرانيين بخاخ زي بتاع الافلام وركبوها في عربيه فيها نسوان عشان هي انصارية سنه ماصاح تختلط بالرجال
ومرشح الجماعه من يوم مافكر اترشح نزلت عليه الحاجات زمان قبال كم شهر كلب متوحش جاي جاري مالقى الا شجرة مامون على واسي الخطف بالطريقة الامريكية
الظاهر المرشح في ذاكرته فلم قديم حاول اطبقه
ولا امكن دا اسلوب جديد لكسب الاصوات
اختطاف حديث ومجهز عشان اودوها شرفت الحلاوين فقط
لابد ان تكون هنالك اسباب
يانااااااااااااااااااااااااااااااااس ارحمونا وماتلعبوا بي عقولنا نحن في سنة 2010

الأخ الحبيب الغالي/ بكري عثمان حفظه الله
السلام عليكم ورحمة الله وبركاته وبعد،،،
فادعو الله عز وجل أن يديم عليك وعلى الأسرة الكريمة نعمة الصحة والعافية
يا بكري الانتخابات في امريكا في رئاسة الجمهورية ما في اختطاف. وبعدين دي أول انتخابات تقام في مدينة الحصاحيصا منذ أن ولدنا فيها ما سمعنا بهذا في الملة الاولى والاخرة.
يا بكري الاختطاف له دوافع ومطالب، ماهي دوافع اختطاف البنت البرئة؟ وما هي المطالب التي طلبوها المختطفين؟
ولا هذا بمثابة تهديد للأخ مامون ولا هو غاب قوسين أو ادنى من الفوز بالدائرة واتمنا له الفوز، ولا اردوا المختطفين تفسيحها شوية، إن هذا لشي عُجاب.
ومدينة الحصاحيصا رائده في مجال العمل السياسي منذ بوغ فجر الديمقراطية وقدمت أبناءها أمثال الوالد حسن الجمل ـ رحمه الله ـ الوالد يوسف حسن ـ رحمه الله ـ والوالد مدني العرضي ـ رحمه الله ـ والوالد أبو اليسر ـ رحمه الله ـ والوالد صلاح عبد الرحمن على طه ـ رحمه الله ـ وبقية إمكن تكون الذاكرة تخطتهم. أسأل الله أن يسكنهم الفردوس الاعلى، وأن ينور عليهم قبورهم وأن ينزل عليهم شهابيب رحمته وأن يجعل قبورهم روض من رياض الجنة، أن يجنبهم ضيق اللحود ومراتع الدود، وان يجعلهم في جنات الخلود في سدر مخضود وطلحِ منضود وظلِ ممدود وماءِ مسكوب وفاكهةِ كثيرة لا مقطوعة ولا ممنوعة.

اقتباس :

من طرف قرشي محمد في السبت أبريل 10, 2010 6:37 pm

بكري عثمان كتب:
ياوراق
كلمونا بالعقل
معقوله خطفوها وفسحوها لي شرفت وفكوها
الناس خسرانيين بخاخ زي بتاع الافلام وركبوها في عربيه فيها نسوان عشان هي انصارية سنه ماصاح تختلط بالرجال
ومرشح الجماعه من يوم مافكر اترشح نزلت عليه الحاجات زمان قبال كم شهر كلب متوحش جاي جاري مالقى الا شجرة مامون على واسي الخطف بالطريقة الامريكية
الظاهر المرشح في ذاكرته فلم قديم حاول اطبقه
ولا امكن دا اسلوب جديد لكسب الاصوات
اختطاف حديث ومجهز عشان اودوها شرفت الحلاوين فقط
لابد ان تكون هنالك اسباب
يانااااااااااااااااااااااااااااااااس ارحمونا وماتلعبوا بي عقولنا نحن في سنة 2010
الأخ الحبيب الغالي/ بكري عثمان حفظه الله
السلام عليكم ورحمة الله وبركاته وبعد،،،
فادعو الله عز وجل أن يديم عليك وعلى الأسرة الكريمة نعمة الصحة والعافية
يا بكري الانتخابات في امريكا في رئاسة الجمهورية ما في اختطاف. وبعدين دي أول انتخابات تقام في مدينة الحصاحيصا منذ أن ولدنا فيها ما سمعنا بهذا في الملة الاولى والاخرة.
يا بكري الاختطاف له دوافع ومطالب، ماهي دوافع اختطاف البنت البرئة؟ وما هي المطالب التي طلبوها المختطفين؟
ولا هذا بمثابة تهديد للأخ مامون ولا هو غاب قوسين أو ادنى من الفوز بالدائرة واتمنا له الفوز، ولا اردوا المختطفين تفسيحها شوية، إن هذا لشي عُجاب.
ومدينة الحصاحيصا رائده في مجال العمل السياسي منذ بوغ فجر الديمقراطية وقدمت أبناءها أمثال الوالد حسن الجمل ـ رحمه الله ـ الوالد يوسف حسن ـ رحمه الله ـ والوالد مدني العرضي ـ رحمه الله ـ والوالد أبو اليسر ـ رحمه الله ـ والوالد صلاح عبد الرحمن على طه ـ رحمه الله ـ وبقية إمكن تكون الذاكرة تخطتهم. أسأل الله أن يسكنهم الفردوس الاعلى، وأن ينور عليهم قبورهم وأن ينزل عليهم شهابيب رحمته وأن يجعل قبورهم روض من رياض الجنة، أن يجنبهم ضيق اللحود ومراتع الدود، وان يجعلهم في جنات الخلود في سدر مخضود وطلحِ منضود وظلِ ممدود وماءِ مسكوب وفاكهةِ كثيرة لا مقطوعة ولا ممنوعة.

ابو نورا
يعني من كلامك ان الجريمة والاساليب تبدلت
من حكاياتك التي شاهدتها بعينك ومن حكايات الاستاذة فايزة بانه في كم ولد وبنت مختفيين المسالة بتكون معقدة لو دا الواقع الحالي للسودان وللحصاحيصا تكون الامور خطرة جداً والصورة مقلوبة والظاهر انه نحن في الغربة ماعارفين حاجه وحافظين جوانا صورة السودان القديم
بالجد انا ماوقعت لي القصة بالطريقة القالوها دي لاني ماتخيلت انه في يوم من الايام يكون في اساليب خطف بالطريقة دي وبخاخات فشفتها غريبة وزي مابقول المثل الدارجي اثنين لو قالو ليك راسك مافي امسكه
وفي النهاية ليست لي عداوة مع ما مون او غيره لاشتغل ضده واعتزر ان اخطات الفهم للقصة التي كنت اتوقع انها من ضمن الانتخابات ومن الممكن ان يكون قد الفها احد اللذين يريدون الفوز للاخ مامون

أها يا بكور بعدا تعال معانا
وانت قايلنا بنقول في شنو؟؟
مافي السودان الجديد
وعشان كدي وقفنا ضد البشير
أها النكلمك وبعد الكلام وقع ليك
بكرة ما تمش تدي الشجرة
لأنك بتمد من أيام ناس السودان القديم

الأخ بكري ... والله ما خفي أعظم .. أنا لم أسترسل في الكلام حتى لا أذكر أسماء لعلها تابت إلى الله... وأسماء أشخاص آخرين توفوا إلى رحمة الله..
وكونك لم تصدق فهذا أكبر دليل على أنك بألف خير ... ولكن بلدنا ليست بخير إلا أن يرجعوا ويتخلوا عن هذه الأساليب... ووالله نظرة الشيخ مامون في الصورة وحدها كافية لتنغص علينا عيشنا إلى أن تنقشع الغمة ... ولكني أريد أن أسأل الأخ حسن وراق .. غير أن الشيخ مامون مرشح
هل ابنته الكريمة لها نشاط داخل المدارس؟؟؟ مجرد سؤال؟؟؟
وأرجو أن لا تكون تضايقت من انفعالنا يا أخ بكري...

نحمد الله ان الاخ بكرى قد اساء فهم القصة واعتذر بكل روح ...
نتمنى ان يقف النقاش هنا حول مداخلة الاخ بكرى ...
والتواصل فقط حول موضوع البوست ...
الاختطاف وماله وما عليه ...
ونسال الله كثيرا ان تمر هذه الايام على خير ....

راشد ما تخلي الناس تتفش فيهو
يا خي مورم فشفاشنا من ما دخلنا هنا
معذبنننننننننننننننننننننننننننننننننننننننننننننا

الاخوة الأكارم ...........

نحمد الله كثيرا ان عاد أهل الاخ مامون بسلام دون ضرر ..........................

ونريح أنفسنا حتى نشوف رد الجهات الحكومة على هذا الامر ......................

إذا أتفتحت قضية و الموضوع ما كان موضوع ونسة .

[quote="الصادق المغربى"]؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودمتم
المغربى

جـــــــــــــــــدا .

الاخ بكرى سلامات
لك التحيه وانت تعطر منتدانا القوى بوجودكم فيه ونحيى فيك روحك
الرياضيه الجميله فالرجوع للحق فضيله والاعتزار شيمه الاقوياء
حقيقه البوست اخذ طابع اخر لكن سعدنا بردودك وعدم استسلامك
فى البدايه مما جلب لك كل هذا عزبتنا شدييييييييييييييييييييييد
وفى النهايه نتمنى لك دوام الصحه والعافيه ولك العتبى حتى ترضى

ايمان كتب:

الاخ بكرى سلامات
لك التحيه وانت تعطر منتدانا القوى بوجودكم فيه ونحيى فيك روحك
الرياضيه الجميله فالرجوع للحق فضيله والاعتزار شيمه الاقوياء
حقيقه البوست اخذ طابع اخر لكن سعدنا بردودك وعدم استسلامك
فى البدايه مما جلب لك كل هذا عزبتنا شدييييييييييييييييييييييد
وفى النهايه نتمنى لك دوام الصحه والعافيه ولك العتبى حتى ترضى

عزبتنا يا خلف الله