يا أخونا قرشي : أنتا بتتمني الفوز لمعتصم ومأمون الأتنين مع بعض !!!!

أخونا قرشي محمد في بوست الأختطاف يتمني للسيد مأمون علي عطا المولي الفوز !!
وأخونا قرشي في بوست العشي بخصوص تكريم نادي النيل للدكتور معتصم يتمني للدكتور الفوز ؟

وبالنسبة لواحد زيى عندو أمية سياسية وعندو معلومات بسيطة بتقول أنو الزول ما ممكن يؤيد مرشحين في دائرة أنتخابية واحدة .

فهلا تفضلت أخي المفضال قرشي محمد بتبيان كيفية الجمع التفضيلي بين مرشحين يتنافسون في حيز أنتخابي واحد ؟

ياربي الأنتخابات دي حيكون الفائز مشترك والأتنين يدخلو البرلمان ؟

يا صداح مالك منبهو ؟؟
كان بكرة مشى أداهم الاتنين وريحنا

صداح فاروق وراق كتب:

أخونا قرشي محمد في بوست الأختطاف يتمني للسيد مأمون علي عطا المولي الفوز !!
وأخونا قرشي في بوست العشي بخصوص تكريم نادي النيل للدكتور معتصم يتمني للدكتور الفوز ؟

وبالنسبة لواحد زيى عندو أمية سياسية وعندو معلومات بسيطة بتقول أنو الزول ما ممكن يؤيد مرشحين في دائرة أنتخابية واحدة .

فهلا تفضلت أخي المفضال قرشي محمد بتبيان كيفية الجمع التفضيلي بين مرشحين يتنافسون في حيز أنتخابي واحد ؟

الأخ الحبيب/ صداح فاروق وراق وفقه الله
السلام عليكم ورحمة الله وبركاته وبعد،،،
فادعو الله عز وجل أن يرزقنا حب الخير للناس لحديث الرسول صلى الله عليه وسلم من صفاته التفاؤل، وكان يحب الفأل ويكره التشاؤم، ففي الحديث الصحيح عن أنس رضي الله عنه عن النبي صلى الله عليه وسلم قال : ( لا عدوى ولا طيرة، ويعجبني الفأل الصالح: الكلمة الحسنة ) متفق عليه.والطيرة هي التشاؤم.
انت ما حسبها كويس يا صداح الدكتور/ معتصم جعفر إن قدر الله وما فاز في الانتخابات سوف يتم تعينه يعني داخل اللعبة بفرصتين دي معقول تفوت عليك، لانك ذي ما بقولوا عندنا في السودان الزول تفتيحة في السياسة.
وأما أخونا الشيخ الفاضل مامون عطا المولى، أسأل الله عزوجل أن يفوز، داخل اللعبة بفرصة واحد عشان كده برضو قلوبنا معه لكن نقول فاز ودخل البرلمان مع ناس جلوك جلوك جلوك ما بجدع ولا بيجيب الحجار.
فهمتها........................ اتركني للمحبوب.

سجمك يا المحبوب شوف عيني وسمع اضاني قرشي قال لصداح فكني وخليني للمحبوب ، اعمل حسابك منتظرنك وناطرنك في بارتيات الفوز ياده .

ياقرشي اها داير تسو لي حكاية حا فظ
وتسو ليك بوست تسميهو المحبوب جيتك جاري ،،

المحبوب أحمد الأمين كتب:

يا صداح مالك منبهو ؟؟
كان بكرة مشى أداهم الاتنين وريحنا

الأخ الغالي/ المحبوب أحمد الأمين وفقه الله
السلام عليكم ورحمة الله وبركاته وبعد،،،
فادعو الله عزوجل لنا ولكم التوفيق والسداد في الدارين.
أشهد الله اني احبك في الله
الأخ صداح جزاء الله كل خير للتنبيه وأنت يا المحبوب بتبخل عليه بيه، بكرة الأيام تقول لك صدقتني يا المحبوب.
المحبوب وقت يجرح لو في ضمير يحس أو يوعه جرح الريده كان ينعد من ضمن العجائب السبع

يا محمد دفع الله ازيك وازاي ناس مسقط لقط ؟؟
بعدين الأستاذة مدني العرضي ومحمد الضو الناس وفضل الله سيد فضل الله ان شاء الله كويسين
ومالم مقاطعين الموقع دا بشوف فضل الله يتاوق ويرجع
ياخي الله يفوت لينا ايام الانتخابات دي على خير ،،
وقرشي قريت تهديدو وحبابو عشرة ،،
ما أصلـها حقيرة حقيرة في الحيطة القصيرة ،،

المحبوب أحمد الأمين كتب:

ياقرشي اها داير تسو لي حكاية حا فظ
وتسو ليك بوست تسميهو المحبوب جيتك جاري ،،

الأخ الغالي/ المحبوب أحمد الأمين حفظه الله
السلام عليكم ورحمة الله وبركاته وبعد،،،
أسأل الله عز وجل أن يديم عليكم نعمة الصحة والعافية
أنا لاقيك عشان اجيك، ما انت روحنا وحبنا
أسأل الله أن يعفو عنا وعنكم وبكرة تكون ذكريات، وأن يجمعنا في الفردوس الأعلى

اقتباس :

قرشي محمد اليوم في 10:02 pm


صداح فاروق وراق كتب:
أخونا قرشي محمد في بوست الأختطاف يتمني للسيد مأمون علي عطا المولي الفوز !!
وأخونا قرشي في بوست العشي بخصوص تكريم نادي النيل للدكتور معتصم يتمني للدكتور الفوز ؟

وبالنسبة لواحد زيى عندو أمية سياسية وعندو معلومات بسيطة بتقول أنو الزول ما ممكن يؤيد مرشحين في دائرة أنتخابية واحدة .

فهلا تفضلت أخي المفضال قرشي محمد بتبيان كيفية الجمع التفضيلي بين مرشحين يتنافسون في حيز أنتخابي واحد ؟
الأخ الحبيب/ صداح فاروق وراق وفقه الله
السلام عليكم ورحمة الله وبركاته وبعد،،،
فادعو الله عز وجل أن يرزقنا حب الخير للناس لحديث الرسول صلى الله عليه وسلم من صفاته التفاؤل، وكان يحب الفأل ويكره التشاؤم، ففي الحديث الصحيح عن أنس رضي الله عنه عن النبي صلى الله عليه وسلم قال : ( لا عدوى ولا طيرة، ويعجبني الفأل الصالح: الكلمة الحسنة ) متفق عليه.والطيرة هي التشاؤم.
انت ما حسبها كويس يا صداح الدكتور/ معتصم جعفر إن قدر الله وما فاز في الانتخابات سوف يتم تعينه يعني داخل اللعبة بفرصتين دي معقول تفوت عليك، لانك ذي ما بقولوا عندنا في السودان الزول تفتيحة في السياسة.
وأما أخونا الشيخ الفاضل مامون عطا المولى، أسأل الله عزوجل أن يفوز، داخل اللعبة بفرصة واحد عشان كده برضو قلوبنا معه لكن نقول فاز ودخل البرلمان مع ناس جلوك جلوك جلوك ما بجدع ولا بيجيب الحجار.
فهمتها........................ اتركني للمحبوب.

_________________
بقلوب مترعة بالحب والوفــاء
وبمشاعر يملؤها الود والإخاء

أخونا قرشي :
تصدق وتأمن بالله ؟ التحليل بتاعك ده والتاكتيك المبني عليهو ده من أنو دكتور معتصم عندو فرصتين والأستاذ مأمون عندو فرصة فعلاً فاتت عليَ وما فكرت أنا فيهو فجزاك الله خير الجزاء علي تبصيرنا بما خفي علينا من لولوة السياسة .

يا قرشي انا لمن قلت لي صداح كان تسكت حقيقي قصدت المداعبة
وكويس انك قدرت تخت النقاط في الحروف بسعة صدر لا تنقصك وحكمة انت منبعها
وتسلم ياخي الفاضل

المحبوب أحمد الأمين كتب:

يا قرشي انا لمن قلت لي صداح كان تسكت حقيقي قصدت المداعبة
وكويس انك قدرت تخت النقاط في الحروف بسعة صدر لا تنقصك وحكمة انت منبعها
وتسلم ياخي الفاضل

الأخ الحبيب الغالي/ المحبوب أحمد الأمين حفظه الله
السلام عليكم ورحمة الله وبركاته وبعد،،،،
أشهد الله أشهد الله ليس في قلبي مثقال ذرة من ناحيتك ذي ما تفضلت أنت وقلت: مداعبة
وجزاك الله خيراً واعفو عنا

قرشي حمدالله على السلامة
كانت مصيدة قوية من صداح لكنك طلعت منها بسهولة
من ماقريت البوست قلت قرشي كان رد بكون اتمقلب


صداح طلعت بره دي
ومبروك فوز البشير

يا قرشي الإمضاء التحت دة ،،
بتاعك ،، عن منوا ،، بالسند ،،

ركــــابي :-

انا بتمنى ليهم
الاتنين
مامون
معتصم
.............

اقتباس :

من طرف رحاب قسم الباري في الأحد أبريل 11, 2010 11:25 am

انا بتمنى ليهم
الاتنين
مامون
معتصم
.............

سلامات يا رحاب :

أنتي عارفة أنو النقط دي منطقة وسطي بين الكحة وبين صمة الخشم .

الابن الحبيب/ الرشيد حبيب الله التوم حفظه الله ورعاهـ والأسرة الكريمة
السلام عليكم ورحمة الله وبركاته وبعد،،،
أسأل الله عز وجل أن يديم عليكم نعمة الصحة والعافية، وأن يجعلنا متحابين فيه لحديث المصطفي صلى الله عليه وسلم : (سبعة يظلهم الله يوم لا ظل إلا ظله وذكر منهم رجلان تحابا في الله اجتمع عليه وتفرقا عليه) ونسأل الله أن نكون منهم.
أخي هذا ما تعلمنا من والدنا/ حبيب الله التوم نمر، أسأل الله عز وجل أن يجعل ما قام به من تعليم الاجيال في موازين حسناته وأن يديم عليه الصحة العافية وأن يطيل عمره في طاعة ويبارك فيه.
وجزاك الله خيراً، على السمات التي وصفتنا بها أسأل الله أن يلبثنا إياها.

الأخ الغالي/ أحمد بابكر الكوني وفقه الله
السلام عليكم ورحمة الله وبركاته وبعد،،،
أسأل الله عز وجل لنا ولكم التوفيق والسداد في الدارين.
سأظل أبحث فيكمُ عن السر الذي قد شدني! ولايزال يشدني شوقاً اليكم!!!!!!!
الا هو الحب في الله وصفاء قلوبكم لانكم ساكني ما بين النيل الأزرق وبين الكنار
واتمنا لك الفوز بالجنة ومساكن الابرار في مقعد صدقِ عند مليك مقتدر.

صداح فاروق وراق كتب:

اقتباس :

من طرف رحاب قسم الباري في الأحد أبريل 11, 2010 11:25 am

انا بتمنى ليهم
الاتنين
مامون
معتصم
.............

سلامات يا رحاب :

أنتي عارفة أنو النقط دي منطقة وسطي بين الكحة وبين صمة الخشم .

اهلا صداح..
وبين اللبن الفطره
وبين سواد البن وطعم القهوه البكره

استاذي الفاضل/ بكري عثمان حفظه الله ورعاهـ والأسرة الكريمة
السلام عليكم ورحمة الله وبركاته وبعد،،،
أسأل الله عزوجل لك العفو والعافية والمعافاة الدائمة، في الدين والدنيا والآخرة.
جزاك الله خيراً، دعوة الله أن يسددني ويلهمني الصواب في الرد على الأخ الحبيب صداح.
وكان التوفيق من عند الله.

أمين الركابي كتب:

يا قرشي الإمضاء التحت دة ،،
بتاعك ،، عن منوا ،، بالسند ،،

ركــــابي :-

الأخ الغالي/ أمين الركابي وفقه الله
السلام عليكم ورحمة الله وبركاته وبعد،،،
أسأل الله عز وجل أن يعطيك إيماناً صادقاً، ويقيناً ليس بعده كفرٌ، ورحمة تنال بها شرف كرامتة في الدنيا والآخرة.
اعمل في دار القاسم للنشر والتوزيع يعني هذا مجالي الكتابة والقراءة هذا العمل طُلب مني بمناسبة عيد الأضحى المبارك معايدة لاحد المؤسسات السعودية أكتبه لك كامل:
بقلوب مترعة بالحب والوفاء ... وبمشاعر يملؤها الود والإخاء
نزف إليكم أطيب التهاني.. وأعذب الأماني بحلول عيد الأضحى
المبارك 1430هـ.. تقبل الله منا ومنكم خالص الأعمال... وأعاده الله
علينا وعليكم وعلى أُمتنا الإسلامية العظيمة وهي ترفلُ في ثوب العزّ والنصر والتمكين.
وكتبته بعد صلاة الفجر، واقتبسة منه هذا الجزء. المتن والسند توفيق من عند الله.

يا صداح براحه علينا ما تخليك جادي كده طوالي اهو نحن بنتونس بس على قدر فهمنا وسياستنا Zero