خبر عاجل : تمــــــــــــــــــــــــــديد الانتخابات ليومين

قررت المفوضية العليا للانتخابات السودانية تمديد عملية الاقتراع يومين إضافيين في أنحاء البلاد لتنتهي يوم الخميس المقبل بدلا من الثلاثاء ..


اها النشوف الخرخرة تاني وين

Viva Carter

حتى نعرف ونعى مايحدث ...
لماذا التمديد ؟؟؟؟؟؟
نرجو ان لانركن بعقولنا الى الاخرين .....

التمديد مطالبة من الاحزاب باعتبار ان الناخب بياخد زمن حتى يتمكن مع الاقتراع

يابوعثمان الكبير الكتبي
صاحبك ما قال ورقوا قافل
وبدروا آفل
ورحابو رافل
وكيشو دافر
وبكري غافل
تاني مالو بدافر ( بكري حسنين ساله لزوم الهواااااااااااااااااااا )

داير يأجل
لي شنو ؟؟ ماكان مستعجل
حاجة تكسف حاجة تخجل

رموز ملخبطه
كرسي عجلة تلقاها بطة
رمانة منقة تلقاها شطة
ودائرة ودنوباوي جنوب اصبحت طنطا

يا بوعثمان شكاها براو
ووزعا ما ادى الحِداو
لو ورقوا زاد وإتحرق حشاو يتبالا بيهو ويرجى الجاياو

بكري قول لي متوكل اكان حا فظ أغنية أبوعبيدة حسن (( شوفو لي لي حلل )) خلي يرسلا ليك تديـها لناس المفوضية عن طريق الدي دي تي
لانو الدي بي اف أكلو زي الما حاصل حاجة (( "Down Payment "Fund ))
نجرب معاهم الدي دي تي خلي يقطع مصارينن

بكري عثمان كتب:

التمديد مطالبة من الاحزاب باعتبار ان الناخب بياخد زمن حتى يتمكن مع الاقتراع

الأخ الغالي/ بكري عثمان حفظه الله ورعاهـ
السلام عليكم ورحمة الله وبركاته وبعد،،،
أسأل الله عز وجل أن يجعلك من الذين أشارت إليهم أعلام الهداية، ووضحت لهم طريق النجاة وسلكوا سبيل الإخلاص واليقين.
يا بكري التمديد ما عشان الناخب بياخذ زمن في عملية الاقتراع، ما هو جاهز وموضوع فوق أول ما تمسك القلم يدك تقع فيه.
انت ما مشيت انتخبة للحين.

الاخ بكري عثمان والجميع السلام عليكم ورحمة الله وبركاته
وانا الان بتحدث من قلب الاحداث ويا اخي بكري غير صحيح ان تمديد الايام ليس للتسهيل علي الناخب ونما تغطية لعمليات التزوير وتبديل رموز المرشحين في كثير من الدوائر الجغرافية وفي بعض الدوائر سقطت رموز المرشحين
ويا اخي بكري لقد عاصرنا انتخابات كثيرة في السودان وشاهدنا بعض التجاوزات ولكن لم نشاهد مثل ماحدث في هذه الانتخابات ولم نشاهد تبديل رمز مرشح او سقوط رمز مرشح الا في هذه الانتخابات
ولكم تحياتي

التمديد لم تطالب به الاحزاب قط التمديد لتكمله المسرحيه لاخر فصل وهذه امثله معاشه ياناس المهجر :-

رموز فى بعض الدوائر مختلفه عن رمز المرشح مما يفقد المرشح حقه وحق ناخبيه وده خطاء فنى

كشوفات تاتى لدايره شمبات 17 ياتيها كشف الحاره 22 وده خطا فنى

مرشح بحرى دايره 23 سقط اسمه (عباس محمد عباس) وده خطاء فنى

قام ضباط المراكز ليل امس بطرد المراقبين وفى كثير من المناطق شوهدوا يحملون الصناديق الى اماكن مجهوله وده خطاء فنى

بطاقات اقتراع مجلس تشريعى بربر وصلت لها بطاقات خلاف مرشحيها وده خطاء فنى

الحبر الذى يظل لمدة 15 يوم ينتهى فى اقل من 24 ساعه بعد غسله بالصابون واكيد ده خطاء فنى
اليوم ادلى ناخبين انهم صوتو باسماء لاتخصهم وهم غير مسجلين وبرضو ده خطاء فنى
وحتى تكوين المفوضيه( الى ان تم نقل نعشها بواسطة قرفنا )سيكون خطاء فنى

فايزه السيد كتب:

التمديد لم تطالب به الاحزاب قط التمديد لتكمله المسرحيه لاخر فصل وهذه امثله معاشه ياناس المهجر :-

رموز فى بعض الدوائر مختلفه عن رمز المرشح مما يفقد المرشح حقه وحق ناخبيه وده خطاء فنى

كشوفات تاتى لدايره شمبات 17 ياتيها كشف الحاره 22 وده خطا فنى

مرشح بحرى دايره 23 سقط اسمه (عباس محمد عباس) وده خطاء فنى

قام ضباط المراكز ليل امس بطرد المراقبين وفى كثير من المناطق شوهدوا يحملون الصناديق الى اماكن مجهوله وده خطاء فنى

بطاقات اقتراع مجلس تشريعى بربر وصلت لها بطاقات خلاف مرشحيها وده خطاء فنى

الحبر الذى يظل لمدة 15 يوم ينتهى فى اقل من 24 ساعه بعد غسله بالصابون واكيد ده خطاء فنى
اليوم ادلى ناخبين انهم صوتو باسماء لاتخصهم وهم غير مسجلين وبرضو ده خطاء فنى
وحتى تكوين المفوضيه( الى ان تم نقل نعشها بواسطة قرفنا )سيكون خطاء فنى

والله دي ارائكم ومقتنعين بيها انتم
ولكن لن نشكك في البشير اطلاقاً
وسيعترف به العالم كله ان فاز
وسيكون رئيس اتى بالديمقراطية طالما ان الانتخابات اعترف بها العالم واحضر مراقبين وسيكون لهم راي في هذا فان قالو ان هنالك تزوير نمشي معاهم وان قالو ان الانتخابات سليمة فتمشو معاهم

الاخ على تجدنى اثنى على كلامك وان نعتبر هذا الهامش ولو انه معيب الخطوة الاولى لمزيد من الاصلاح والديمقراطية ان احسنا الحفاظ عليها بالوعى الكامل وان صدقوا بانهم يريدون فعلا ديمقراطية ...
نعم تنتهى الانتخابات وينتهى حساب بعضهم هنا ... ولكن نرى انها البداية بعد اعلان النتيجة ....

الاخ بكرى
الحمد الله انك قلت حا تمشى مع راى المراقبين تذكرهذا الكلام جيدا
وماتغير رايك هل تذكر عندما اتى كولون باول السودان وعندما سئل
عن الوضاع فى دارفور قال تمام التمام وعندما سافر الى بلده قال فى
دارفور مالم يقله مالك الخمر
وبعدين متين المؤتمر الوطنى اصبح عميل الى امريكا حتى يثق فى
مراقبيها مجرد سؤال اذا غير المراقبين ارائهم اوعى تجى تقول
السودان مستهدف

الاستاذ كمال
لك التحية والتقدير
انا بمشي بكلام المراقبين
هل انت بتمشي بيه وبتعتمده كحقيقة لو قالو ان الانتخابات صحيحة ومافيها اي حاجة

اخونا قرشي
السلام عليكم ورحمة الله
انا بنتخب يوم الخميس عشان ارجح الكفة
بع المحبوب امشي الليله

بكري غير العنوان دا لو تمسحت
لانو انا اسي جيت قريتو
وحسبت يومين لقيتا بتنتهي يوم السبت الجائي ،،
بصراحة عنوانك دا ذكرني عربية زمان في المواصلات مكتوب عليـها
بكرة الركوب مجان ،،
وبي عنوانك دا لو جر الانتخابات ما بتنتهي كلو كلو

طيب ماهو بكره الركوب مجان ياحبوب

بعد زياد الكوزين موية ديل ،،
بتكون دايرة ليها علبتين صلصة عشان تسبك ،،
بعدين يا بكري كلم ناس مفوضية الملمات ما يحركوها لأنـها ماسكة وأي صواته بطلع الحترب وحا تبوظ ،،
بس يخلوها كِدا .. وبعد يفتوا العيش يقلبوها بي حرها دا ،،
والداير ياكل ياكل
والماداير ياكل عيش قروض

المحبوب يمكنك التحدث في اي حاجة الا ان تقول ان الانتخابات ملعوبة ومزورة والاسطوانة المابتنتهي دي
فالحديث عن التزوير يجب ان يكون بمستند رسمي واثبات ( البينة لمن ادعى واليمين لمن انكر ) فاتو بالبينة وطالبونا باليمين

اليمين كان مطلوق
ما كان إتشنق ود ابكريق في السوق

خلاص عليكم بالبينة خلوه اليمين المطلوق

أ - حق تقرير المصير

تأكيد مبدأ حق تقرير المصير كحق اصيل واساسي وديمقراطي للشعوب.
الاعتراف بان ممارسة حق تقرير المصيـر توفر حلا لانهاء الحـرب الاهلية الدائرة، وتسهل استعادة وترسيخ الديمقراطية والسلام والتنمية.
ان يمارس هذا الحق في مناخ من الشرعية والديمقراطية وتحت اشراف اقليمي ودولــــي.
ان المناطق المتأثرة بالحرب هي جنوب السودان ومنطقة ابيي وجبال النوبة وجبال الانقسنا.
ان مواطني جنوب السودان ( بحدوده المعتمدة في 1 يناير 1956 ) لهم الحق في ممارسة حق تقرير المصير قبيل نهاية الفترة الانتقالية.
ان يتم استطلاع رأى سكان ابيي حول رغبتهم في الاستمرار في اطار الترتيبات الادارية داخل جنوب كردفان او الانضمام لبحر الغزال عبر استفتاء يتم خلال الفترة الانتقالية. واذا ما أكد الاستفتاء أن رغبة الاغلبية من مواطني منطقة ابيي هي الانضمام لبحر الغزال فانــه يصبح من حقهم ممارسة حق تقرير المصير كجزء من مواطني جنوب السودان.
فيما يخص مواطني جبال النوبة وجبال الانقسنا، يؤكد على المعالجة السياسية الهادفــة الى ازالة كافة المظالم القائمـة في هاتين المنطقتين على ان تنفـذ تلك المعالجــة الحكومة الانتقالية، ويستتبع ذلك اجزاء استفتاء يتم عبره التأكد من المستقبل السياسي والاداري خلال الفترة الانتقالية.
تأكيـد التزامه بتحقيق السـلام العــادل والديمقـراطي والوحـــدة القائمـة على الارادة الحـــرة للشعب السوداني وحــل النزاع المسلح الحالي بالوسائل السلمية مـن خــلال تسويــة عادلة وناجزة. وفي هذا الصــدد يؤكـد قبــوله لاعــلان المبادئ الذي اقرته مجمــوعة دول الايقاد ويرى في هذا الاعلان اساسا عمليا ومعقولا لتحقيق السلام الدائم والعادل.
تأكيد ان السلام الحقيقى في السودان يستحيل رؤيته في اطار مشكلة الجنوب وانما من خلال ادراك الجذور القومية للمشكلة.
التأمين على ان قضايا السودان الوطنية لا يمكن حلها الا عبر طريق حوار صريح، جاد ومستمر بين كل المجموعــات الوطنيـة السـودانية وعلى ان طبيعـة وتاريخ النزاع السـودانى قــد برهن على ان الســلام العـادل والاستقرار في البلاد لا يمكـن تحقيقهما عن طريق حل عسكري.
واكد المؤتمر ان على قوى التجمع الوطني الديمقراطي ان تعمل بجدية من اجــل اتخاذ موقف موحد من الخيارين اللذين سيطرحان على الاستفتاء وهما : - أ. الوحدة ( فيدرالية / كونفدرالية ) و ب. الاستقلال
ان تعمل سلطة التجمع الوطني الديمقراطي، خلال الفترة الانتقالية، على بناء الثقة واعادة صياغة الدولة السودانية حتى تأتى ممارسة حق تقريــر المصير دعما لخيار الوحدة.
واذا يقر التجمــع بان حق المصير حق انساني وديمقراطي وحق للشعوب فهــو كذلك آلية لوضع نهاية فورية للحرب الاهلية وفرصة تاريخية متفردة لبناء سودان جديد يؤسس على العدالة والديمقراطية والارادة الحرة. ويلتزم التجمع بقيادة الشعب السودانى ليمارس هذا الحق التاريخى بنجاح.