يأخى ما ننوم!!!!!

حاجة عجيبة والله الواحد يغفو ليهو غفوة كده القى الشعب السودانى كله بقى موتمر وطنى !!
بالله ما حاجة تجنن؟...غايتو المرة الجاية الواحد لو فى مرة جاية ما ينوم اصلو لانو لو نام عيييييييييييييييك القى الشعب مافى....

الرشيد حبيب الله التوم كتب:

يا بدر
لك التحية
أخشي أن تغفو الغفوة القادمة و تقوم تلقي السودان ذاتو ماف..؟؟
تصبح علي خير..خليك صاحي لحدي ما يصحو الباقين و يستلموا الوردية..؟
و دمت

يا رشيد تحياتى
خليك صاحى دى زكرتنى قصة الشلة الزمان كانوا كل يوم عندهم قعدة بخمجا وطربا المهم وظلوا على هذا البرنامج سنين عددا وفى يوم واحد منهم مسكوا ابو الشهيق من منتصف القعدة وبعد ان انفض السامر والجماعة اتفرتقوا كل واحد مشى بيته صاحبنا بتاع ابو الشهيق استمر معاه الشهيق حتى النوم المهم الصباح مرتو جات تصحيهو لقتو ميت وفكت السكليب وطبعا الناس جأت الفاتحة وبتسأل الزول ده كان عيان ولا شنو؟ والاجابة ابدا والله كان نصيح بس كان عندو ابو الشهيق .المهم بعد ايام الفراش رجعت الشلة لعادتها القديمة (والحلة والقعدة )وصادف ان مسك واحد منهم ابوالشهيق اثناء القعدة المهم الجماعة بعد نهاية القعدة اتنفضوا وكل واحد مشى بيتو انوم الا زولنا المسكوا ابو الشهيق مسكتو ليك خوفة وتزكر المرحوم انو اخر حاجة عملها نام وبعدها ما قام صاحبنا طلع ليهو كرسى بره الشارع وحلف ما ينوم للصباح خائف اتلحس .
اها ىا الرشيد نحن تانى مافى نوم هدى صحية لغاية ما يستلم بركة ولا المحبوب الوردية ويا ناس الحلة اوعى من المفوضية وخلف الله

اخونا الاكبر والحبيب بدر
بالجد النكته رهيبة جدا
لكن انت ماتنوم خلي انوم الجمبك عشان اقوم القاك مؤتمر وطني

محمدكمال السر كتب:

خرج الرئيس البشير بسيارته فلم يجد أى شخص فى الشارع فسارع بالاتصال تلفونياَ بنافع قائلاَ .. يا دكتور وديتوا الشعب السودانى وين ؟ فرد عليه نافع : كلهم تحت الشجرة يا رئس

الناس بقو عايزين الضل

والله يابدريتو
انا خايفه القى نفسي مؤتمر وطني
ويجي يوم اهتف اقول سير سير يالبشير
لان الحوليك كلهم .............
والواحد لما يجي يفتح موضوع الانتخابات
والكل الشجره
يدوك احساس انك كلمه شاذه
ياربي الحاصل شنو؟؟
غبينا ولا بنتغابى..!!!!!!!

الضل ده تاجر فى سنار عندو اى سلعة تخطر على بالك بس الشعب طلع مواسير وبرضو تقول لى أيفانى ما ماسورة!!!!1

النايمين لها شنو؟

اهلا بالعمدة ونصيحتى ليك احسن تمضئ لانو باقى العمر الفضل ده محتاج ترطيبة وهواء بارد وتجدع فى هاواى ولا كوستا دى الصول (costa del sol) وبالجد يا بت الحاج النائمين ليها شنو؟...ليك على نوم تأنى مافى نهى نهى كفاية طلعنا مواسير ساكت والحارقنى بالجد مواسير عادم يعنى فقط كلامنا طلع دخان فى الفاضى .
اها يا حلوين انا زاتى عايز ارطب هل من يزكينا؟

Badr Abbas كتب:

حاجة عجيبة والله الواحد يغفو ليهو غفوة كده القى الشعب السودانى كله بقى موتمر وطنى !!
بالله ما حاجة تجنن؟...غايتو المرة الجاية الواحد لو فى مرة جاية ما ينوم اصلو لانو لو نام عيييييييييييييييك القى الشعب مافى....

الأخ الغالي الحبيب/ بدر وفقه الله
السلام عليكم ورحمة الله وبركاته وبعد،،
أسأل الله عزوجل لنا ولكم العافية والمعافأة الدائمة في الدنيا والآخرة.
بعد ما صحية من النوم البقوا مؤتمر وطني ديل قبل الفتح ولا بعد الفتح، ولا ناس معكم معكم بدرب الطويل، ولا ديل ناس رزق الله حسن خلف الله.
وجزاك الله خيراً