اقتراح لمكتبة الصور

الاخوة داخل الحصاحيصا

اقترح ان تمدونا كل اسبوع .. او كل فترة محددة بصورة لاحد مواقع الحصاحيصا .. سواء كانت عامة او خاصة .. مواقع حكومية او سكنية شعبية او محلية .. شوارع ... شفعنا الفقاري وهم يلعبون. .. مناظر طبيعية من شروق وغروب .. وحتي الغبار عايزنه

طلب الي اخونا حسن وراق

في الخريف وقت المد والجذر للبحر .. وبعد ما ترجع الموية .. بتكون الارض الطينية فيها تشققات عليك الله قرب الكاميرا واخذ صورة .. وشوف روعة المنظر .. ومتعنا بها في المنتدي .. عشان نشم ريحة طين البلد من علي البعد

اشكرك يا بت امها
وطلب مجاب ان شاء الله
البجيب الخريف ويوديهو شنو؟؟
وهاكي الصورة دي؟؟
[ندعوك للتسجيل في المنتدى أو التعريف بنفسك لمعاينة هذه الصورة]
السماني وتامر ابناء الراحل المقيم د. محمد السماني موسي يبداون مشوار الصباح الباكر الي دار العلم ..وهكذا تمضي الحياة

مشكور جدا علي قبول الاقتراح والشكر اجزله علي تنفيذه السريع
......

اجمل شئ انك بدأت بالاطفال .. البراءة .. وما تحمل العيون من رؤية لمستقبل مجهول ولكن تفاصيله مرسومة في العقول

متعك الله بالصحة والعافية .. وربنا يكبر السماني وتامر

وما زلنا في انتظار الصورة الاسبوعية يا جماعة الخير .. حسن اوالبت السكر

يا بت امها والله انا ما ناسيك لكن المشغوليات احتلت مكانا ما مكانا؟؟
وهاكي دي:
[ندعوك للتسجيل في المنتدى أو التعريف بنفسك لمعاينة هذه الصورة]
مكتب الدفع المقدم لشراء الكهربا للمشتركين يقع في مدخل السوق وجنوب المسجد العتيق

الله علي الصور الله علي الحصاحيصا
صورة مكتب الكهرباء دي كانت ايام المولد ولا شنو
شايفة الخيم وراء
زيدونا من الصور دي عليكم الله

يا سلام عليك يا حسن .. دائما تمس الوتر الحساس

يا تري الغلابة عاملين كيف مع الدفع المقدم .. وحتي المقتدرين مرات بنسو يقروا العداد وفجأة وبعد العاشرة تكتشف انك خلاص علي الرمق الاخير

وما احلي المارين وداخلين السوق والطالعين منه

تسلم حسن

اجمل ما في هذا الاقتراح ربط عشاق هذه المدينة الوادعة بشوارعها وازقتها واحياءها سوقها ومدارسها وذكرياتها وكل مافيها حتي تكون زادا لعشاقها في المهجروجميعا سوف نسعي في تحقيق هذه الغاية انشاء الله ولك التحية وانت في بلاد الغربة

بردايس كتب:

اجمل ما في هذا الاقتراح ربط عشاق هذه المدينة الوادعة بشوارعها وازقتها واحياءها سوقها ومدارسها وذكرياتها وكل مافيها حتي تكون زادا لعشاقها في المهجروجميعا سوف نسعي في تحقيق هذه الغاية انشاء الله ولك التحية وانت في بلاد الغربة

وتحايا مني .. إليك وانت تساند الاقتراح..
اتمني الا تقتصر الصور علي مناطق معينة دون الاخري .. يا ريت يكون مسح شامل ..

والمنتدي يستطيع ان يحتفظ بالصور لسنوات .. بعدها تصبح اطلال لعمران حديث