نرجو عدم إصطحاب الرئيس !! عزومة زوما ..لِزوما ؟

جاكوب زوما رئيس جنوب افريقيا
اليومين ديل مجدع في جوهانسبيرج بسبب المونديال



المناسبة طبعاً
العرس العالمي للظفر بلقب كاس ست الحسان
الغالية نبع الحنان
الحبنا ليـها فاق الظنون
وإخلاصنا باقي مع الزمان



يقوم زوما بتوزيع رقاع الدعوى
ما خلى دولة أو بلد ما عزمو
السودان ذاتو معزوم
ووصلتو الدعوة
شمس الـتهاني أشرقت أنوارها
ويا ضيفنا لو زرتنا لوجدتنا
نحن الضيوف وأنت رب المنزل
يتشرف جاكوب زوما
بدعوتكم لحضور أول مونديل في افريقيا
والمكان جنوب افريقيا
والزمان 11 يونيو
ولم ينس زوما التذكير بأن الحفل حا تغني فيهو شاكيرا



بس أسفل الدعوة الجات للسودان كتب زوما
يرجى عدم إصطحاب الرئيس
والله العبارة فيـها إستفزاز
ولأول مرة أحس بأن هذا الزومة متهور
فما من الزوق تعزم ليك بلد وتقول في الدعوة
ممنوع إصطحاب الرئيس
على كل حال انا بعتقد بأن زوما خرج عن آداب الدبلوماسية
أو فلنقل الكياسة
كان تقدم الدعوة
ونحن حرين
نرسل الرئيس
نرسل نائب الرئيس حرين
لكن أن تقول جنس كلامك دا
فهذا ما لم نجد له إعراباً في قاموس
الأرواح العايز تقبضا في مناسبة رياضية
بعدين الرئيس ذاتو عارف حدودو
يعني لو وجهت الدعوة وسكت كان أفضل
وكان شكرك واعتذر ليك



شوف يا زوما جنس التعب دا
والله للحالة دي كان تجيبوا لينا في ميدان عقرب

المشكلة كده الجعلي (يحرن)
ويقول ما ح أسيب الرئاسة لغاية ما السودان ينظم المونديال وأعزم فيهو (زوما) وأطردو شر طرده
دي مصيبة شنو دي ..

لما الريئس جاتو العزومة ولقى فيها
الكلام الاخير ده
قال ( حرم امشى وحرم اشاهد المباريات لما يشيلوا
الكاس وحرم مافى زول ايقبضنى كدى النشوف )
شنو رايك يالمحبوب
ودمت
المغربى

التحية لكم جميعاً
وقصة الحضور دي فيها مشكلة لو يدركون
هذا اول مونديال يقام في افريقيا
الدول الافريقية قاتلت في التصفيات المؤهلة قتال شرس جداً
وكلنا شفنا الحرابة الكانت في أمدرمان بين المصريين والجزائريين
وكان واضح جداً البُعد السياسي والذي حول المباراة لمعركة إعلامية ودبلوماسية شرسه
ودا كلو بسبب الحضور وما معقول عرس يقام في بيتك وانت تحضروا في ضهر جمل
زي ما قال هاشم كبير لمحمد وراق (عندما اوقفت اللجنة الادارية وراق من دخول دار الرياضة ).