الذكرى الخامسه لرحيل ابى وصديقى

10\6\2005اخذ الرب وديعته..كان طيفا من خيالا..ملأ الدنيا ضحكا وجمالا..واريجا فاح دنا ودلالا..وسما نجما وتلألأ..وانزوى ليس بعيدا..ابكانا فرحين ..افرحنا باكين..وتلا.. فينا..وداعا من يقين..من جمال الطين ..انغرس شتلا عميق ما بلين..ومن جموع ناسا غبش بالطيبه شابين.... شامين..شايلين..سايحين دراويش فرح وسناد ترح..همبريب حوبه جاد فيها درب..درب..ورتق عورة الزمن المهتوق..و همبول الخوف والجهل والمرض..الفوق ريسينا واقف تب..حاحاهو..ما راضاهو..ماجاراهو..شليل وين راح..الصبح لاح..وتدثرطيبه مزراعية وعشاق نيل..وسبانا نبلا..وتوهط كبريائا..وصال وجال..وكان بائعا للطواقى فى سوق امدرمان..نسج حبوبته التى ارضعته عزة وامان..وسما..وتقاذفته السماحه..وهدهده الامان..وسما..وتدلى بعد ان ارتوى فيضا من اناس كان منهم ولهم..وسما الزول..وسحارته مليئه من جوف اجداده ..شجاعه..كرم..طيبه.. سماحه..اتشرف بان كان ابى زول..زول..ارى عراقى..اراه..عمة..طاقيه..مركوب..زير-مشلعيب-مفحضه-شلوخ- (شفاه-خضراء- لامراة عجوز) -ارى ابى كلما ارى سودانى..سودانية..لم يمت ابى مادام السودان حى يرزق..صديقى ..صديقتى ادعو له بصالح الدعاء ولامة محمد افضل خلقه والسراج المنير..وكدور الجمال يا جنا..............................

ابتدأت رشدا وحمدت اضافة باافضل الاسماء. دمت ورحمه تنزل على من كان حبيبا اليك افتقدته وعافيه ورضا على من يزينون حياتك.لك الود بن الجاك بن محمد الراشد

مااجمل ان يزدان الاسم بالعدل ويقترن بالفاروق ولا يعرف طيب الكلام الا اهله ويلبى الفضل اهل الفضل ادام الله عليك نعائمه ورضاه.دمت صديقى بن الفاروق

ربنا يرحمو ويغفر ليهو ويسكنو فسيح جناته

ابونا الفاضل سعيد خالد فينا بما قدمه لنا من معرفه وتوعيه وتثقيف فى شتى ضروب الحياة ... ربنا يحسن اليه بقدر ما احسن الى شعبه واهله وجمهوره العريض ....

الذكرى الخامسة لرحيل ابونا واخونا الغائب الحاضر الفاضل سعيد
له الرحمة والمغفرة

نسأل الله لأستاذنا الفاضل السعيد المغفرة ..
وأن يرحمه بفضله ومنه
ويسعده في دار جنانه خالداً مخلداً فيها
فهو بت قضيم أمنا وحبوبتنا
وهو الفاضل سعيد أبونا
وهو العجب أخونا
ولا عجب يا ابن العجب انك ابنه ... فمن له ابن مثلك فهو لم يمت
كان مدرسة تعلمنا وما زلنا نتعلم منها
اللهم أفسح له في قبره واجعل قبره روضة من رياض الجنة
آمين يا رب العالمين

له الرحمة والمغفرة وربنا يجعل مثواه الجنه

إنا لله وإنا اليه راجعون

التحيه لك مجدى الفاضل وانت تحيى ذكرى المبدع الفاضل سعيد وانت تجدد جراحك وانت تهز خشبة المسرح القومى لتاتى بالجديد وانت تنادى اهل المسرح كى يجددوا وانت تقول لن يمت المبدعيين

الاخ حسن الحسن الاخ الرشيد والجميل بكرى ومنورة نورا يا ابوها وهنويا والصديق العشى والفاضله الفايزة ومن هاتفنى وراسلنى ما اجمل ان تكون ..وبكل مرارة الفقد ان يشاطرك فيها احبابك.. حتى صار الحزن داخلى فرحا ..واصاله السودانيين يتنفسوا جراحهم افراح ..وصدقهم فى الفقد ابهى واسمى..واقسم بالذى رفع السماء بلا عمد هذا الوطن عظيم بمثقفيه وفنانيه واتقيائه الذين يخافون الله قبل الناس ويحبون بعضهم وان لم يلتقوا ..وفيها باقى خير..عايزة رشة صبر.. وبشة فال..اللهم عزنا بعزك ورضاك وتقبلنا واعف عنا وعافنا وسخر لنا من يرحمنا كما سخرت البحر لموسى عليه السلام ولين قلوب اولياء امورنا كما لينت الحديد لعبدك داؤود عليه السلام..وتجاوز عن سيئات موتانا وارحمهم بفيض من فضلك يا ذو الجلال ..لكم الشكر