يا جماعة ... روقوا المنقة !! ؟؟

بسم
الله الرحمن الرحيم


من الحصاحيصا سلام


وليد العشي


يا جماعة .... روقوا المنقة !!؟؟


·
والله الحصاحيصا اصبحت حاجة تحير شكاوى وبلاغات
وطعون واستدعاءات الحكاية شنو ما تروقوا
المنقة عشان خاطر المنقة


·
تجمع الأندية واتحاد الكرة عمومية المريخ وأعضاء الجمعية
العمومية والمفوضية والشبابية يعنى ممكن تصحى الصباح تلقى نفسك مطعون واحياناً
طاعن ... على العموم ربنا يكضب الشينة


·
الذي بحدث ألان في الوسط الرياضي يعنى حراك ديمقراطي
ايجابي ويعنى أبضا حراك خلفي الخاسر الوحيد فيه تطور الرياضة في المنطقة


·
أين الوزير عثمان أبو قناية وأين رموز المنطقة وأين
حب الحصاحيصا الذي كان مصدر فخر وسعادة للجميع


·
بالمناسبة أين معتمد الحصاحيصا الأخ عبد الرحمن
مصطفى من الذي يحدث من عراك وخلاف والى متى يظل بعيداً من واجبه تجاه تطور الرياضة. اظهر يا معتمد وبان عليك الأمان


·
التسجيلات شغالة . قروش مافى.. ولاعبين مافى.. وأندية
مافى.. ونفس مافى


·
الجمعية العمومية للهلال يوم الأربعاء القادم
ومتوقع لها أن تكون نموذجية بحكم الجو الأسرى الذي يزين الأسرة الهلالية


·
احدهم قابلنى وسالنى مباراة السودان في كاس
العالم متى . يا ربى الزول ده قاصد شنو


·
الأخ عمر عبد الرحمن مدير الاراضى لا تجمعني به
علاقة ولم أقابله حتى ألان ولكنها سمعة طيبة وتعامل راقي تلمسته من خلال سيرته
العطرة في عدد من المحامل الاجتماعية والخدمية


·
آخى عمر عبد الرحمن قليل هم الذين
حباهم الله بحب الناس . ضع المواطن من اولوياتك وسوف يوثق لك التاريخ مساحة طيبة في
نفوس الجميع


·
الفنانة حرم النور والجميل لؤى جميل....... اين
الجديد


·
داخل النص ...... خالد عثمان مطر اختاره الله
بجواره واختارت ذكراه العطرة أن تكون فخرا
وشرفاً يزين كل مساحات الدواخل


·
خارج النص ...... اليوم مباراة السودان والبرازيل
في نهائي كاس العالم بجنوب أفريقيا


·
نص خاص ...... هم كثر الجميلين في حياتنا ولكنها
مساحة خاصة من التقدير والاحترام إلى أسرة عمر محمد نور.. بعووضة والعريباب


·
قبل الوداع .. الحصاحيصا ... الحصاحيصا...
الحصاحيصا





يترقبها
الجميع


اخطر قضية في
الحصاحيصا


كتب: وليد العشى


وسط ترقب وانتظار من الوسط الرياضي في السودان
والحصاحيصا تعقد محكمة الطعون الإدارية بالحصاحيصا برئاسة مولانا احمد المصطفى يوم
الأربعاء القادم 23/6 أولى جلساتها للنظر في الطعن المقدم من الاتحاد المحلى لكرة
القدم ضد قرار محكمة التحكيم الشبابية لفض النزاعات الرياضية بولاية الجزيرة الذي
أيدت فيه قرار المفوضية الشباب والرياضة الولائية بقيام جمعية عمومية طارئة لسحب
الثقة من الاتحاد الكرة وذلك بعد المذكرة التي قدمت من تجمع الأندية


الرميصاء
تتفوق


الأهل بمدني والعريباب يزفون التهاني القلبية الخالصة
إلى الابنة النجيبة الرميصاء احمد البشير وهى تواصل نبوغ أسرتها الكريمة وتزرع الفرح في نفوس الجميع
بنجاحها الباهر في الشهادة السودانية (( 92.6 )) ألف مبروك وتهنئة خاصة من الزميل
وليد العشى .... ولقدام يا رب

((وسط ترقب وانتظار من الوسط الرياضي في السودان
والحصاحيصا تعقد محكمة الطعون الإدارية بالحصاحيصا برئاسة مولانا احمد المصطفى يوم
الأربعاء القادم 23/6 أولى جلساتها للنظر في الطعن المقدم من الاتحاد المحلى لكرة
القدم ضد قرار محكمة التحكيم الشبابية لفض النزاعات الرياضية بولاية الجزيرة الذي
أيدت فيه قرار المفوضية الشباب والرياضة الولائية بقيام جمعية عمومية طارئة لسحب
الثقة من الاتحاد الكرة وذلك بعد المذكرة التي قدمت من تجمع الأندية))

والله ياوليد الكلام عامل زى المتاهة !!!!
محكمة وطعن ومفوضية وايدت واتحاد وتجمع وسحب ثقة ........
فى ام كم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله اعينك الاخ وليد علي مشاكل الحصاحيصا
انا بقترح نعطيط منصب مدير مكتب الشباب والرياضه بالولايه
الله اكون في عونك ياحصاحيصا

نعم يا مهدى
ربنا يكون فى العون
الحصاحيصا وبس

اليوم الثلاثاء 29/6
محكمة الطعون الادارية
الجلسة الثانية
للنظر فى الطعون المقدم من اتحاد الحصاحيصا ضد قرار لجنة التحكيم الشبابية لفض النزاعات الرياضية بولاية الجزيرة
والقاضى بالموافقة على قبام جمعية طارئة لسحب الثقة من اتحاد الحصاحيصا

راشد محمد الجاك كتب:

وليد العشي كتب:

اليوم الثلاثاء 29/6
محكمة الطعون الادارية
الجلسة الثانية
للنظر فى الطعون المقدم من اتحاد الحصاحيصا ضد قرار لجنة التحكيم الشبابية لفض النزاعات الرياضية بولاية الجزيرة
والقاضى بالموافقة على قبام جمعية طارئة لسحب الثقة من اتحاد الحصاحيصا

والله ياعشى كل مرة اقعد ارتب الكلام دا مرة ومرتين عشان يقع لى .....
ابداً !!!!!!!!!!!!
فى شان شنو كلو دا ؟؟؟؟؟؟؟؟؟

ولو اضفنا ان العمل العام عمل طوعي مهما ترتبه ما حيقع ليك
يبقي السؤال قائم في شان شنو كلو دا؟؟؟ غايتو مو في شان الحصاحيصا