واحد فى الكف .. وواحدلللف ..وواحد فى الرف

خبيرةالتجميل فلانه..وخبيرة التسمين فلتكانة..والحنانة علانة..وهاك يا جلبطة فى الوشيش ..وبشيش بشيش..الحواجب ما واجب ممعوطه ..والرموش مركبات بس منشات عربات..والسنون طقم..وبدره اساس تغير الاساس..وميك اب اصفر..احمر..زى شفق المغارب.. وكريمات تقلب الاسود ابيض والابيض اسود..وحقن وحبوب لزوم ذيادة لزوم ما يلزم..واخ لو كنت محظوظ وصبت مطرة وانت عريس فى الكوشة والمطرة تقول كدىتشتغل فى الرويس رشة موية تخليك ما تعرفها يا قعدت تخرخر..يا كبيت البيرق..يا كمان اها اكان ما صبت مطرة ومشيت الفندق وكده ..والعروس وكده يعنى بعد شيل الرموش وغسل الوشيش تبقى زى ابو الرقيع يا جنيت وافتكرتو شيطان ..ويا جنيت هضربة ساى..شان كدى نصيحة ساى اقعو خلقة الله ساى..ال كان خلاص قشرت مسحت زيت سمسم..واتكحلت بى كحل حجر مدروش..واتمشطت كوفات..واتريحت بى خمرة ..ولبست قرمصيص..وعلقت زمام..حاتقولو..خرافى..متخلف..وياى معقولة بس ما ممكن يكون ده هناى..باى..باى

قصصصصصة ونهايتة لسة

الاخ – الفاضل تحية طيبة هذه بعض الطرف عن العنوان السابق
وقد قمت بتحليل العنوان تحليلا تجريدي هذه الخاصية امتاز بها دون فخر
عندما تقرا العنوان فقط من غير ان تدخل على التفاصيل , وتونث العنوان
كالاتي – واحدة للكف وواحدة للف وواحدة للرف
يصبح المعنى كالاتي :. واحدة للكف ان هذا الشخص يسف صعوط لان الصعوط
يوضع في الكف قبل ان يسف في الفم.
1. واحدة للف تعني ان هذا الشخص بتاع ستلايت اي انه بتاع مخدرات لان السيجارة الخضراء تلف قبل ان تشرب
واحدة في الرف تعني ان هذا الشخص يشرب الخمر لان الشخص الذي يشرب الخمر
يضع الزجاجة اذا كان فيها باقي في الرف خوفا عليها من ان يتناولها اطفاله