1000 الف مشاركه لي هل قدمت حاجه مفيده للمنتدي

والله بدون ما احس لقيت اني حصلت الف مشاركه وقلت ياعبد تقيف شويه وتعمل ليك خط رجعه هل انا صاح ولاغلط
زعلت ليك كم واحد منك وفرحت ليك كم واحد والله الاتنين ما عارف النتيجه شنو ولكن في هذا البوست اردت ان اعتزر للجميع ان قلمي اصابه بشئ فله العتبي حتي يرضيوما دفعنا للكتابه غير حبنا للحصاحيصا الوطن والمنبت والمسكن والحب الشديد دايما ما يدفع الانسان للانجراف وري كل حدث والتقصي فيه
التحيه في هذا البوست لكل الاعضاء بدون فرز وواداريين ومشرفين ونشكر لهم تعبهم معانا ويسهرون الليل عشان تقدم ورفعة المجتمع وتحيه خاصه جدا للاب الروحي صاحب القلم القوي الاستاذ حسن وراق.

صداح فاروق وراق كتب:

تحياتي يا أبو مصطفي :
(إن الاتجاه الذي يبدأ مع التعلم سوف يكون من شأنه أن يحدد حياه المرء في المستقبل) أفلاطون.
مدخلي هنا ليس للثناء أو للتقريع ، وأنما مدخلي هنا تحية للفكرة نفسها وهي فكرة الوقوف مع النفس لتقييم المشاركات والتي تُعرف بممارسة النقد الذاتي ، من حيث هو عملية تقويم للمسار والعمل ومراجعة النفس أو النشاط فردياً كان أو جماعياً فهو شئ مفيد للجميع أن يخطو هذه الخطوة بين حينٍ وأخر ، وبالمناسبة أول من مارس النقد الذاتي ومحاسبة النفس ولومها ، أبوينا آدم وحواء، وذلك حينما أكلا من الشجرة، قال تعالى على لسانهما: [ قَالاَ رَبَّنَا ظَلَمْنَا أَنفُسَنَا وَإِن لَّمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ ].

شكرا استاذ صداح علي المرور ومنكم نستفيد انتم المشرفين الزين تسهرون الليل لراحة الاعضاء فلك كل الشكر

الرشيد حبيب الله التوم كتب:

يا فنان.. المشاركة الجاية عاوزين (يا قلبي السراري)..!!
و فق الله الجميع لما فيه خدمة الموقع و الدفع به للأمام بعيداً عن (المرفوض)..
و دمت

ان شاء الله اجازه سعيده وكتر لينا من اكل الفسيخ في الخريف

الله اديك العافيه الاخ ايهاب ويعني شنو كنا منتظرنين الاسره ولا ماعملتو عمره