الاستاذ المحبوب متهم في بلاغ سرقة ةتملك جنائي ( توجد قضية في محكمة دوت كوم )

واحد شدّ لي سلك قبل شوية قال لي (( لقيت ناس الدوت كوم في شدر المركز .. أها الشمار كتلني سألتهم قلت ليهم شنو يا جماعة " مجتمعية" .. قالوا لي لا لا لا " حولية" .. طوالي ختيت طرف جلابتي في خشمي ويا فكيك كمان الحوليات بقو يكشوها ))

اها انا جيت .. انتو قايلين المحبوب ده مقطوع من شجره .. ولا عشان من ناس الاطراف المهمشين .. كان هو مهمش من شمال الحصاحيصا انا برضو مهمش من جنوب الحصاحيصا .. والله يا ناس الوسط تعبتوا معانا ... اول بالتبادى يا المحبوب افتح لى بلاغ فى الجاهورى بالافاده بمعلومات كاذبه وذلك للايرادة اسمى فى قائمة الشهود وانا لم ادلى باى افاده بهذا الخصوص ... ثانيا اذا اصر على موضوع ملكية الحمار ارفع لناس حقوق الانسان شكوى فحواها انه انتهك حقوق هذا الطفل وذلك بحشره فى هذا الخرّج .. بس ما يجو ناس ايمو ورؤى يقلوا الخرّج ده معناها شنو!!!!
ثالثا انا داير تعويض مادى ومعنوى لما نسب الىّ.

يا دكتور لك التحايا والتقدير وماك مشحود بتاتاً ، جماعتك إتحاصروا الآن في منطقة السوق هديلك قالوا يتلفتوا زي المداحين محل يمشوا ماعارفين .. والعجب أكان قروا كلامك دا والله تاني البياصفن في الاوصاف ما يستاصف ..

جاهوري اوروروك
ورطوك
غشغشوك
دقسوك
ضيعوك
إتا ما عارف دي كان حمارتك ولا عمبلوك
إستغلوا الطيبة في قلبك ما العوازل ضيعوك ...

بالمناسبة دكتور بكري كان هنا قبل شوية ... لكن انا ما عارف في شنو ..وزي ما بقول الرشيد التني الله يرحموا ويتولاه "أنا جيت أسي"

والله يا المحبوب مادام جابت ليها دكاترة وتحالفات الشمالييين والجنوبيين انا مع ناس الجنوب وبتحالف مع الدكتور مش المايقوما والضقالة اخوات

ايوة يا ودعيسى تعال معانا الوقفك بهناك شنو انا ماعارف .. شوف أي نطيط بعدا بتلقى رقبتك في بلداً طيروا عجمي ترا كلمناك

دكتور بكري انت ما قلت في شهادتك امام مولانا فايزة السيد حفظها الله ورعاها حامية المظلومين والمساكين بانو الحمار حق الجاهوري وجابوا المنتدي وانت كنت حاضر لمن جبت الحمار والخرج والولد والخروف والمحبوب قام استولي علي الحمار وطلبت من مولانا فايزة سلمها الله بتوقيع اقصي عقوبة علي المتهم ليكون عظة وعبرة لغيره حتي لا تتكرر السرقات في المنتدي وليكون المنتدي خالي من السرقات

بكرى عثمان حمد كتب :
يا مدثر حالتك تحنن الكافر عدو محمد ، ياخوي الشهود ديل بلخبتوك ساي ، الناس دي من ما تقطع السكة حديد بتمسكن ام هاالله هاالله ، ويفتشوا للكلام ما يلقوا ، أسألني أنا مرة في المحكمة وفي قضية ميراث الورثة نسوان ورجال قاعدين ..القاضي سأل واحد من الورثة وبصرامة "إسمك مين؟؟؟" ، وحياتك زولك فتش لي اسمو مالقاهو قام قال ليه " شفت يا مولاننننننا أم الحسن القاعدة دي أنا أخُتا". [/quote]

ودعيسي كتب:: والله يا المحبوب مادام جابت ليها دكاترة وتحالفات الشمالييين والجنوبيين انا مع ناس الجنوب وبتحالف مع الدكتور مش المايقوما والضقالة اخوات

هسى دحين دا ما من الجماعة ديك ناس انا اختا ؟؟؟؟؟؟؟؟
الجاهورى ولا يهمك احسن الزول دا انفزر من بدرى مايجهجهنا بعدين قدام القاضى !!!!
وان جابت ليها مهمشين وناس وسط .... امانا مارحتو فيها خلاص ....
عليكم النبى شفتو ليكم مهمش لقى حقو .... لما تجو تكوسوا فى حق الناس ؟؟؟؟؟؟

يا الجاهور يا اخوي احسن تعدل رأيك في الشايفو دا المحبوب زول محاكم وجزارات وقري يعني عادي ناس ( الدبة ) حميرهم بي اخراجها وعادي جدا الخرج فيه عمبلوق وخروف وربطة برسيم لكن المحيرني في الوليد دا المحبوب لقطو من وين والبعرفوا انا المحبوب عندو امنة وامنية وفاطنة لكن برضو يا الجاهوري المحبوب في النهاية بطلع ليك الحمار الانسرق منك دا حمار هدوم

راشد ما كلموك ..
قوليك ليك بكرة الدكتور طالع قطع .....
والله تاني أخبار العصفورة أكان تعلقوها في عامود نور " أشهدوا تاني"

المحبوب أحمد الأمين كتب:: راشد ما كلموك ..
قوليك ليك بكرة الدكتور طالع قطع .....
والله تاني أخبار العصفورة أكان تعلقوها في عامود نور " أشهدوا تاني"

فيفا تواااااااااااااااااااااااااااااااااالى !!!!!!!!!!!!!!!!!!!!!!!!!

فيفا عبدو

لو جاية تبع الشهود .... وطاتك صبحت !!!!
ياجاهورى هنا فى حالة واضحة لترهيب الشهود والتاثير على مجريات العدالة ....

اليوم قابلت محامي الاتهام مبارك ربو وطمنا علي سير القضية وتوجد العديد من الأدلة الجديدة كما قامت قناة الجزيرة بعمل حوار مع مولانا فايزة حفظها الله ورعاها وقد صرحت بان المتهم سوف يجد العدالة الناجزه

اقتباس :: من طرف مدثر عثمان الجاهوري في الأربعاء أغسطس 04, 2010 7:53 pm

اليوم قابلت محامي الاتهام مبارك ربو وطمنا علي سير القضية وتوجد العديد من الأدلة الجديدة كما قامت قناة الجزيرة بعمل حوار مع مولانا فايزة حفظها الله ورعاها وقد صرحت بان المتهم سوف يجد العدالة الناجزه

يا مدثر :

مبارك ربو تم مخاطبة نقابة المحامين بخصوص رفع الحصانة عنه علي ذمة الدعوي المرفوعة من الشاكي كمال حسن الجمل في قضية تزوير الهيئة ، وقد حكمت المحكمة عليه بالأدانة وألزمته بسحب الصورة موضوع الدعوي والغرامة ! ، فشوف ليك محامي إتهام تاني يا أخوي .

يعني بتاع سوابق
خلاص جلي

سمعنا تحت تحت بان القضية جاهزة للحكم حسب مصادرنا الخاصة يعني يا ود عيسى جهز العمود والسيخ ، باعتبارنا قريبين من منزل الشاكي شايف الايام ده في وفود وساطة وعربات واقفه امام منزل الشاكي والعربات بتجي من جهة مصنع الصداقة لكن الشاكي واقف الف احمر والظاهر المحبوب في خطر ... المحبوب هل لديك اقوال إضافية ....

في سابقة غير متوقعة ابدا
اتصال هاتفي من قبل المتهم في بلاغ الحمار ولة الحماره ماعارف متفقدا الاحوال
تذامن مع قدوم بعض الوجهاء من مدينة الدبة لمنذلي الكائن بالجهة الجنوبيه من الحصاحيصا محملين بالغالي والنفيس من مهرجان دبي للتسوق وبدون مناسبة قالو لي دي هدايا من اخوك المحبوب رد الله غربته وحفظه ويغررررررك السلام الكتير
وادانا وصيه انك تشوف ليك معاك 3أو 4 من الاخوة الاعداء
وتجرهم معاك عشان الكوم يذيد
غايتو يالجاهوري شيل شيلتك انا شيلتي جات من دبي

يا ود عيسى احسن ليك شيلة السعودية من شيلة دبي قالوا ناس السعودية حا يرسلوا ليك شيله وريحه ومعاها كاش رجع حاجات دبي

جعفر قوليب كتب:: يا ود عيسى احسن ليك شيلة السعودية من شيلة دبي قالوا ناس السعودية حا يرسلوا ليك شيله وريحه ومعاها كاش رجع حاجات دبي

يااجمل لون ومااااااالو انت سيب الشيلتين يجو ونشوف الاجمل ياتا بعد داك بنرجع الشينة ويحلللللك يمكن ناس دوت كوم يجو جودية والجماعة يتصالحوا والشيلة الراجعة بديها لي حبيبنا عشوش عشان باقي سامع لي نقار

اصبر يا المحبوب .. ولايهمك .. كل من تألب عليك سوف ينخج خج الانتخابات .. مش ينقطع وبس .. سوف يحجر .. وسوف لن تشفع شفاعة الشافعين ولا المشريفين ... ولا شنط المغتربين .. الكلام ليك يا المهمش البهناك ... وبالنسبه لناس الحله الجديده ... نحن عندنا كروت "نسب" لم نستعملها بعد ...

بعد الكلام الكتبو دكتور بكري عثمان حمد دا القضية واضحة جدا يا المحبوب..ات ما عارف ان محكمة الموضوع برئاسة مولانا فائزة السيد؟؟ وانت عندك تحفظات عليها لانها من الحلة الجديدة!! وكمان شيل شيلتك قاضي محكمة الاستئناف والذي ستلجأ عليه مولانا دكتور بكري وبعد كلامو دا في الظاهر عامل واقف معاك وهنا مفرض يطعن الجاهوري الذي عمل حمد لبد ولكن في الحقيقة هنالك روابط قوية تربط مولانا بكري بالحلة الجديدة غير النسب بتاع ناس ابوشورة القريب دا ومنها الطاحونة الشهيرة التي يمتلكها عمنا عثمان حمد ويعمل فيها مولانا د. بكري وشقيقه صلاح الذي تربطه علاقة مع مولانا فائزة السيد التي كانت تدير دكان والدها وصلاح عثمان حمد اسطي في الطاحونة كل ذلك اوضحته مولانا فائزة في بوست سابق هذه الطاحونة كانت تجاور دكان ود السيد والد مولانا فائزة وعليه انا خائف عليك تبقي علي اوكامبو وحمارك بما حمل يبرطع في الحلة الجديدة بلا بردعة وعامود ود عيسي عامل الدرب ساساقي تحتضنه اسياخ الحراسات..!! قف يا المحبوب انت تتعرض لمؤامرة.. القضاء كان نزيه ات المرقق من البلد شنو؟؟

حسن وراق حسن كتب:: يا الجاهور يا اخوي احسن تعدل رأيك في الشايفو دا المحبوب زول محاكم وجزارات وقري يعني عادي ناس ( الدبة ) حميرهم بي اخراجها وعادي جدا الخرج فيه عمبلوق وخروف وربطة برسيم لكن المحيرني في الوليد دا المحبوب لقطو من وين والبعرفوا انا المحبوب عندو امنة وامنية وفاطنة لكن برضو يا الجاهوري المحبوب في النهاية بطلع ليك الحمار الانسرق منك دا حمار هدوم

نصت المادة 152 من القانون الجنائى لسنة 1991م على أنه :ــ

(1) من يأتي في مكان عام فعلاً أو سلوكاً فاضحاً أو مخلاً بالآداب العامة أو يتزيَّا بزي فاضح أو مخل بالآداب العامة يسبب مضايقة للشعور العام يعاقب بالجلد بما لا يجاوز أربعين جلدة أو بالغرامة أو العقوبتين معاً".
(2) "يعدُّ الفعل مخلاً بالآداب العامة إذا كان كذلك في معيار الدين الذي يعتنقه الفاعل أو عرف البلد الذي يقع فيه الفعل ".

وبما ان عبارات المذكور تشتمل على قدر غير يسير من العبارات الفاضحة ، وبما ان تلك العبارات تسبب مضايقة للشعور العام ، وقد قصد المذكور مضايقة الشعور العام بنشر عباراته في موقع عام ، وحيث تضايقت ومعي الكثيرين جراء ما هو منشور ، لذلك فإنني أرى توافر كافة العناصر اللازمة لقيام المسئولية الجنائية (الفعل المتمثل في النشر ، والقصد المتمثل في المضايقة وعلاقة السببية بينهما فيما أحدثته العبارات المنشورة من اثر ) لكل ذلك فإنني أطالب إدارة الموقع بإتخاذ الإجراءآت الجنائية وتقديم المذكور للعدالة لمعاقبته وردعه ولينال الجزاء االذي قرره القانون في نص المادة 152 من القانون الجنائى لسنة 1991م .

ملحوظة : العبارات المعنية لوناها ليكم بالاحمر ووضعنا تحتها خط

الاستاذ المحبوب المتهم بسرقة حمارواختطاف طفل وخروف .....
لقد تم فتح البلاغ .... وتم التحري مع الشاكى وقدم كافة البينات والمستندات التي ايدت الشكوى وتم اصدار امر بالقبض على المتهم ومن ثم احالة الشكوى الى المحكمة المختصة للبدء في اجراءات المحاكمة ....
البلاغ مفتوح تحت المواد 149 ـ 174 من القانون الجنائي السوداني لسنة 1991م ... وهاتين المادتين لا يجوز التنازل فيهما نسبة لوجود الحق العام وهي ضد المجتمع باسره ...
وبذلك تم إثبات السرقة والاختطاف والتملك بدون وجه حق دون موافقة المالك ... وقد صدر أمر بالقبض الا ان المتهم عمل ... على اخفاء نفسه عن العداله رغم استخدامه لبعض الشخصيات المؤثره لاصدار تهديدات عبر الصحف الماجوره للشاكى والشهود وارسال هدايا تم عرضها لعدالة المحكمه لاحدى الشخصيات النسائيه بغرض التاثير على الشهود الذين تربطهم صله بها
وقد تم اعلان المتهم عبر الصحف السياره لتسليم نفسه لعدالة المحكمه

مولانا
فايزة السيد
قاضى محمكمة الاستئناف

((..... وبذلك تم إثبات السرقة والاختطاف والتملك بدون وجه حق دون موافقة المالك ... .......))

غايتو القضاء بقى زي قضاء " النعام العام - زي ماقال طارق الامين" ، كيف ثبت ليك الجرم يا محكمة ياهندزة والمحاكمة لسه مابدت ، ولما كان ذلك ، فالمحكمة دايرين تسوو فيهال شنو مناقشة سياسة الخليفة عبد الله التعايشي الخارجية؟؟

وامر القبض تبلوا وتشربوا مويتو ، وهدي قعدة ...

» مفوضية أعِد بتعد في شنو لحدي يوم الليلة ؟؟
» "بعلة" إمام مسجد مشهور تلجأ للطب النفسي "بعلـها متهم في قضية ب 3 مليار .. والكاروري يلجأ للـ"الكرامات"
» النيابة تشطب بلاغ رئيس اتحاد الحصاحيصا فى مواجهة الاستاذ صديق فارس
» الاستاذ المحبوب والدكتور رأفت مشاركتكم تسعدنا
» كاميرا دوت كوم تلحق أمات طه (توجد سرقة)