فيضان النيل أو ثورة النيل – توجد صور

واصل النيل هذه الايام ثورته وفيضانه وقد عبر شارع الخرطوم مدني غربا
وحتى الكباري الموجودة في شارع الخرطوم مدني صارت مهتمها عكسية
بدلا من تصرف مياه الامطار الي النيل صارت تجلب مياه النيل غربا
وهذه الصور للمنطقة الواقعة بين الحلة الجديدة وحي الموظفين وقد غمرتها
مياه الفيضانات وتظهر في الصوره ايضا الركشات والعربات حيث يتم غسلها
في مياه الفيضان – نتمنى ان يجعل الله الامطار والفيضانات امطار خير
وفيضانات خير ويجنبنا الكوارث
tفي الصورة يظهر النيل وقد عبر غربا

والله ياعبد اللطيف زكرتنا زمان ايام النيل بفيض كنا صغار في المدارس بعد ننتهي من المدرسة نمشي حي الموظفين نتعلم العوم هناك (ايام جميلة)لكن كان المدير بتاع المدرسة برسل طالب مننا يكتب اسامي الناس البعومو في البحر وبكرة الصباح يزيعوا اسمك في الطابور وننجلد, دي مامشكلة لكن عارف المشكلة وين :تصدق لحد الليلة نحنا ماعارفين الزول البوصل الكلام دا للمدير ود المحيرنا لحد اسي.

اشكر الاخ - عمدة على اختياره الرائع لقصيدة النيل
التي ابدع فيها الشاعر غاية الابداع
كما احيي - الاخ محمد الصديق اولا بعودته الي المنتدى بعد غياب
طويل جدا ونتمنى ان يواصل في المنتدى الصحي , وقد كنا نتفاكر
مع الاخ - الطيب تلودي في موضوع غياب الدكتور محمد صديق الذي
طال وهاهو يطل علينا باطلالته الرائعة التي يحكي فيها
ذكريات من طفولته مع النيل ونتمنى الا ينقطع عن المنتدى