خليل كحيل.. تطور صناعة الخبز فى السودان

جميل منك يا كحيل ان تاتينا بهذة القفشات... فانت فرح خجول يمشى بين الناس...
بس انا عايزك فى حاجة تانية و سبق ان كتبتها فى حتة تانية... وتتلخص فى الاتى.
انا عايز من ود كحيل الاقتصادى و الراجل الفنان خليل يكتب لينا عن تطور صناعة الخبز فى السودان و بخاصة فى الحصاحيصا .. الرواد من ناس المخابز.. الرموز...صور... كمية الدقيق و الخبز المستهلك فى الحصاحيصا ... شوفوا ناس طارق ابو نورة ..وناس الافران ناس الحاج النور عطية .. أل وزيرى.. عمر الفكى الى اخر القائمة..
و يا ريت عصام كحيل يكتب عن تطور الحصاحيصا و توسعها جغرافيا...ودة موضوع بجيهو راجع مع عصام لكن كدى النشوفك اول
مع الودا
ما تطول الغيبة
بكرى

اخونا بكرى شكلك حا طول الغيبة ... خليل دا برمى من بعيد لبعيد .. وياريت نشوفو هنا ويخذلنى ... خلو دا حكاية عايزة تتفك شفرتها ... لك التحية

الاخ / بكري لك التحيه , والشكر الجزيل علي الموقع , والذي نتمني ان يكون بالخير علي حصحيصتنا
ومعذره للتاخير في التسجيل

ويا ود ابوشمه ,رايك شنو ؟ خذلتك ولا ايه . . وللجميع الود والتحايا

خليل كحيل انسان من الزمن الجميل عوفيت ،انا بحب اسألك سؤال عن صناعة الخبزوهو الا تري ان صناعة الخبز تحتاج لادخال اقكار جديدة مثل الDIET BREAD ،وبعدين يا كحلي الكسرة دي ليه ما ممكن تتعمل بالافران الحديثة؟ وليه يا كحلي ما فكرتوا كصناع خبز في اضافة فيتامينات او مكونات غذائية مكملة للرغيف ؟ انا فكرت يا كحلي انو حيجي يوم الواحد حيطلب فيهو خبز( بالرجلة ) يا اخوانا كحلي ده حقو تختوه في الكرسي (البارد) ابعدوه اعزكم الله من الحاجات الساخنة دي كفاية عليهو الرغيف .

صداح صداح تخ تخ انت بتقول ابعدو خليل من الحاجات الساخنه وانت ولعت فيو عدييل على العموم اخونا خل باليل سيبك من بكري وراشد وصاح ديل قول لي ست الشاي البره قدام الفرن لسه قاعده ولا غيرتوها بي تشكيلة جديده توازي النيو لوك بتاع الخبز بتاعكم واكيد ركبت ليك طبق وتلفزيون في الفرن صح وما تفهمني غلط بس عشان تتابعى الكوره لو شغال ولا كيف ...
تعرف صداح ده الا جاو سكري بي كلامو معاك ده..