كلما أردت تسجيل خروج أتراجع وأقول شوية ( أتذكرت ونسة النسوان عند الباب)

للبيوت السودانية ثقافة إجتماية غريبة بعض الشئ، الا وهي ( وقفت النسوات عند الباب تكمله للونسة) ، هل هي منطقية ؟؟؟
هل الثقافات الإجتماعية تكون معدية في بعض الأحيان ؟؟؟
الغريب في الأمر أن جلوسي في المنتدى ربما يكون لساعات ولكن عند الخروج أصاب بالتراجع، هل هو شئ شخصي أو يتعداني للغالبية؟؟؟؟

حركة بايخة جدا ياكوني لاكن في الاونة الاخيرة كترت لي درجة مبالغ فيها نتمني زوالها

لك التحية اخى كونى
نفس الشئ بيحصل معى بعد ما اعمل خروج بفضل فاتحة الصفحة ومرات برجع اعمل دخول تانى

محمد علي جبريل كتب:: حركة بايخة جدا ياكوني لاكن في الاونة الاخيرة كترت لي درجة مبالغ فيها نتمني زوالها

الوقفة والونسة في باب البيت .. ولا باب المنتدي !!

أحمد بابكرالكوني كتب:: للبيوت السودانية ثقافة إجتماية غريبة بعض الشئ، الا وهي ( وقفت النسوات عند الباب تكمله للونسة) ، هل هي منطقية ؟؟؟
هل الثقافات الإجتماعية تكون معدية في بعض الأحيان ؟؟؟
الغريب في الأمر أن جلوسي في المنتدى ربما يكون لساعات ولكن عند الخروج أصاب بالتراجع، هل هو شئ شخصي أو يتعداني للغالبية؟؟؟؟

احتمال ياالكوني بالحركة التي انتابتك .. تعطي النسوان العذر في الوقفة ههههه

بت امها كتب:

محمد علي جبريل كتب:: حركة بايخة جدا ياكوني لاكن في الاونة الاخيرة كترت لي درجة مبالغ فيها نتمني زوالها

الوقفة والونسة في باب البيت .. ولا باب المنتدي !!

اسي يابت امها عليك الله حركة النسوان ووقفة الباب دي حركة بايخة شديد قعد تزعلني شديد والمشكلة بتلقي البنات قايمات في نفس نهج الام من شبابهن بتلقيهن واقفات برضو مع صحباتهن في الباب اتمني زوالها حركة المنتدي عادية قاعدة تحصل لي كتير ياكوني

الكونى .. ده والله من ريدتك للمنتدى وناس المنتدى ..
بقينا كلنا ذيك .. نقفل ونفتح .. عشان عايزين نقراء الحاجات طازه..
كونوا بخير

يا كونى يا راقى
الحال من بعضو يا الكونى
انا من ادخل الصباح عامل دخول فى دوت كوم
والزملاء بيقولو الحصاحيصا شايلة وقت الشغل
وبالمساء داخل على النت وبالليل كذلك
غايتو حاله صعبه
وبقينا مدمنين
ودام الله دوت كوم
واعضاء دوت كوم

ياكوني اسي دي نكته من وين بس انا مختلف مع الناس كلها جد بتعجبني الحركه بتاعت وقفة الباب تعرف بتديك باحساس محنه وحب غاب من بيناتنا وياريت تفضل وما تزول علما انو دي اخر حاجه حلوه من العادات الجميله للبيت السوداني وللنساء ...
وعن النتدي ومين سمعك الواحد ما بيقدر يطلع الا يقولو ليو الدوم خلص وطول اليوم كل ما يلقي ليو فرقه توش تلقاو رجع المنتدي
ودمت بخير كوني

بتعجبني وقفة الباب عجب مباااااااالغة
والونسة حلوة حلا بس جربوها

بالنسبة للمنتدي
انا بكون ماعاوزة اطلع لسبيبن اتنين :
1/ عاوزة اقرأ كل المواضيع المكتوبة من اول يوم اتعمل الموقع العندها علاقة بالحصاحيصا والماعندها
حسب روشتة الفاهمين دي ( حالة ادمان بلا شك )
2/ عاوزة اعرف كل الاعضاء اكتر واكتر من خلال مشاركاتهم وردودهم

واخيراً....
عاوزة اعرف إنسان الحصاحيصا
من خلال حبه لاخيه وولائه لمدينته

ونسة خشم الباب فيها اخطر انواع الشمارات المحظورة علي من هم داخل البيت وغالبا ما تكون قمبلة؟؟
والله انا بخلي التسجيل مستمر مافي مرقة .. ولو في ..غيب وتعال

.. بس تكون فى زيارة عائلية وتقوم تودع الناس وتحلف انك مستعجل وعندكم مشاوير كتيرة .... اها تطلطع لطعة الجن فى انتظارالجماعة يكملوا ونسة الباب واجيك صاحب الدارراجع و اديك ضربة تحت الحزام ( ياخى ماتقعدو تتعشو معانا ...) ...
لو ختو لينا كاميرات فى المكاتب ... بلقونا بنداوم منتدى وبس .... والباقى هردبيس..

بت امها كتب:

أحمد بابكرالكوني كتب:: للبيوت السودانية ثقافة إجتماية غريبة بعض الشئ، الا وهي ( وقفت النسوات عند الباب تكمله للونسة) ، هل هي منطقية ؟؟؟
هل الثقافات الإجتماعية تكون معدية في بعض الأحيان ؟؟؟
الغريب في الأمر أن جلوسي في المنتدى ربما يكون لساعات ولكن عند الخروج أصاب بالتراجع، هل هو شئ شخصي أو يتعداني للغالبية؟؟؟؟

احتمال ياالكوني بالحركة التي انتابتك .. تعطي النسوان العذر في الوقفة ههههه

الرائعة بنت أمها، ربما أعطي العذر في هذا ، ولكن ما العذر في الغياب ،، إنشاء الله عافية ، لك التحية وللأسرة

والله الاثنين حلوات ... والاثنين فيهم الاخبار

» مبرووك للجميع بشهادة تسجيل منظمة دوت كوم الخيرية ( توجد شهادة تسجيل )
» اضحكوا شوية ورفهوعن نفسكم شوية مع العملاق
» عليكم الله اتفضلو معانا ونسة حلوووووووووووة
» طرقت الباب حتي كل متني
» والد ياسر عرمان في بوح خاص للحصاحيصا دوت كوم (عشرة ونسة مصورة )