تطير عيشة المواسير ..ماتكب موية تقولوا وووب .. تكب شوكلاته تقولوا الرووب

ولما الناس شافت الصور أعلاه "نشرت في سودانيزاولاين قبال عشرين يوم تقريباً" وبدلاً من مكافاة الجهة المسئولة ، قاموا فتحوا بلاغ ضد هذه المواسير بس لأنها كبت شوكلاته ، غايتو المواسير بقت في امر ضيق خلاس ، ما تكب موية ووب تكب شوكلاته تقولوا الرووب!!.

المواسير بقت عليها قصة الراجل الفحصوا ليهو عينة يورن وقالوا ليهو عندك تلاتة صلايب سكري ...قال ليهم علي الطلاق موية جبتها من ماسورتكم البرة ديك

(( حماية المستهلك» تقاضي مياه الخرطوم ..الخرطوم : سامي عبد الرحمن:
شرعت الجمعية السودانية لحماية المستهلك، في فتح بلاغ في مواجهة هيئة مياه ولاية الخرطوم، استنادا علي نتائج تحاليل مياه اجرتها علي عينات للمياه عبر المعمل القومي المرجعي (استاك) ، والتي قالت ان النتائج اثبتت ان هناك تلوثا بكتيريا وصفته بالخطير في مياه الحنفيات مؤكدة ان المياه اصبحت غير صالحة للشرب .
في السياق ذاته، كشف الامين العام للجمعية، الدكتور ياسر ميرغني،ان الجمعية فتحت بلاغاً تحت المواد (82-74) من القانون الجنائي والمادة (30) من قانون حماية البيئة، وانها ستتابع اجراءات البلاغ لمحاسبة المقصرين وعدم تكرار ذلك مستقبل )) الصحافة الالكترونية

يعني المواسير حاتواجه عقوبات بموجب المواد التالية:

المادة 74 من القانون الجنائي تنص على (( من يرتكب بإهمال فعلا يعرض حياة الناس للخطر او يحتمل معه تسبيب أذى أو ضرر لأى شخص أو مال ، أو يمتنع عن اتخاذ التدابير اللازمة لوقاية الآخرين من خطر أى انسان او حيوان أو آلة أو مواد تحت رقابته أو فى حيازته، يعاقب بالسجن مدة لا تجاوز ستة أشهر او بالغرامة او بالعقوبتين معا.))

المادة 82 من القانون الجنائي تنص على (( من يقوم قصداً بالبيع أو العرض لصنف من الطعام أو الشراب ، يكون ضاراً بالصحة أو غير صالح للأكل أو الشرب، يعاقب بالسجن مدة لا تجاوز سنة أو بالغرامة أو بالعقوبتين معاً .)).

وتضامنا مع تلك المواسير فلنهتف

يا ماسورة كبي وكبي
عصير شوكلاته خلينا نعبي

الناس التعبت وسوت آبري أمانة ما إتورطت ، إلا يصوموا بيهو رمضان الجائي دا لو الكلى قدرت تشتغل لحدي الوقت داك