من الإتصال ماقتل (أعملوا حسابكم)

يا كونى ناس الصفر الدولى أعملوا شنو؟ الهلالاب ما يزعلوا اصلهم فى الاصل مريخاب زعلانين وشالوا كفرهم من التمرين زمااااااااااااااان
الموضوع دة خطرفة واحد الملاريا طالعة ليهو الايام دى يا كونى رد ولا يهمك على مسئوليتى واسمع كلام شيخك سلام يا ك و ن ى

تسلم ياكوني مشكور علي التحذير وصدق لي كلامك جاتني كم مكالمة تحذيرية وسمعت انو في ٩ في الجنوب
وبسمع في الراديو في اذاعة اف ام ١٠٠ بقولو انو دي اشاعة وانهم اتصلو علي المهندس فلان من الهيئة القومية للاتصالات والمهندس فلتكان من شركة اتصالات وقالوا مافي كلام زي ده

نسال الله السلامة والحفظ للجميع
في انتظار افادة حول الموضوع

[quote="أحمد بابكرالكوني"]

Badr Abbas كتب:

يا كونى ناس الصفر الدولى أعملوا شنو؟ الهلالاب ما يزعلوا اصلهم فى الاصل مريخاب زعلانين وشالوا كفرهم من التمرين زمااااااااااااااان
الموضوع دة خطرفة واحد الملاريا طالعة ليهو الايام دى يا كونى رد ولا يهمك على مسئوليتى واسمع كلام شيخك سلام يا ك و ن ى

[b][color=darkred]
يابدريتو كل عام وإنت بخير
وأزيدك من الشعر بيت قالوا تلفون عواطف عمسيب برضو فيه إشعاع إذا جاك منو إتصال أعمل نايم

اضافة لحديثك توفى دى مفاعل ديمونة ليك على من اليوم مكالمة محظورة

أحمد بابكرالكوني كتب:

علاء الدين ابراهيم كتب:

تسلم ياكوني مشكور علي التحذير وصدق لي كلامك جاتني كم مكالمة تحذيرية وسمعت انو في ٩ في الجنوب
وبسمع في الراديو في اذاعة اف ام ١٠٠ بقولو انو دي اشاعة وانهم اتصلو علي المهندس فلان من الهيئة القومية للاتصالات والمهندس فلتكان من شركة اتصالات وقالوا مافي كلام زي ده

نسال الله السلامة والحفظ للجميع
في انتظار افادة حول الموضوع

مشكور ياعلاء الدين قلت لي في الجنوب بس ودارفور ما في إصابات
أها أمسك ياشيخنا بدريتو تقول لي على مسؤليتي هو أنا بعد أحصل ناس الجنوب ديل ألم فيك كيف؟؟؟

بالاضافة لتلفون توفينا احزر الرد على بنت السيد واخونا (الطارت عيشتو)

والله لو الكلام دا طلع حقيقة جد دي مصيبة
الله يحمينا ويحمي جميع امة محمد
وان شاء الله يكون اشاعة يا كوني

أحمد بابكرالكوني كتب:

رؤى شعيب جبريل كتب:

والله لو الكلام دا طلع حقيقة جد دي مصيبة
الله يحمينا ويحمي جميع امة محمد
وان شاء الله يكون اشاعة يا كوني

د. رؤى كل عام وإنتي بخير
دي إشاعة قوية الجابتك دي
وقالوا كمان في السعودية أي رقم يبدأ ب00249 ماتردوا عليهو يعني ماعندكم وسيلة إتصال بالسودان إلا المنتدى

وانت بخير يا كوني
والله تقول شنو اشاعة قوية خالص
كان كدا تاني ياهو المنتدى 24 ساعة قاعدين فيهو والتلفونات دي خليناهااااااااا

يا جماعة الكلام ده ما اظن اشاعة

اولا ناس اخر لحظة الليلة نزلوه في الجريده

وانا كمان ضربو ليوقالو لي الكلام ده صاااح

وبيقولو انها شركة يوغندية وانو في كم حالة وفاة حصلت

بعدين يا جماعة زيادة في المعلومه ده الرقم البكتل الناس

002466660000

اعملو حسابكم وما تردو علي رقم قريب

واحسن حاجة تعملوها يا اخوانا تقفلو تلفوناتكم

(انا من سمعت الكلام ده تلفوني تاني من الشنطة ما مرقتو )

hanoya khalafalla كتب:

يا جماعة الكلام ده ما اظن اشاعة

اولا ناس اخر لحظة الليلة نزلوه في الجريده

وانا كمان ضربو ليوقالو لي الكلام ده صاااح

وبيقولو انها شركة يوغندية وانو في كم حالة وفاة حصلت

بعدين يا جماعة زيادة في المعلومه ده الرقم البكتل الناس

002466660000

اعملو حسابكم وما تردو علي رقم قريب

واحسن حاجة تعملوها يا اخوانا تقفلو تلفوناتكم

(انا من سمعت الكلام ده تلفوني تاني من الشنطة ما مرقتو )

يعلم الله اني ضحكت جــدآ من مداخلتك دي

والله صحي الخـواف رب عياله وفي رواية

دخل جواله .والله جد حيرتونا معاكم نصدق

منو واين جهيزة لتاتينا بالخبر اليقين

عمر الفاروق كتب:

والله فعلا يا كوني الأشاعة فعلا قوية..‏ ‏

ولكن نفي السيد محمد

أبراهيم الترابي مدير

الأتصالات هذه الشائعة

وطمأن الجميع بإستحالة حدوث ذلك..

ويا الله السلامة

عمرالفاروق كل سنة وانت طيب وربنايحقق كل امانيك
لكن ياعمر يا اخوي نحن مافي شي باكد ليناالاخبارغيرنفي المسعولين ليها وعشان نتاكد اكتر منتظرين يجيبو لينامسعول الهيئة القومية للاتصالات وهو بستقبل مكالمة من الرقم المعني كماجرت العادة في الحالات المشابهة من انفلونزاطيور لي حمي نزفية
‏ ‏
مازلنافي انتظار تفاصيل

اها يا كونى ثم فك حظر مكالامات عواطف ديمونة (النووية) وذلك بعد صدور قرار جهة الاختصاص وفتوى شيخكم بدريتو. ادناه قرار جهة الاختصاص :---------

تنتشر الآن في اواسط الخرطوم انباء عن مكالمات مجهولة من ارقام خارجية تتسبب في مصرع متلقي المكالمة وقد تناولت هذه الانباء مصرع لبعض الاشخاص من مناطق متفرقة وتحديداً في جنوب السودان وقد تداول المواطنية رسالة تحزيرية نصها (( احذروا استقبال الرقم 426666600 فانة يسبب صعقة كهربائية تؤدي للوفاة)).

هذا وفي سياق آخر نفت الهيئة القومية للاتصالات هذه الشائعة واوضح المهندس بابكر ابراهيم الترابي مدير ادارة خدمات الاتصال بالهيئة القومية للاتصالات السودانية عدم صحة الشائعات التي تدول حول حدوث وفيات او اصابات عبر الاتصال بالهاتف السيار في كل من واو وملكال والرنك وكادقلي

وفي تصريح لسونا اكد انه ثبت علميا عدم امكانية حدوث مثل هذه الحوادث عبر الهاتف السيار وأن الهاتف السيار له مواصفات عالمية وتقنية تحول دون ذلك و وصف هذه الشائعات بانها مدعاة للسخرية

من جهتها اجرت (سونا) اتصالا بالمناطق المذكورة واكد المهندس عبد المنعم عمر مدير ادارة الاتصالات بالانابة بوزراة الاعلام والاتصالات بولاية غرب بحر الغزال عدم تلقيهم بلاغات بهذا الشأن مشيراً الى ان هذه الشائعة ربما يقصد منها ترويع المواطنين بالجنوب

وذكر د. جيمس أوكيلو مرجان مدير مستشفى واو التعليمي ان المستشفى لم تستقبل حالات ينطبق عليها ما ذكر

وفي ولاية اعالي النيل نفى السيد شول سايمون وكيل الشئون البرلمانية بالولاية ان هذه الشائعة ليس لها اساس من الصحة في كل من ملكال والرنك

سرت الشائعة امس وخرجت بعض الصحف اليوم تحمل رقم هاتف سيار قالت ان المكالمات المعنية صدرت منه. (منقول من النخبة الاكترونية)

كونى كتب:
يعني أختو التلاتة ستات.
الحكاية شنو نخليهم 4 ستات مش العربية احسن من الركشة والرباع احسن من الثلاث بس هنا ما تنط لينا ايناس عدوى بالتعدد وكده .

الهيئة القومية للاتصالات تصدر بيانا حول شائعة الهاتف السيار
15-09-2010 الساعة 17:38:39
اصدرت الهيئة القومية للاتصالات بيانا حول ما اشيع عن وجود مكالمات هاتفية تؤدى الى حالات وفاة غامضة وفيما يلي تورد سونا نص البيان: استنادا على ما أشيع وتناقلته بعض وسائل الإعلام عن وجود مكالمات هاتفية تؤدى الى حالات وفاة غامضة فإن الهيئة القومية للإتصالات تفيد المواطنين الكرام ومشتركى الهاتف السيار بكافة انحاء البلاد ما يلى: * المصادر الخبرية للحدث مجهولة الهوية وغير موثوقة، كما انه لم يثبت حتى الآن وقوع اى حالة فعليا * معايير ومواصفات تقنية الهاتف السيار بالبلاد تتطابق والموصى به دوليا وتقع فى النطاق الآمن من حيث الإشعاعات الكهرومغناطيسية والذى يستحيل معه فنيا حدوث مثل تلك الظاهرة * الأرقام المذكورة مجهولة الهوية والمصدر ولا تتسق والخطط الترقيمية المحلية والعالمية * تواترت وغزت هذه الإشاعة دول مجاورة من قبل وتم دحضها عليه فان الهيئة القومية للإتصالات وانطلاقا من المسئولية التى تضطلع بها ككيان منظم لقطاع الاتصالات بالبلاد وحرصها على امن وسلامة المواطنين تطمئن الجميع على سلامة وتامين الشبكات العاملة و مطابقة الأجهزة والتراكيب والتقنيات للمعايير والمواصفات الدولية والمحلية المعتمدة التى لا تتسق هندسيا ومنطق حدوث ذلك

جهيزه جاتك يامحمد المنصوري
الخبرده صحيح
نحن جانا تحزير مباشر من الامن
بعدين الناس البينفو الخبر ديل
كذاااااااااااااااابين كذب شديد

emoo كتب:

جهيزه جاتك يامحمد المنصوري
الخبرده صحيح
نحن جانا تحزير مباشر من الامن
بعدين الناس البينفو الخبر ديل
كذاااااااااااااااابين كذب شديد

شكرا دكتورة ايمو وكل سنة وانت طيبة وربنايحقق امنياتك

اها ياكوني وبدر هدي جهيزه جاااااااااااااااااااتكم

ومازلنا في انتظار المسعولين

يا جماااعة اها فتحتو تلفوناتكم ولا لسة

ده كلام ناس آخر لحظة أمس..........

الأربعاء, 15 سبتمبر 2010 06:50
الخرطوم: آخرلحظة

تعيش مدن الجنوب حالة رعب حقيقي بعد حدوث وفيات غامضة سببها مكالمات تلفونية مجهولة، حيث توفى أمس الأول رجل وامرأة بسوق مدينة الرنك، إضافة لوفاة ثلاثة آخرين بمدينة ملكال، بجانب وفاة ثمانية بمدينة واو. وحدثت الوفيات والتي تتكتم عليها حكومة الجنوب نتيجة الصعق بتيار كهربائي مصدره مكالمة تلفونية مجهولة عبر الهاتف الجوال، وتظهر الهواتف مكالمة من هاتف غريب يبدأ بالأرقام «426666000 +» عن طريق إحدى شركات الاتصالات اليوغندية المنتشرة في جنوب السودان.وقال شهود عيان لـ(آخرلحظة) أن الذين اصيبوا في هذه الحوادث كانوا يستخدمون شبكات الاتصالات اليوغندية للهاتف المحمول.

والله ياكوني ادخلت فيني الخوف انا اعاني منذ ثلاثة ايام من صداع نصفي وابلع في البندول
وماعاوز يروح انا خايف اكون رديت لي على نمرة غلط وعملت لي المصيبة دي