من الإتصال ماقتل (أعملوا حسابكم)

مهند احمد الامين كتب:

سلام لكل المتداخلين
ياخي انا شخصيا الكلام دا مامقنع بيهو دي شائعات اعتاد الشعب
السوداني علي اطلاقها ومن ثم تداولها وما استغرب له ان هناك
اناس كبار يصدقون مثل هذه الشائعات وكمان حتي الاعلام بمختلف انواعه اصبح يتداول هذا الموضوع
معقوووووووله بس اجيك تلفون من رقم معين وتموت ياخي بالي!!!
هو في زول بموت ناقص عمر الموت دا ماواحد
اقول ليكم كلام ادوني الرقم انا احاتصل عليهو نشوف بموت انا ولا صاحب الرقم

مهند كل سنة وانت طيب

قالوا مدارات المؤمن علي نفسو حسنة
اما بالنسبة للرقم شوف المداخلة بتاعة هنوية وابقي ضارب بالمهلة ونشوف وشك بخير إنشاءالله

يا مهند والله كلامك عاجبني وساري بالي كمان وانابهظر معاك لانو الرقم لمن تتصل بيهو بقول غير موجود

وتاني نشوف وشك بخير إنشاء الله
ولامادايرنا نشوف وشك؟؟؟؟؟؟؟

الاخوان
السلام عليكم ورحمة الله وبركاته
والله ياجماعة احنا فى بلد عجيب وغريب
بلدنا دى اكتر بلد بتصدق الشائعات والخزعبلات
شوفوا
قبل كدة ظهرت ظاهرة بان هنالك رجال ( شيوخ ) فى منطقة
اسمها الكرمت بعالجوا اى مرض بالكى فكل واحد اعمى شال مكسر
وذهب بل سافر الى الكرمت حتى اصحاب مرض السكرى
وفى النهاية طلع هبوب سااااااااااااااااهى ( وينو هسى ؟ )
ومرة ظهر طفل صغير فى منطقة اسمها رشاد قالوا بعالج
الناس ثم الاعمى شال المكسر وفى النهاية طلع هبوب
ساااااااااااااااااااهى ( وينو هسى )
ثم جاتنا اشاعات الدربات(جمع درب ) المحاليل الطبية
بان هنالك درب بنستوردو من الهند فهو مغشوش وفى النهاية طلعت
هبوب سااااااااااااااهى كانت مكيدة تجارية
ثم جاتنا اشاعة الامراض (انفلونزا الخنازير - والعصافير - والبقر
وال................الخ ) وماعايز اقول دى طلعت هبوب ساااااااااهى
عشان ما يقوموا علي ناس ايمو ورؤى
المهم بلد عجيب شديد بلد اى اشاعة تسرى فيهم كما تسرى النار فى الهشيم
لو كانت هنالك ارقام او مكالمات مميته او هذه التكنلوجيا يستطيع الانسان
ان يطورها او طورها بهذه الطريقة لماذا التسابق فى الامتلاك للاسلحة
النووية والصواريخ البالستية ؟ لماذا ايران وكوريا الشمالية معذبة امريكا
كل هذا العزاب ؟ لماذا اسرائل خائفة على امنها القومى ؟ لماذا امريكا
تخسر مليارات الدولارات والاف الجنود فى العراق وافغانستان والصومال
و...الخ ؟ لماذا ترسل حاملات الطائرات لحماية السفن المارة فى خليج عدن
وحتى تحارب شوية قراصنة من افقر دول العالم ؟
لماذا امريكا واسرائل لا تستعمل هذة التكنلوجيا للقضاء على اعدائهم ؟
فترسل مكالمة لبلادن او الظواهرى او اى انسان لايريدوه ويقتلوه ؟
مش احسن من ان يرسلوا مكالمة لمواطن مسكين فى جنوب او شمال السودان
ليقتلوه ؟
ما بال هولاء القوم لا يكادون يفقهون حديثا
انه شئ عجيب وكلام عجيب فى بلد عجيب
وهل يستوى الذين يعلمون والذين لا يعلمون
كلا وربى
تحياتى ومعذرة للمتداخلين
المغربى