تخيل كيف يكون الحال لو ماكنت سودانى

تخيل كيف يكون الحال لو ما كنت سوداني !!

كنت ح تلتزم بالمواعيد..

كنت ح تتصل بالتلفون قبل زيارة أحد في منزله .. (بدري شوية، مش وإنت في خشم الباب )

كنت إنتظرت دورك في الصف.. ولم تتفنّن في تجاهله أو الوصول إلى مقدّمته بأي صورة..

كنت ح تنهر أولادك لمّا يبهدلوا ليهم بيت زول .. وكنت ح تتردد في أخذهم معاك المرّة الجاية لنفس البيت..علشان ما يبهدلوه مرّة تانية..

كنت ح تدفع الshare بتاعك في العشاء الجماعي دون ملاحقة .. أو سّك من منظمي المناسبة المتوكحّين بالفاتورة..

كنت ح تتردد في إعطاء رقم تلفون أو عنوان شخص ما دون إذنه..

كنت ح تتكلم بلسانك وليس لسان كل من يحمل الجواز الأخضر..

كنت ح تتوقع ح يحصل شنو لمّا ترقّد طفلك الصغير.. دون بامبرز.. في سرير في بيت ناس ..

كنت ح تلبس حزام الأمان في السيّارة..

وكنت إمتنعت عن السماح بجلوس طفلك الرضيع في المقعد الأمامي على حجر والدك أو والدتك..

كنت ح تتردد في زيارة شخص ما أنصاص الليالي وصابح يوم مدارس وعمل..

كنت ح تخّلي الصغار في البيت عندما تكون المناسبة مناسبة كبار..

كنت إتونّست بصوت معقول.. خصوصا عندما يكون الطرف الآخر قاعد جنبك في نفس الكنبة.. ويا حبذّا عندما يكون الطرف الآخر ساكت..

كنت إمتنعت عن التدخين في منزل شخص آخر.. أو على الأقل إستأذنت (قبل ما تولّع )

كنت ترددت في إرسال حاجات وزنها خمسة كيلو (وما فوق) مع كل من تسمع بأنه ماشّي السودان..

كنت رجّعت القروش الإستلفتها في وقتها.. (أو في الحقيقة... رجعّتها وبس).

كنت إمتنعت عن زيارة أحدهم في مكتبه.. للونسة أو مناقشة أمور لا صلة لها بالعمل...

كنت خجلت من عدد المسكولات التي تعملها..

مش كمان تقول "شنو يا فردة..خمسة مسكولات ما ترّد عليها؟ والله الفيك إتعرفت

ولو ما كنت سودانى كنت اتمنيت اكون سوداااااانى ...................................

والله يا اخي / محمد كمال السر . نحن في العشوائية باس يتجلى نستطيع ان نحرز
المراتب الاولى في العشوائية والفوضى وعدم الانضاط واذا لم نفعل ذلك لانكون
سودانيين ربما نكون يابانيين

الاخ / محمد كمال السر
تحياتى
كثيرا ما كنت اقرأ للاستاذ /زهير السراج فى عاموده
المقرو (مناظير) وكان دائما يكتب عن هذة العادات
الغير حميدة ولا تجدها الا عند المواطن السودانى مثل
تجد فى معظم المطاعم يشربوا بكورية واحدة وبعد مالواحد
يشرب يضعها فى وش الموية نفسها البشربوها
او ذلك الذى لا ينتبه لمن يمشى خلفه فتجده يبصق او يتمخط
ولا يهمه مايحدث و.........الامثلة كثيرة
المشكلة الحل شنو ؟
هل نستسلم لهذه العادات ؟
والله مشكلة عايزة حل
لو ماكنت سودانى لتمنيت ان اكون سودانى
شكرا ليك اخى محمد كمال السر
ودمت
المغربى

انا افريقي انا
ســـــــــــــــــوداني

والله فعلاً يامحمد كمال

الله يكون في العون

لو ماكنت سوداني

اكيد حا اكون برضو سوداني ......

ربنا يعين يا محمد وانشاءالله تاني السودانيين

يضربو بيهم المثـــــــــل في النظام والإلتزااام

» وداعا رقم (سودانى )
» تخيل كيف يكون الحال لو ما كنت سوداني
» يا محبوب سيبك من (الطفبعة) .. ماكنت داير اقولو ليك لكن لسان الحال غلب
» كيف يكون الحال لو إنتبه السعوديون للبنوك "الاسلاربوية" وهيئات الفتاوى التي لا يدخلها إلا "كبار العلماء" ؟؟
» انا سودانى