يا هيئة علماء السودان الغناء والرقيص في حضرة الرئيس وشريف نجيريا صنوان

مونيكا روبرت

شريف نجيريا إشتهر بدعوة مغنيات سودانيات لزيارة نجيريا من وقت لآخر
يقال بأن الرجل يغدق ويجزل العطاء في الحفلات الدولية التي تشرفها المغنيات القادمات من السودان
فغادر الوفد المشكل من الفنانات:
انصاف مدنى
وعوضية عذاب
ومونيكا روبرت
ومنى الزينة
وشريفة النور
وفاطمة الجعلى
ونجاة عطية
وامال بابو
ونجمة نجوم الغد فهيمة عبد الله
ولأن المرة دي عدد الفنانات كان كتير ، فندى القلعة " صاحبة التقليعة " تخوفت من سفر الوفد وقالت بجيب لينا "الهوا"
وبالفعل كانت هيئة علماء السودان لهن بالمرصاد وأصدرت فتوى بحرمة أموال شريف نجيريا للمغنيات
والخبر بتاع الفتوى أوردته "الراكوبة" وأشارت الى صدور فتوى عن هيئة علماء السودان
على لسان د.عبد الرحمن حسن أحمد حامد امين دائرة الفتوى بالهيئة
تؤكد ان السفر مخالف لشرع الله " وما ورونا وجه المخالفة"
وفيه اساءة للدولة الإسلامية " ما حددوا الدولة ياتا"
وان الاموال المكتسبة اموال حرام "بدون ذكر لمقتضى التحريم"
والهيئة لم تكتف بذلك فدعت السلطات لتكون اكثر حزما وتوقف الفنانات بمجرد عودتهن ومعاقبتهن
لكن السلطات ماراح تشتغل بالفتوى ولا راح تدي أي إعتبار للهيئة بتاعة العلماء دي
وقبال دا لمن الرئيس قال ماشي الدوحة أصدرت نفس الهيئة فتوى بعدم جواز سفر الرئيس



و"كيتاً على اوكامبو والغرب الكافر وهيئة علماء السودان الاسلامويين" الرئيس سافر وجاء والهيئه خشما ما فتحتو
أها المرة دي المغنيات سافرن وحا يغنن ويجن راجعات وما في حد حا يقدر يقول ليهن تلت التلاتة كم
وأنا لو محل العلماء الساكتين عن قضايا البلد الموقفا العالم كلو علي قنقرة ضنبو وفالحين في الفارغة والمقدودة
عليهم "كهيئة " بدل البهدلة والتجاهل لفتاويهم الماعندها قيمة ولا في زول دايرا فعليهم بإصدار فتوى من نوع آخر
تقضي بمرافقة ممثلين من هيئة علماء السودان للمغنيات إلى نجيريا كمحرمين وشرعيين كمان " علماء محرمين"
فإذا طلب الشريف مثلاً 8 مغنيات نقوم نضيف 8 من هيئة العلماء "كيتاً" علي الشريف والمغنيات الماشات براهن
ففي الحالة دي يضربوا كم شريف بفتوى واحدة ويوفروا محرمين لسفر المغنيات ولقينا شغل للعلماء القاعدين ساي
وكان الشريف طلب من المرافقين للمغنيات "الرقيص" مثلاً ففي الحالة دي فالهيئه تصدرفتوى وترسلها نجيريا فوراً
ومضمون الفتوى ما ضروري نعرفوا لكن إن بقى رقيص فأرقصوا ساي وتعالوا راجعين ما فيها حاجة متعودين
والحكومة أو الرئيس مبسوط مني أو الشريف مبسوط مني واحد
والنبق
النبق
النبق .. زيها وزي
القبض
القبض
القبض
والرقيص والله أفضل من فتاويكم دي
وإن بقى فيـها دولارات وعربات فما صعبة عليكم بتلقوا ليها مخرج والبتعرض ليكم تكفروا طوالي

يا المحبوب الكلام دا كلو بندق في بحر
والمسألة دي الا زول قلبو حار ويديهم دقة الفنانات ديل ويمنع سفرهن مرة واحدة

النصيحة يا المحبوب . الراجل دفيع وبيحب الفن السودانى

يا مان ما يسافرن هن ما شات العمرة عشان يكون معاهن محرم

تحياتي للجميع وياترب ياخي وين انت
راشد سؤالك بائخ
اسي ناس الزمن دا يقولو عليك شنو ؟؟

المحبوب كتب :-
ففي الحالة دي يضربوا كم شريف بفتوى واحدة ويوفروا محرمين لسفر المغنيات ولقينا شغل للعلماء القاعدين ساي.
اها انا من هسه حا أكون المازون مافى واحد أجينى ناطى واقول داير اعقد للجماعة ديل