المهام والتكاليف لرحلة الجمعة بورداب الحصاحيصا

*الصادق المغربي القرآن الكريم
* حسن وراق قال هو من بورداب الخرطوم
*بدر أبونورا عليهو الضباح
*مامون تلودي التنسيق والموية الباردة
*جعفر قوليب الثرامس والتلج وكسيرو
*عواطف عمسيب الصحانة والكمش ومفراكة
*رانيا عصام الشمار وباقي البهارات
*سلوى عثمان الوصيف وإستقبال بورداب الخرطوم
*رحاب قسم الباري الشربوت والإسكريم
*محمد فارس الفطور والغدا والتحلية ويورد باقي المبلغ للجمعية
*وليد العشي كلمتين وباقي البرنامج
* سمؤال خضر الفنان ....نة والساوند
*الطيب تلودي مراقبة لجان الخدمات
*محمد كمال البث المباشر
*محمد على جبريل التصوير
*والعبد لله التقييم النهائ ورفع تقرير لفايزة السيد

وسعادة القاضى المقيم ..... الاستاذ الجاهورى وين موقعوا
لحفظ النظام العام ؟؟؟؟

الرحلة دي ما ممكن يكون واحد من أهدافها تنوير المجتمع المحلي بمؤسسة دوت كوم الخيرية عن طريق دعوة ناشطين في العمل الخيري و الأنساني وأنشطة الأمومة والطفولة علي سبيل المثال ، والأستماع لرؤاهم وتصوراتهم حول الجوانب التي يجدر بالمؤسسة الوليدة الأقتراب أو الأبتعاد عنها ، أنا بفتكر رحلة بها هدف إنساني ومجتمعي نبيل ستبقي في الذاكرة وستضيف لفكرة العمل الأجتماعي الكثير .

بعدين يا كوني المُعينات كلها علي شاكلة كُنش ومفراكة وكاميرا وبيبسي وشيبسي ، كتاب مافي ثقافة مافي ؟
مش ممكن تعملو حلقة نقاش حول قصة من قصص البوردابي الأستاذ عثمان فارس مثلاً ؟

راشد محمد الجاك كتب:: وسعادة القاضى المقيم ..... الاستاذ الجاهورى وين موقعوا
لحفظ النظام العام ؟؟؟؟

موافقين بالأستعانة بي ناس البث المباشر والتصوير لتثبت الأدلة

صداح فاروق وراق كتب:: الرحلة دي ما ممكن يكون واحد من أهدافها تنوير المجتمع المحلي بمؤسسة دوت كوم الخيرية عن طريق دعوة ناشطين في العمل الخيري و الأنساني وأنشطة الأمومة والطفولة علي سبيل المثال ، والأستماع لرؤاهم وتصوراتهم حول الجوانب التي يجدر بالمؤسسة الوليدة الأقتراب أو الأبتعاد عنها ، أنا بفتكر رحلة بها هدف إنساني ومجتمعي نبيل ستبقي في الذاكرة وستضيف لفكرة العمل الأجتماعي الكثير .

طبعاً يا صداح وهذا من أهم أهدافها كما حدث في رحلة بورداب الخرطوم.

صداح فاروق وراق كتب:: بعدين يا كوني المُعينات كلها علي شاكلة كُنش ومفراكة وكاميرا وبيبسي وشيبسي ، كتاب مافي ثقافة مافي ؟
مش ممكن تعملو حلقة نقاش حول قصة من قصص البوردابي الأستاذ عثمان فارس مثلاً ؟

ذكرتني واحد من أهلنا العرب جابو ليهو تحلية في صينية قال ليهم وين الملاحة
مع إنو البوست للفكاهة ولكن لاضير أنو يكون محل إقتراحات .
يحول الإقتراح لأخونا العشي ( ياعشي قصة واحدة بس)

الدادا دودى الله يحفظك ويخليك للجماعة الاتوصو عليك فى الغدا والتحلية

محمدكمال السر كتب:: الدادا دودى الليحفظك ويخليك للجماعة الاتوصو عليك فى الغدا والتحلية

أطمئن المرة دي جايبين ناس من بره لمراعات الأطفال يعني أخوك فري

الاخ كوني : مرحب
مهامي انا قادرة عليها بس انت الله يقدرك على الفي المرجيحة

عواطف عمسيب كتب:: الاخ كوني : مرحب
مهامي انا قادرة عليها بس انت الله يقدرك على الفي المرجيحة

يا عواطف قال داير يرفع التقرير لي فائزة السيد
هو قصدو لي .... ولا مافي داعي كلنا عارفين لي منو

عواطف عمسيب كتب:: الاخ كوني : مرحب
مهامي انا قادرة عليها بس انت الله يقدرك على الفي المرجيحة

عواطف عمسيب إنت ماقريتي الرد الفات جايبين ناس من برة للشفع يعني أنا قاعد ساي

ESLAM BANDI كتب:

عواطف عمسيب كتب:: الاخ كوني : مرحب
مهامي انا قادرة عليها بس انت الله يقدرك على الفي المرجيحة

يا عواطف قال داير يرفع التقرير لي فائزة السيد
هو قصدو لي .... ولا مافي داعي كلنا عارفين لي منو

إسلام بندي إنت عشان غيابك دا وتجي على كيفك الجماعة أسندو ليك مهمتين
تهبب النار وتحفظ الشربوت بعيد عن متناول الأطفال

الى الدادا دودى /
انا ما بتاع شربوت انا عايز عصير ليمون

Badr Abbas كتب:: الى الدادا دودى /
انا ما بتاع شربوت انا عايز عصير ليمون

بدريتو ....
عيني في عينك كده ....

يا كوني انا عاوز اجيب الشربوت

» الجمعة مساء بورداب الداخل يحتفون ببورداب الخارج
» خاص بصحيفة الحصاحيصا و بورداب السعودية
» سينما الحصاحيصا يوم الجمعة
» هام الي بورداب الحصاحيصا دوت كوم بالخرطوم فقط
» بورداب الحصاحيصا والفطور المحضور ( توجد صور )