رجعي ومتخلف وغير مواكب

من المفــــــــارقات العجيبة قبل فترة كتبت عن بشتنة بعض السودانيين في الخليج ( إن صح التعبير ) أو عدم

اهتمامهم بمظهرهم علي الوجه الصحيح واليوم اطرح لكم موضوع مضاد تمامآ متمنيآ أن يجده حظه من النقاش .

منذ فترة ليست بالقصيرة وانا احس بضجر شديد من القنوات السودانية وخصوصآ قنـاة هارموني ( مع اعتذاري

للمعجبين بها ) ومصدر الأستيـــــــــــــاء (النيو لوك ) الذي تفرضة القناة علي بعض الضيوف من الجـيل الجديد

( مقدمين ومستضافين ) وتشابهها مع قنوات lbc والمستقبل خصوصآ في موضوع اللبس واهتمام القــائمين

عليها بالموضة وقصات الشعر او الشعر المنفوش (واللون الفوشي والقرمزي) وتشبهات الشباب والشـابات

الذي يملأ الشاشة صباح مساء وعلي الضيق الحاصل في اللبس والقماش رغم تدني اسعاره( البنطلــون ضيق

والبلوزة اضيق ) وياحليل زمن النسيبة (الشنافة ) لمن ما تلقي ليها حاجة تعيب بيها (زوج بنتــها) تقول كل شي

كويس (الا التياب ضيقة ) وانا بصراحه حـــاسي ده كله تعدي علي صورتنـا السمحة وعاداتنا وتقاليدنا الجميلة

ولن استغرب إن نط عليّ أهل الحداثة وقالوها كماقالها لي صديقي أنت (رجعي ومتخلف وغير مواكب ) وعايز

تعيش زمنك وزمن غيرك . قد أكـون كذلك ولكن ليس بدواعي التزمت والضجر الغير مبرر . يعني لأمن تدرك ان

فنان الجيل ( تامر حسني ) هو امنية اكثر من واحدة مستضافة ورغبتهم في أنهم اشوفوه بالسودان كما سمعت في قناة زووول من احّداهن

رغم انهم كل يوم بشوفوه في واحدة من محطات الغناء الماجن حأقول شنو ؟؟ ( حأحترم رغباتهم قصبن عني ) لكن

بكل تأكيد حأكون مستنكر( وهذا اضعف الأيمان ) . أنا حاسي الحاصل في البلد هو بداية فساد ماعنده نهاية وليت الفساد لو

ارتبط بالعوز كمـــــا يروج البعض ولكن للأسف ترف المترفين ( شوفوا برنامج افراح افراح واللبس في بيوت الأعراس )

عنوان بارز للمجون بأسم الفرح مع إن الفطرة السليمة تعني السترة. ( وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ ) .

وحتي استخدامنا للتقنية اصبح تشوبه كثير من العيوب مماانعكس علي حالة فساد ستصيب اهلنا في مقتل. بمقـايس

الحضارة انظروا إلي شعب اليابان ولأحظوا للبسهم فقط وانصرافهم لما هو أهم ( ارجوا أن تمعنوا النظر في ذلك ) . اتخيل لي نحن محتاجين إلي وقفة

كبيرة مراجعه للذات وحقو الوضع ده نشوفوا بؤدينا وين ؟ ياناس أنتبهوا الحضارة والرقي ومواكبة الموضة والعصر لاتعني التبرج والفساد . ربنا أهدينا جميعآ .

( البوست مع بوستات أخري عبارة عن سلسلة من الضجر والملل علي الواقع ) .

في البداية .. التحية والتقدير لرواد دوت كوم .. الاعزاء
والتحية خاصة للأخ .. المنصوري
وبعدين ..
منذ زمن (ليس بالقريب) وانا احاول المشاركة في هذا المنتدى الثر ...
الا انني دائما ما أكون غير محظوظ ..

تخريمة /
انتا يا المنصوري لا عاجباك بشتنتنا .. لا عاجباك موضتنا ..
(اها نحنا في الحالة دي نسوي شنو؟ )

هشام البلولة كتب:: في البداية .. التحية والتقدير لرواد دوت كوم .. الاعزاء
والتحية خاصة للأخ .. المنصوري
وبعدين ..
منذ زمن (ليس بالقريب) وانا احاول المشاركة في هذا المنتدى الثر ...
الا انني دائما ما أكون غير محظوظ ..

تخريمة /

انتا يا المنصوري لا عاجباك بشتنتنا .. لا عاجباك موضتنا ..
(اها نحنا في الحالة دي نسوي شنو؟ )

ياحبيب نورت دوت كوم والمنتديات المجاورة

أكيد نحن المحظوظين بيك

( وحظيت اليوم بلقاءك ياظبي الكُجر )

عايز الصراحة لا أخلاق ولا بشتنة ولا موضة

حالنا تبدل الي الأسواء نسأل الله الستر والعافية

» رجعي ومتخلف وغير مواكب
» خواطر فيل رمضانية اليوم الأول (بأثير رجعي)
» خريطة السودان الجديدة شينة"..!
» طرق بسيطة وغير مكلفة لتجديد أثاث المنزل