خــــــــــــــــــبر غــــــــــــــــــير صحيح

عمار تلودى كتب:: اكتمال كافة الترتيبات لتغير سبكة مياة محلية الحصاحيصا واكد المهندس احمد المنتصر مدير الهئية ان الحكومة الاتحادية وعدت بدفع كل التكلفة التى بلغت 750 مليون بالقديم وقال انهم تسلموا الشيك
من وزارة المالية

يا عمار .. ما توحد لنا السعر ، بعدين 750 جنيه ولا دولار،
طمئنا على الانتهاء من الترتيبات .

خفضت وزارة المالية ، رواتب واستحقاقات الوزراء المركزين
والاتحادين ، وشاغلى المناصب الدستورية ،والولائية والمحلية.
وذلك بسبب الازمة المالية الراهنة Exclamation

طيب يا عاطف البخفض استحقاقات وزيرالمالية منو...... علماً بان هناك اموال مجنبة تسمى مال الوزير وهو خارج سلطة وصلاحيات المراجع العام. ودى واحده من ابتكارات الانقاذ..... وهكذا تكون تخفيضات المالية بردا وسلاماً عليهم.

قام وزير المالية الانقاذى..عوض الجاز
بقفل البنك الذى اقامه بمنزله..وذلك تمشيا مع الخصخصة الجارية
وقد قام بالشراء..مجموعة من كوادر الانقاذ المالية...يتقدمهم
اهله وعشيرته.
دى اموال الشعب السودانى ياعالم.
هل هذا البنك حقيقة فقد سمعنا به.
ان كان كذلك..فديوننا عليهم باهظة...وسجل سجل ياتاريخ.

حسن كيشو كتب:: طيب يا عاطف البخفض استحقاقات وزيرالمالية منو...... علماً بان هناك اموال مجنبة تسمى مال الوزير وهو خارج سلطة وصلاحيات المراجع العام. ودى واحده من ابتكارات الانقاذ..... وهكذا تكون تخفيضات المالية بردا وسلاماً عليهم.

يا حسن الفي ايدو القلم ما بكتب نفسو شقى !!! دحين المراجع العام بيراجع ميزانية البترول ؟
المال السايب بيعلم السرقة !! اما ابتكارات الانقاذ فى المال العام ،فحدث ولا حرج :-
# ضريبة ترعتى كنانة والرهد .
# دمغة الشهيد والجريح .
# الزكاة للغارمين (المزارعيين )
.......الخ

عبد المنعم سيد احمد كتب:: قام وزير المالية الانقاذى..عوض الجاز
بقفل البنك الذى اقامه بمنزله..وذلك تمشيا مع الخصخصة الجارية
وقد قام بالشراء..مجموعة من كوادر الانقاذ المالية...يتقدمهم
اهله وعشيرته.
دى اموال الشعب السودانى ياعالم.
هل هذا البنك حقيقة فقد سمعنا به.
ان كان كذلك..فديوننا عليهم باهظة...وسجل سجل ياتاريخ.

يا منعم تجاوزات الانقاذ المالية على قفأ من يشيل !
فالوزير الهمام عوض ابوالجاز ميزانية
البترول فى جيبه اليمين !
يا ناس الداخل اشفوا غليل منعم وغليلنا بالتفاصيل .

وجهت وزارة الاوقاف السودانية بتأجيل الحج والعمرة ،
بعد ظهور حالات انفلونزا الخنازير بالسعودية !!!!

الشىء الغريب ياناس كدى افتونا الوده الخنازير السعودية شنو......... واوعة يكونو من خنازيرنا تبقى حكاية دى.

عاطف اسماعيل يقوم بزياره خاطفه للخرطوم لاستلام اوراق قطعه ارض اولاد الحصاحيصا بالخرطوم ...

.. المعتمد الجديد يقرر يوم الاثنين من كل اسبوع لتلقى شكاوى المواطنين ... مباشرة !!!!

يوم الاثنين ترفع الأعمال ولا ترفع الشكاوى افتونا؟؟؟؟؟؟؟؟؟؟؟؟؟؟؟

امجدالشيخ كتب:: يوم الاثنين ترفع الأعمال ولا ترفع الشكاوى افتونا؟؟؟؟؟؟؟؟؟؟؟؟؟؟؟

.. افتينا انت اول ... دا ولدك ولا ولد ....ترباس ؟؟؟؟؟؟؟؟؟؟؟؟ظ؟

بكرى عثمان حمد كتب:: عاطف اسماعيل يقوم بزياره خاطفه للخرطوم لاستلام اوراق قطعه ارض اولاد الحصاحيصا بالخرطوم ...

اخونا بكري أعدك بعد تسليمى قطعة أرض بالحصاحيصا - قدمتُ منذ 1989 - سوف
أسجل الزيارة للخرطوم ، لقلع قطعة ارض لاولاد الحصـــــــــــــــــــــــــاحيصـــــــــــــا.

راشد محمد الجاك كتب:: .. المعتمد الجديد يقرر يوم الاثنين من كل اسبوع لتلقى شكاوى المواطنين ... مباشرة !!!!

يا راشد الجماعة ديل لسه ما فتروا من خداعنا بالتأصيل ، وصياغة الانسان
السودانى !! وحتى ود عمنا بشير داير يمسكنا (ضنب الككو) !!

صرح السيد رئيس الجمهورية ،بان احتفال الانقاذ بانجازاتها ،سوف
يُقام فى حلايب ، سوف يدلى سيادته بصوته لانتخابات رئاسة الجمهورية
من الفشقة ، وسوف يعلن السلام الشامل من ليما Exclamation

يعنى من 89 انت والانقاذ دفعه واحده يعنى لو كنت معاهم من يومك كان هسع عندك مش قطعه كان عندك قصور مشيده .
.لكنك والحمدلله تملك ما هو اقيّم بكثير من ذلك ..الايكفيك هذا الحب كن بخير .. فلك مسكنا فى كثير من القلوب

بكرى عثمان حمد كتب:: يعنى من 89 انت والانقاذ دفعه واحده يعنى لو كنت معاهم من يومك كان هسع عندك مش قطعه كان عندك قصور مشيده .
.لكنك والحمدلله تملك ما هو اقيّم بكثير من ذلك ..الايكفيك هذا الحب كن بخير .. فلك مسكنا فى كثير من القلوب

الحمد لله على المحبة وتسلم يابكرى ، رايك شنو فى التصرف الشعرى ادناه :
ليت البينى وبين الناس عامر
وبينى وبين الكيزان خراب

عقدت وزارة التربية التعليم ، والتعليم العالى ،مؤتمراً ،لبحث تدهور
التعليم الاساسى وتدهور مستوى الجامعات السودانية.فثمن المؤتمرون
على التوصيات التالية :
1- الغاء السلم التعليمي الحالى (3،3،6) ، واعتماد السلم الجديد ( 4، Cool

.
2-وضع منهج يواكب التغيرات الاجتماعية والاقتصادية والثقافية .
3-اعداد المعلميين علمياً واكاديمياً .
4- الغاء الدروس الخصوصية ، والمذكرات ،والكورسات الصيفية .
5- تهئية البئية المدرسية للمدارس.
6- دمج الجامعات فى 10 جامعات .
Exclamation

وصل مساء الامس ابن الحصاحيصا الخلوق : عاطف اسماعيل قادما من القاهرة ، البورداب يهنئونه بسلامة العودة ويتمنون له اجازة سعيدة وسط حفاوة الاهل والاحباب ( مجرد امنية ).

معتمد الحصاحيصا يعلن عن ضربة البداية لتاهيل استاد الحصاحيصا بمايقارب مليار جنية بالقديم

خالد الصادق محمد كتب:: وصل مساء الامس ابن الحصاحيصا الخلوق : عاطف اسماعيل قادما من القاهرة ، البورداب يهنئونه بسلامة العودة ويتمنون له اجازة سعيدة وسط حفاوة الاهل والاحباب ( مجرد امنية ).

ياخالد ، ياسلام على الامنية التى يهفو لها فؤادى .. واشتاقُ لقدلة فى الحصاحيصا ،
وامل للذين طالت غيبتهم العودة الى الحضن الدافئ .

عمار تلودى كتب:: معتمد الحصاحيصا يعلن عن ضربة البداية لتاهيل استاد الحصاحيصا بمايقارب مليار جنية بالقديم

يا عمار ، خالص مسلسل الاحتفاءات والتشكرات انتهت ، عشان نشوف
(جكتة ) اى بيان بالعمل ، كما يقول ناس الجيش والدفاع الشعبي .

عزت مفوضية الانتخابات ، تأجيل الانتخابات للمرة الثانية (ابريل 2010 ) ،
للتأكُد من جاهزية الاحزاب ، وضمان نزاهة العملية الانتخابية ، وتكملة الاحصاء
السكانى Exclamation

اسع عليكم الله إذا اتقسمنا المليون ميل مربع دي موش كان الواحد عاش مرتاح من غير حكومة، خليك من انها عسكرية و الا مدنية فشنك؟! و الا ح نتشاكل في حدود الجيرة؟

خالد
http://www.hoa-politicalscene.com

يا خالد دا ما هدف الجماعة اياهم !! وسخروا كل الياتهم الخبيثة لذلك ،
لكى يكرهونا فى الوحدة القائمة على التنوع . تعرف الجماعة ديل لو شرعوا
فى التقسيم ، سوف يمرقوا الشعب السودانى (بقد ) الابرة !!

» صحيح وافق الحزب الشيوعي على الجلوس مع الوطني
» مصنع الصداقة للغزل والنسيج هل صحيح أنه بيع كخرده
» يلا يا هلالاب لو صحيح أسياد بلد ادونا حل
» صحيح عمر البشير فاتح بس منتظر الخمسين ؟
» اجلسوا بشكل صحيح اتقاء للدوالي