دكان ود البصير أصبح أسواق عفراء

دكان ود البصير فيه .شوكلا.وأيس كريم.وكمان شامبو؟ي
يامنصورى انا بت عباس رسلتنى لي حرجل ومحريب.
اصل بعيد عنك عندها قبضه وقالت لي مجينى بلاهن
شلت القروش وطلعته وبعد شويه القاها وراي ياراجل
ماتنسى الحرجل والمحريب وكان مالقيت حرجل ومحريب
جيب شيح وكمون اسود امكن ما القاهن فى دكان ودالبصير
مالك عميان من دكان من صباحى ؟

مودرن ودالبصير ميني مول

بس وصلت الدكان القالك ود بت الجعيلى هاشم وود ام الحسن حسن
اها ياود بت قدور مرسل ولا جاي براك انا برسلونى هلا هلا ابوك
ياانس انا داير لي جنزبير وهبهان وقرفة وغرنجال
عشان الشربوت .والله كما كلامك ده مرق من بالنا اها والشاغلكن شنو
والله قلنا السياجات والسياجات شنن الزرايب ما بنكفى وان قلنا
الوحده الاداريه وبرندات الدكاكين وكمان متنسى منظمة الشهيد
اها ذكرتونى عليكن الله قولوا لي ناس المنظمه ديل يسولن
كبرى بى فوق لى الظلط عشان الشفع والبنيات والناس الكبار حريم ورجال ؟
وقولولن اليسولن سياج خرصانه عشان العربات مايخشن لى شفعنا ؟