منظر من السوق

الصورة التقطها يوم امس ( التاريخ الموجود على الصورة
غير مبرمج مسبقا )
_____________________________
عليكم الله ياجماعة
نقوم من النوم وندخل السوق نلاقى
مناظر ذى دى
نقول شنوا ؟ ونشكى لمنو ؟
ولغاية بتين ؟
حكاية تحير والله
ودمتم
المغربى

قبيل شن قلنا يا مغربى عن رواكيب الفاكهة قالوا لينا اطلعوا برة ديل كادحين وداعمين المحلية ومالين اكياس الجماعة

بلدصار مصيرها في يد الوافدين إليها واموظفي الحزب الحاكم لاتحلموا بعالم سعيد فيها

الاخ مغربي السلام عليكم المثل القال جلد ماجلدك جر فوقوا الشوك اي اقصد بلد مابلدك خليه يعفن
والباعوضه التكملهم والضبان الياكلهم والمرض السكنهم حاج الصديق وبلد ماهو حقك كسر فيه الشوك وماخفي اعظم وووووووووعلي بابا والاربعه والاربعون حرامي بسمعوا كلامكم ده اعملوا حسابكم ///ابوعبيده الجعلي ///مني

الاخوان
بدر / ود فارس / ابو شيماء
لكم اعطر التحايا وكل سنة وانتم بخير
__ ____ ___ ___
للاسف بلادنا من البلاد العجيبة فهى من الدول
التى تفرض على مواطنيها جباية (رسوم نفايات )
واننى اتزكر العراق فى زمن الريئس صدام
كانت تدعم المواطنين بالاكياس السوداء الكبيرة
باقل اسعار قد تصل للمجانية وتضع براميل
واحواض مخصصة لجمع النفايات ولهم سيارت
مخصصة لنقل النفايات (طبعا ليس كالدفارات الصينية
التى تحطمت قبل ان يحل عليها الحول او الرقشات
لقد اختفت نهايئا ولا نعلم عنها شئ ولم يمضى من
تشغيلها زمن طويل )
كما كانت بالمقابل تفرض غرامات لمن تثبت عليه
تهمة رمى الاوساخ فى الشارع
وكانت تعين لكل شارع عدد من عاملين النظافة
(ليلا ونهارا ) مما تجد المدينة نظيفة وجميلة
عند الصباح الباكر او فى وقت متاخر من الليل
اما عندنا
تعال وشوف المناظر الكيئبة والشوارع الوسخة
من صباح الرحمن والظلمة والوسخ والقرف
فى اى وقت ليلا
واننى ادعوكم جميعا لان تشاهدوا اروع المناظر
والطف الاجواء صباح يوم العيد
صباح يوووووووووووووم العيد
طبعا فى شوارع السوق خصوصا
و
ودمتم وكل سنة والجميع نظيف اقصد بخير
المغربى