ربنا يزيد ويبارك .. بس ما في داعي للإفتراء والإزدراء علي خلق الله ولا شنو "توجد صورة"

أن يوهبك الله نعمة من نعمه فذلك فضل من الله على مخلوقاته
فالجمال والحسن "مع نسبيتهما" إلا أنهما آية من آيات الخالق تستوجب الشكر والحمد
لكن في بعض المخاليق ومع ان الله حباهم بجمال جزئي أو كامل إلا انهم لا يحمدون الله بل فإنهم يفترون
وياريت لو إفتروا وبس كمان في بعض الأحيان يزدرون ويا دنيا ما فيك إلا أنا وكأنهم لوحدهم في هذه البسيطة

لو قائل رقبتك وحدك فأنت واهم
لو قائل القوام واللون عملتهم براك برضو واهم
يا ما شفنا قوام
وياما كشفت لنا العوالم عن جمال لا قبل لك به
فتواضع وخت نفسك في الجابرة وأحمد الله الأداك النعمة دي
والبتفتري عليهم ديل برضو خلقهم الله زي ما خلقك

أنا بعترف بأن الخلق آية في الروعة وبصراحة بُهرت
لكن كمان اللفته فيها شوية إفتراء وإزدراء ما كان ليهم داعي
والحجل في الرجل دي ياها ذاتا "حبيبي سوقني معاك"

ديك مفتري
إنت قائل رقبتك شنو

سمعت النحدثك
يا ديك يا مفتري
فالإفتراء

لغة:

الافْتِرَاءُ مَصْدَرُ قَوْلِهِمْ: افْتَرَى يَفْتَرِي، وَهُوَ مَأْخُوذٌ مِنْ مَادَّةِ (ف ر ى) الَّتِي تَدُلّ عَلَى القَطْعِ، وَمِنْ ذَلِكَ فَرَيْتُ الشَّيْءَ فَرْيًا قَطَعْتُهُ لإِصْلاَحِهِ، وَأَفْرَيْتُهُ: قَطَعْتُهُ لإِفْسَادِهِ، وَيُقَالُ: فَرَى فُلاَنٌ كَذَا، إِذَا خَلَقَهُ، وَالفَرَى: البَهْتُ وَالدَّهَشُ يُقَالُ مِنْهُ: فَرِيَ يَفْرَى فَرًى.
وَقَالَ الرَّاغِبُ: الفَرْيُ: قَطْعُ الْجِلْدِ لِلْخَرْزِ والإصْلاَحِ، وَالإِفْرَاءُ للإِفْسَادِ، وَالافْتِرَاءُ فِيهِمَا وَفِي الإِفْسَادِ أَكْثَرُ وَقَدِ اسْتُعْمِلَ فِي القُرْآنِ الكَرِيمِ فِي الكَذِبِ كَمَا فِي قَوْلِهِ تَعَالَى: {يَفْتَرُونَ عَلَى اللهِ الكَذِبَ} وَفِي الشِّرْكِ وَالظّلْمِ، كَمَا فِي قَوْلِهِ عَزَّ وَجَلَّ: {وَمَنْ يُشْرِكْ بِاللهِ فَقَدِ افْتَرَى إِثْمًا عَظِيمًا} وَقِيلَ: الفَرْيُ وَالافْتِرَاءُ وَاحِدٌ وَهُوَ الكَذِبُ وَاخْتِلاَقُهُ .
وَقَالَ ابْنُ مَنْظُورٍ: وَالفِرْيَةُ: الْكَذِبُ، فَرَى كَذِبًا فَرْيًا، وَافْتَرَاهُ: اخْتَلَقَهُ، وَرَجُلٌ فَرِيٌّ وَمِفْرًى وَإِنَّهُ لَقَبِيحُ الْفِرْيَةِ، وَفِي التَّنْزِيلِ العَزِيزِ: {أَمْ يَقُولُونَ افْتَرَاهُ} أَيِ اخْتَلَقَهُ، وَفِي حَدِيثِ عَائِشَةَ - رَضِيَ اللهُ عَنْهَا -: [فَقَدْ أَعْظَمَ الْفِرْيَةَ عَلَى اللهِ] أَيِ الْكَذِبَ . وَفِي حَدِيثِ بَيْعَةِ النِّسَاءِ: [وَلاَ يَأْتِينَ بِبُهْتَانٍ يَفْتَرِينَهُ] وَهُوَ افْتِعَالٌ مِنَ الْكَذِبِ.
والفَرِيّ: الأَمْرُ الْعَظِيمُ، وَفِي التَّنْزِيلِ الْعَزِيزِ فِي قِصَّةِ مَرْيَمَ: {لَقَدْ جِئْتِ شَيْئًا فَرِيًّا}: أَيْ جِئْتِ شَيْئًا عَظِيمًا، وَقِيلَ: جِئْتِ شَيْئًا فَرِيًّا أَيْ مَصْنُوعًا مُخْتَلَقًا .

http://www.mktaba.org/vb/showthread.php?t=9103

تعال إفتري تاني

ليلى هيل الله محمد رسول الله

يالمحبوب
كل سنة وانت طيب
شنو ياخى ؟
نفهم من ده انت ضحيت بديك ؟
ارجو الافادة
اخوك
المغربى

مغربي كل سنة وانت طيب وعيد مبارك وتشكر ياخي على المرور
وعن العيد والضبيحة فهنا الموضوع طويل
والدائر يضبح بتكون امامه صفوف من صلاة الصبح حتى الى ما بعد الظهر
وعلى كل حال اهو برضو الدجاج مافيهو كرسترول
بس ما قلت رايك في افتراء الديك دا

ودي هريرته المكسرة ضلعو ومايصة مصارينو وهاردة كلاهو القال فيها

تعالك كتل تحتو السحاب الكوع
وبراقك شلع وبي مهاويك بوع
اتفقع سماك صب وصبيبو منوع
وشقاقك شبع في الموية لامن توع



هي لكن هريرة نصاح ما نجاضة بس

غراء فرعاء مصقول عوارضها..................تمشي الهوينا كما يمشي الوجي الوحل
كأن مشيتها من بيت جارتها......................مر السحابة لا ريث ولا عجل
تسمع للحلي وسواسا إذا انصرفت.................كما استعان بريح عشرق زجل
ليست كمن يكره الجيران طلعتها..................ولا تراها لسر الجار تختتل
يكاد يصرعها لولا تشددها........................إذا تقوم إلى جاراتها الكسل

وآه لمن يستل سيف شاعر الحقيبة سيد عبد العزيز في



السمحة ام عجن

أنظر جمال تلك الوجن
دولات صدودك ماوعن
ألامى وبى اتدرعن
أبكى واصيح متضرعاً
يا ناس دموع عينى ترعاً
أرحمونى مارضنى الظعن
أمالى جور لى قاطعن
أحشاي هديل أتقطعن
وبالفرقة نشابك طعن
يا منبع النور والفطن
يا الفقتى يعرب والرطن
فى جوفى من حبك قطن
يا جاهلة مليون ألف طن
كيف أسلى عينيك والوجن
يالبسمتك نور الدجن



يخونا الديك الفاكيها في نفسو مشى وين
وكمان عامل فيها تفتيحة
قول ليهو تعال شوف البريد اللطام
ديك الكدادة الزام
الهز البلد من اليمن للشام
وسيفو للفقر قلام ..دا

بسسسسسسسسسسسسسسسم الله يالمحبوب
كدي استغفر وخلي الديكه في حاله
منتظرنها تصيح معلنه اذان الصبح
مالك عليها؟

ايمان كيفك ياخي وكل سنة وانت طيبة وسلامتك والديوك الفي البوست دا كلها كرامتك
وتشكري على المرور الوزين الرزين وزيــــــــــــــن
دي الحلقة الأخيرة خلاص رايك شنو

عاينت للديك




وقالت :

الديك يهديك الله ..
يخليك... الله يخليك
و يشيل من عمرى أنا ..
ويالديك الله يخليك



الديك عاين ليها ...



وقـــــال :

الكاكاية كاك كاك جبينا
الضوايية جدادتي الرتينة
جدادة جافية نقول حنينة
جدادة نافرة نقول رضينا
يقولوا جاهلة نعد سنينا
بنية تربالة طبعتها الرزينة

المحبوب-امووووووووووووت واعرف الخلاك تنفش ريش الديكه ديل كلهم شنو
(نظام شمشره وكده)