دفتر الحضور والغياب اليومى الكل يدخل ويوقع على الحضور

اسعد الله مساءكم

تحياتى للجميع
عطله نهاية اسبوع سعيده للجميع وتمنيات بوافر الصحه .انتو عارفين ان عندى عقده من تسجيل الحضور اليومى من ايام تسجيل الاسماء بالحافلات فى السفر للخرطوم لانو المساله ما كانت متعلقه بسلامة الركاب ،القصد الاساسى رصد السفر والمسافرين عشان الزرزه فى التحقيق ومشيت وين ولى شنو؟ عشان لو ملاحظين انا اقل الناس تسجلا للحضور رغم انى يوميا فى الصباح من اول الحاجات البعملها تصفح دوت كوم لكن العقده ملازمانا ،ما فى دكاتره نفسيين فى دوت كوم يقدم لينا نصيحه ؟
ودمتم ،،،،،،

اها يا كيشو انا دخلت الحوش خلى فائزة تجهز القهوة وهاك النكتة دى عن اهلنا الرباطاب :حبوبة شايقية ماشة البلد بألقطر اولادها حزروها من ابوحمد والرباطاب الحاجة نامت ولمن صحت سمعت واحدة بتنادى شاى باللبن المقنن الشايقية قالت ليها يا بنية شائيك ده ب لبن شنو البنية ردت عليها ب لبن عشر الشايقية قالت سجمى دى ابوحمد البنية ردت عليها لا دى ابو ظبى

جمعة مباركة باذن الله
يابدر ياجميل نكتة جميلة قتلتنا بالضحك
كون قريب ما تطول الغيبة

مساء الفل للكل يا حلوين... انا جيت.... ويابدر الشاى والقهوة فى الحوش الواسع المكسؤ باالخضرة والونسه الرايقه بتنسينا الوجع والضل الوقف مازاد..... وانتى بتنسيك البكاء........... بس مش زى بكاء حنان سكلبببببببب ده بكاء مكلف شويه و الله ما عندنا قدرة ليهو...... انت ما عارف قصة الزول بتاع الحصاحيصا الكراعو مقطوعة عاش الجو الجميل وفجاْ قام من حتتو ماشى واندهش الجميع ولمن نبهوهو قام وقع.............

مساءكم زين يا اهلنا

ازيكم
كيفنكم
انا لي زمان

ما شفتكم

جينا ليك والشوق دفرنا
يا نشوق روحنا ودمرنا

يقول الإمام الشافعي رحمه الله:
دع الأيام تفعل ما تشـاء ... وطب نفسا إذا حكــم القضاء
ولا تجزع لحادثـة الليـالي ... فما لحــوادث الدنيا بــقاء
وكن رجلا على الأهوال جلدا ... وشيمتك السماحـة والوفاء
ولا حزن يدوم ولا سرور ... ولا بـــؤس عليك ولا رخـاء
إذا ما كنت ذا قلب قنـــوع ... فأنت ومالك الدنيـا سواء
ومن نزلت بساحته المنايــا ... فـــلا أرض تقيه ولا سماء
وأرض اللـه واسعة ولكن ... إذا نزل القضــا ضاق الفضاء
دع الأيام تغـدر كل حين ... فما يغني عن المـــوت الدوا

سلامات

وانتو
ساعة المغربية

وشك المكبوت مكدندك
سامسونايتك زمزميه

مساء الخيرات يا ناس

لانك يابا
كتابه
نقابه
حس دبابه
غنا اطفال
وديالكتيك

الجو عندنا رطوبه يا الطيب عندكم كيف .. خريف ودعاش

مساء الخير
ومشتاقين وكم يوم غايبين

مافى اتجاة لفرض عقوبات ياسركيس؟

أنا بوقع على الغياب وليس على الحضور وماتطولو الغيبة

مافي حد إفقدنا يا ناس (وينك إنت الطال غيابك)

والله ياصديق انا شخصيا افتقدك لكن انا ذاتى ما لاقى روحى .. بركه الجيت