البشير "مطلوب العدالة الدولية" حجبوهو من القمة الآفرواوروبية في ليبيا عشان ما قدرو يقبضوهو

البشير وصلتو دعوة من الرئيس الليبي عشان يحضر القمة الآفرواوروبية في ليبيا
شكر الرئيس الليبي على الدعوة وقال أهو سانحة نكيد بيها العوازل ناس ساركوزي المفتريين ديل
طوالي قام رسل "الدباب" كرتي وزير الخارجية عشان التحضير لزيارة السيد الفخيم البشير
وكمان ستف شِنطو إستعداداً للسفر معاهو كورجة من النواب والوزراء والمستشارين ووزراء الدولة
لكن ناس ساركوزي قالوا البشير لو حضر نحن ما بنجي ..وقاعة بتجمعنا معاهو مافي إلا في لاهاي
القذافي "إتحرج" قام رسل "مناشدة" للبشير في ظرف مختوم البشير قايلا إستعجال لقاها "ما تجي"
يعني في يد البشير والحمد لله من بعد ومن قبل من القذافي دعوة "تعال" وفي يد اخرى مناشدة "ماتجي"
بقت عليهو حكاية أغنية كمال ترباس "بقليبك تقول لي تعال وتعال وبي عيونك تقوليا مافي مجال"
المهم البشير ذاتو "إتحرج" وغلبو البسوي يلبي الدعوة ولا يستجيب للمناشدة "إنعل أبو الرئاسة ذاتو"
لو مشى بزيد حرج القذافي ولو ما مشى أوكامبو حا يشمت فيهو شماته شديدة بسبب الطلاقات ديك
إتصل بكورتي قال ليهو تعال أوعك تتأخر ما "تحرج" القذافي ساي مع ضيوفو بتاعين القمة

الغريب يا المحبوب موقف القذافي ... كنت أتوقع منه موقف غير دا ذي ما عمل حسني مبارك لما رفض ساركوزي ذهاب البشير الي شرم حول الاجتماع الي باريس عشان ما يحرج مع السودان .
بعدين يا معلم ما شي يقابل منو الما قادر يلم مرته من الصبيان ساركوزي كل يوم في مجلة فضايحها ماليه البلد وهو ذاتو القصير شن فايدته لاول مرة فرنسا تحصل فيها إضرابات بالطريقة الحصلت في الأيام الفاتت دي وأقتصاد منهار حتى في الكورة مستواهم اخير بقه منو السودان ...
عموماً يا بشيرنا لا يهمك واثقين منك ......................

أأأأأأأأأأأأأأأأأأأوه يابورائد انت وين ياخي الفاضل
كل عام وانت بخير وعيدك مبارك
وأيامك ساكوبيس

دي زوجة منو الصورا في الجرائد نعل ساركوزي والله إتلومت
لكن يا بورائد العتب عليهو هو لأنو ما قدر يشكما وخلاها ماشة على حل شعرها
غايتو لو أي رئيس غير ساركوزي كان إستقال بسبب هذه المرأة التعيسة الما الماحمدت الله
وهو طلقا ولا لسه في حبالوا ولو لحدي الآن في حبالوا يكون الرئيس دا ما عندو كرامة ولا جدير بالرئاسة

القذافي يا خوي جاينو محترفين في إدارة البلدان
ما لو ومال المامعترفين بضياع بلدانهم
أما حسني مبارك فدا ياخوي أخد المقابل أرض سودانية زي الدهب
على فكرة تركيا قبال دا برضو "إتحرجت"
ويوغندا "إتحرجت"
وكينيا "إتحرجت"
والبرازيل "إتحرجت" لمن رئيسها قام من الكرسي الجنب البشير في قطر مذكرا
إلا البشير أصلو ما "إدحرج"

المصدر

((اعلن وزير الخارجية السوداني علي كرتي الاحد في طرابلس ان بلاده لن تشارك في القمة الاوروبية الافريقية المقررة الاثنين والثلاثاء في العاصمة الليبية.وقال الوزير السوداني ان الرئيس السوداني عمر حسن أحمد البشير "لن يشارك في هذه القمة، ونحن ننسحب من الاجتماع والسودان لن يكون ممثلا على اي مستوى".
واضاف ان الرئيس السوداني قرر عدم المشاركة في القمة "لعدم احراج" السلطات الليبية" مشيرا الى "ضغوط اوروبية".
واوضح الوزير كرتي ايضا انه غادر اجتماعا مع نظرائه الافارقة الذين كانون يعدون موقفا افريقيا مشتركا من القمة، بعد ان تلقى "تعليمات من الخرطوم بمغادرة الاجتماع".
يذكر ان مذكرة توقيف دولية صدرت بحق الرئيس السوداني في اذار/مارس 2009 من قبل المحكمة الجنائية الدولية بعد اتهامه بالتورط في جرائم حرب وجرائم ضد الانسانية في دارفور.
واضافت المحكمة عام 2010 تهمة جديدة الى الرئيس السوداني هي ارتكاب اعمال ابادة)).
news.maktoob.com

(( قرّر السودان أمس، الانسحاب من القمة الأفريقية الأوروبية الثالثة التي تبدأ أعمالها اليوم بالعاصمة الليبية طرابلس، بعد أن نقل مسؤول ليبي رفيع لوزير رئاسة الجمهورية تحفظ الدول الأوروبية على مشاركة الرئيس عمر البشير في القمة، وردّ عليه الوزير بأنّ الدعوة وجّهت للرئيس وسيشارك في القمة، ونقل له مُشاركة السودان على مستوى الرئيس البشير طالما أن السودان يُشارك في إطار عضوية الإتحاد الأفريقي وأبلغه أن السودان غير معني بأي موقف يتخذه الجانب الأوروبي.

وقال بيان أصدرته رئاسة الجمهورية مساء أمس، إن طرابلس وعبر مسؤول رفيع أبلغت وزير رئاسة الجمهورية أمس أنها ترحب بالرئيس البشير عقب إنتهاء القمة. واعتبر البيان الموقف الأوروبي من مشاركة الرئيس في القمة إستهانةً بمشروعية الإتحاد الأفريقي وإستقلالية قراره، وأشار إلى أن ذلك يتسق مع العقلية الاستعمارية التي قال إنها لا تزال تنظر بها أوروبا لأفريقيا، وأضاف البيان أن ذلك الموقف ينطوي على نفاق سياسي، مشيراً إلى أن دول الإتحاد الأوروبي تطلب من الرئيس البشير تنفيذ إتفاقية السلام الشامل، في الوقت الذي تضع فيه العراقيل أمام مشروعيته التي أسّسها الشعب السوداني عبر الانتخابات.

وزاد البيان: إن النفاق السياسي يتمثل في أن الدول الأوروبية تبعث بسفرائها لتقديم إعتماداتهم من قِبل رؤسائهم للرئيس البشير، وتعمل في ذات الوقت على الإنتقاص من مشروعيته.

وقال البيان إنّ ذلك الموقف أقل ما يُمكن وصفه بأنّه عدوان على الإتحاد الأفريقي والسودان، وينسف فكرة الحوار والتعاون بين أفريقيا وأوروبا.وأكد السودان، إعتزازه بدوره ومكانته الرائدة في أفريقيا، وأشاد بالموقف الأفريقي الداعم والمتضامن معه، في وجه محاولات فرض الهيمنة على أفريقيا من خلال مؤسسات استعمارية مشبوهة، كالمحكمة الجنائية.

وأوضح البيان أن السودان إزاء هذا الموقف قرّر الإنسحاب من القمة الأفريقية الأوروبية وعدم المشاركة على أي مستوى، وقال إنه غير معني بنتائجها ويحتفظ لنفسه باتخاذ الإجراءات والمواقف المناسبة لحفظ حقوقه وسيادته.

وفي السياق أكّد علي كرتي وزير الخارجية من طرابلس للصحَفيين أن السودان انسحب من المشاركة في القمة، وأضاف أن الرئيس قرر عدم المشاركة في القمة «لعدم إحراج» السلطات الليبية، مشيراً إلى «ضغوط أوروبية». وأكد كرتي أيضاً أنه غادر اجتماعاً مع نظرائه الأفارقة الذين كانوا يعدون موقفاً أفريقيا مشتركاً من القمة، بعد أن تلقى «تعليمات من الخرطوم بمغادرة الاجتماع)).

قرار صائب بلا اتحاد اوربى بلا لمة هذا استعمار جديد يرجاء التوحدمن اجل الوطن

يا المحبوب .........
والله العظيم لا أوربا ولا الامريكان عاوزين لاي مسلم أي خير
وعدم مشاركة البشير صدقني لخير يعلمه الله سبحانه وتعالي
وبكرة أفكرك ....

جعفر محمد علي الشايقي
ياخي سعيدين جدا بتواجــدك
البشير ليس في موضع البقــــــــرر
دا كان زمان والقرارات بقت في يد ناس تانيين
والاتحاد الاوربي ضغط على ليبيا وحلقوا للزول بالموس الميتة
وبيني وبينك حقو البشير يكون متواجد عشان الحلاقة الجاية يوم 9/01/2011 المقدم الله

بورائد الخير فيما يختاره الله
ونحن منتظرنك من شهر ابريل الفات مذكر ولا نفكرك
ايام الشجرة القسمت ظهر البلاد غايتو ما عارف حا تتصرفوا كيف مع هكذا وضع

حرج دبلوماسي

............ ويرى المحلل السياسي محمد موسى حريكة أنه كان بإمكان الدبلوماسية السودانية تجنب الموقف المحرج الذي وقعت فيه في اللحظات الأخيرة، منبها إلى أن الموقف الليبي عكس الموقف الأوروبي من الرئيس البشير، "وكان على الدبلوماسية السودانية أن تكون حاضرة قبل فوات الأوان لأنها تمتلك كثيرا من الحالات المشابهة".

وبدوره اعتبر الخبير السياسي والدبلوماسي السابق الأمين عبد اللطيف أن ما حدث كان نتيجة لعدم القراءة الدبلوماسية الصحيحة للمواقف الدولية والعالمية، مؤكداً وجود اتفاق بين القذافي والأوروبيين –حسب قوله- وأن الخطوة الليبية "كانت متوقعه لمن يقرأ الأحداث بعناية، وهذا ما افتقدته الدبلوماسية السودانية في التعامل مع هذا الموقف بالذات".

ومن جهته رأى المحلل السياسي محيي الدين تيتاوي أن توجهات طرابلس "دائما ما تتسم بالضبابية في مثل هذه المواقف"، معبراً عن اعتقاده أن ليبيا خضعت لمطالب الأوروبيين على حساب السودان، وأن قبول ليبيا لتحفظات الاتحاد الأوروبي بخصوص البشير يمثل "استخفافا" بالسودان، على حد قوله.

الأمن والسلم

على صعيد آخر، أعلن مفوض مجلس السلم والأمن في الاتحاد الأفريقي رمضان العمامرة أمس الاثنين أن اجتماع المجلس المقرر عقده اليوم الثلاثاء في طرابلس، في ختام القمة سيعقد في الموعد المحدد، وذلك رداً على طلب تأجيل تقدم به السودان.

وكان الناطق باسم الدبلوماسية السودانية معاوية عثمان خالد قال -في بيان نقلته وكالة الأنباء السودانية أمس الاثنين- إن السودان طلب رسميا تأجيل اجتماع مجلس السلم والأمن الأفريقي إلى وقت يحدد لاحقاً.......)). واصل علي /سودانيزاونلاين