الجدية الساكنة حينا ..انا من نار غرامك حي أنا "فيديوهات وصورللكوامر فقط"

اليوم الخميس الثاني من ديسمبر عيد إتحاد دولة الامارات العربية المتحدة الفتية
وعند العاشرة صباحا دورت القنوات الفضائية وجيت أخيراً على قناة النيل الأزرق ولقيت برنامج معاد تقريباً
وعلى ما بدأ لي حلقة مخصصة لتوثيق أغاني الفنان الراحل أحمد الطيب
فزارت الكاميرا منزل الفنان في طابت وجالت العدسة بأحياء وحقول المدينة ومنزل الفنان
وظهرت من بين المناظر الآخاذه قباب بديعة أدت المنظر بعداً صوفياً مهيباً
وتناوب إثنان من أبناء الفنان في تقديم صور غاية في التصوير والابداع لحقبة الفنان أحمد الطيب
عكست لحد كبير كمية الروعة التي زخرت بها تلك الحقبة وتلك المدينة المزيج العطر

ساحر المقل
من نار هواك انا
انا نومي قل
سمح الخصال

بهي الطلعة السطع بدرو
عيون وعيون ما بنقدرو
والله يا عشاق عاد انسترو

كل عين بضوق دايرة البصة
بعد ما تبص تاخد حصة
حلف بالغالي وابى الرقصة
شالوها الناس وبقت قصة

شور دور واخد اللفة
ياناس
شور دور واخد اللفة
بس ما طول مننا قفا
العريس ختمو دن الحلفة
رجع بدع من غير كلفة

جبر بالخاطر واتبسم
وعام بصديرو واتقسم
يسكرنا سكر عطرو النسم
من عين الناس ما اظن يسلم

بدر التم تم صفاهو
كل بدرا ضوا طفاهو
هنية الشافو ووفاهو
جبر بالخاطر ما كفاهو (( ما قلتو نوبة))

الجدية الساكنة حينا
انا من نار غرامك حي انا
والله هوي هوي من شقاي حي انا

ماشة زي سحب المطر
وعائمة تحكي وز البحر
والله هوي هوي من شقاي حي انا
في الكتف نزل الشعر
بان الجمال اللي سحر

انت القمير الما خسا
وانت التبر والناس صدف
والله هوي هوي من شقاي حي انا
عالي صدرك فوقو شف
ما خاتي قلبي ان كان رجف

قوامك الغصن الندي
ولونك صافي وعسجدي
والله هوي هوي من شقاي حي انا
كل يوم تجددي
وعن قلبي تب تب ما بتبعدي
والله هوي هوي من شقاي حي انا
الجدية الساكنة حينا
انا من نار غرامك حي انا
والله هوي هوي من شقاي حي انا

الجدية الساكنة حينا ..انا من نار غرامك حي أنا "فيديوهات وصورللكوامر فقط" Maingroupwp1

طابت الشيخ عبد المحمود مدينةٌ حالمة ، ترقدُ في أحضانِ الجزيرةِ الخضراء ، في قلبِ السودان ، تتزيّا زيّاً صوفياً ، تتنفسُ شعراً ، وتنبضُ غناءً ،،،أهلها جميعهم فنانون ، ما بين كاتبٍ وشاعرٍ ومطرب ، وما بين قارئٍ ذكيٍ ومستمعٍ دارٍ ومشاهدٍ لمّاح،،،وهذا الموقع يهدفُ إلى التعريف بعلوم وثقافة أهل طابت ، وربطهم ببعضهم وبالعالم من حولهم ، مرحباً بكم

من موقع ناس TABAT

أنا أطيب من الألم وأرتاح
وليلي الحالك إبقى صباح
وبدر الحسن لو لي لاح

بوم جيت مار بعند اهلو
وشفت الحور تقول نزلو
جمالو عارفو من جهلو
جمالو الحارسوا من جهلو
زمن امو بتلوليهو
بيرخي بنانو للضباح

جميل ولطيف وطبعو ظريف
اقل خصالو يبقى عفيف
جمالو الفطري دون تكليف
زمن امو بتلوليهو
بيرخي بنانو للضباح

أنا أطيب من الألم وأرتاح
وليلي الحالك إبقى صباح
وبدر الحسن لو لي لاح

ماشة زي سحب المطر
وعائمة تحكي وز البحر
والله هــــــــــــــــوي
هوي من شقاي حي انا
في الكتف نزل الشعر
بان الجمال اللي سحر

الجدية الساكنة حينا ..انا من نار غرامك حي أنا "فيديوهات وصورللكوامر فقط" 71603442308688980702298

الجدية الساكنة حينا ..انا من نار غرامك حي أنا "فيديوهات وصورللكوامر فقط" 71603442308688980702298

الرسم للفنان السوداني موسى قسم السيد كزام "جحا"
من موقع سودان فور اول

انت القمير الما خسا
وانت التبر والناس صدف
والله هوي هوي من شقاي حي انا
عالي صدرك فوقو شف
ما خاتي قلبي ان كان رجف

والله هـــــــــــــــــــــــــوي
هوي
من شقاي أحي أنا

المحبوب عوافي

عماد وعصام وعادل اشبال غناء لاسد المغنيين الصيدح احمد الطيب ( احد اصدقائي قال لي ذات مره ان صوت الجرس يشبه صوت الفنان احمد الطيب , لاحظ ليس العكس)

الليله غايتو فتشتنا عديل والدنيا ليل واول شهر وعيد اتحاد وعيد ميلاد

بركة كل سنة والباشق وأنتم بخير
اليوم والحمد لله يوم فوق العادة ولا كل الايام
العيد الوطني لدولة الامارات والاحتفالات في أجواء غاية في الروعة
وفي طريقنا الآن لكورنيش العاصمة أبوظبي التي زادت جمالا وألقاً والمسارح على طول الكورنيش
وأبرز الفعاليات في حضور المغنيين نجوى كرم وحسين الجسمي على الهواء مباشرة والآلاف محتشدون الآن
وفي الفضائيات إحتفالات الإخوة القطريين الأشاوس بثقة الفيفا والفوز بتنظيم كاس العالم لكرة القدم 2022 إن شاء الله

وانت بالف خير ياحبيب
بس عندي وصية وانت بتحضر تلك الفعاليات
ممكن
عليك الله سلم لي علي الجدية الساكنة حينا اقصد نجوي كرم

إن قدرا نجوى كرم تسكن حينا
إلا نشلخا جنس الشلوخ الشايفا فوق ديك حتى تسكن حِدانا
وتلبس التوب وتسرح المساير وتخت ليها شف في رقبتا وفدايات فوق أضنيها بعداك نشوف رايك شنو