شكراً حسن وراق

حقيقة من الاشياء الجميلة التي توجد بالحصاحيصا خبر إذاعة كل من يتوفاه الله عبر مايكروفونات المساجد مما يجعل جميع سكان الحصاحيصا على علم بالوفاة ومن الممكن اللحاق بتشييع بالجنازة واداء حق المسلم على اخيه المسلم .
ومن الاشياء الجميلة التي وجدتها هنا بالمنتدى حرص الاخ حسن وراق والبقية بمدنا بخبر كل من يتوفى من اهل الحصاحيصا أول بأول ونحن هنا في اشد الشوق لمعرفة اخبار اهلنا وجيراننا واصحابنا ولئن حرمتنا الظروف من تشييع من توفى الى رحمة مولاه ولكننا نترحم عليه بالدعوات الطيبة واحسب اخي حسن وراق ان ثواب ذلك يصب في ميزان حسناتك بإذنه تعالى فلك منا كل الشكر...

معك في ان الاخ حسن وراق الدينمو المحرك لهذا المنتدي
وانشاء الله ياورقه بوم شكرك ما اجي
تخريمه ما عرفتك يا عاطف خاصة اولاد السكه حديد فرد اولاد الحله التحت

الاخ مهدي بكش شكرا على المرور انا قبل كده لاقيتك بمكة المكرمة وسلمت عليك واذكر انو الوالدة كانت معاك وبالمناسبة ابوك عم مصطفى بيعرفني معرفة قوية وقاعد نقعد نتونس جنب بيت ناس الكردس عاصم النقر وعلى العموم انا ساكن جنب ناس محي الدين عبدالرضي وابراهومة وعمك قمر ابو ناس بدرالدين ووناس بكري عمر ابوي مفتش الدريسة في البيت اللي بيبيعوافيهو الحطب وفاتح قدام قهوة المرحوم عفيف بيتنا فيهو نخلتين في الزقاق المنو بتخش السوق لما تكون طالع من الحلة التحت
اها رايك شنو؟ وكمان علاقتي قوية باخوك سيف وحتى الصادق بيعرفني كويس لكن انت الظاهر الغربة عجزت بيك..
تخريمة : بالمناسبة اخوك هلالابي على الساطور...