إحذر 00 أمامك إمراة { بـتـتـوحم }

لم أكن أعاني كأصدقائي من موضوع الوحم
فزوجتي في مولودها الأول لم تكن تتوحم إلا على { الثلج }
ولكن بعد حضورنا السعودية انقلبت 180 درجة
فأصبحت عند المولود الثاني تتوحم على { الهامبرقر }!!!
المولود الثالث مر بسلام { سكوت جماعي } لاهامبرقر ولادجاج مسلوووووق
وكذلك الرابع أبى إلا أن يشاطر الثالث الأحزان !!!
الآن ننتظر بإذن الله مولوداً آخر
لكن أصبح للوحم شيئاً مختلف
عليك الله جيب لي معاك { أم فتفت } !!!!
كل أسرتنا لاتأكل اللحوم النيئة
ولم تدخل بيتي نهائياً
وهي تكرهها لدرجة غير عادية
استغربت طلبها وقلت لها من اين لنا بام فتفت العزيزة ؟
وكيف نجدها هنا بالسعودية ؟؟
وأين رأيتيها وأنتي تكرهينها مثل ملاح القرع
فقالت لي شاهدتها قبل حضوري وهي معلقة بالجزارات بالرميلة
أسعفونا بام فتفت ياجماعة 00 ماتقولوا لينا اضبحوا خروف !!!
ثلج ثم هامبرقر وأخيراً أم فتفت !!! سبحانك يارب !!!

نسيت أقول ليكم
إحذروا أن تأخذوا معكم إمراة بتتوحم الى السوق
فلو ذهبتم لتشتروا بصلاً
أعرف انك ستأتي بمانجو
كل السلع حينها تكون ملفتة للنظر
وفي النهاية ستأكلها انت { ابوالقدح } غصباً عنك
هي تشتهي
وانت تأكل 00 سبحانك يارب !!

الله يعينك يا ابوحراز ولك التحية
تعال جدة ام فتفت موجودة بكثرة

على سركيس كتب:: الله يعينك يا ابوحراز ولك التحية
تعال جدة ام فتفت موجودة بكثرة

شكراً علي سركيس
أنت طالع من مخاض قريب
لهذا تتذكر { أم فتفت } جيداً

قالوا لازم يكون معاها ليمون تفيل جداً
وشطة لازم تكون خضرااااااااااااااااااااااااااااااااء
ودكوة سودانية على طريقة واحد أخونا حضر جديد من السودان
فأرسلناه البقالة لهذا الموضوع
فقال للهندي : عاوزين لينا فووووووووووول حاجات !!!
وأتى وقال أنه لم يجد فول الحاجات بالبقالة

لكن خايفين نشتري كل هذه الأشياء
وفي النهاية تذهب غير مأسوفاً عليها الى برميل البلدية

أبوحراز كتب:

على سركيس كتب:: الله يعينك يا ابوحراز ولك التحية
تعال جدة ام فتفت موجودة بكثرة

شكراً علي سركيس
أنت طالع من مخاض قريب
لهذا تتذكر { أم فتفت } جيداً

قالوا لازم يكون معاها ليمون تفيل جداً
وشطة لازم تكون خضرااااااااااااااااااااااااااااااااء
ودكوة سودانية على طريقة واحد أخونا حضر جديد من السودان
فأرسلناه البقالة لهذا الموضوع
فقال للهندي : عاوزين لينا فووووووووووول حاجات !!!
وأتى وقال أنه لم يجد فول الحاجات بالبقالة

لكن خايفين نشتري كل هذه الأشياء
وفي النهاية تذهب غير مأسوفاً عليها الى برميل البلدية

ليييه ... ليييييه البلدية .... شان شنو ؟
انت بس جيبوها وادونا خبر ...
ابوحراز الله يعينك .. وبالسلامة سلامة ان شاء الله للمدام...

شكراً أخي راشد
لدي صديق عزيز بالرياض تتوحم زوجته على { اللالوب }
فيركب مئات الكميلو مترات في منتصف الليل أحياناً وياتي بثلاث حبات
فتتذوق الأولى
ثم ترمي له بالباقي
قال لي في مرة من المرات تصادفت إجازتنا مع أيام الوحم الأولى
وهي فترة عصيبة جداً
قال لي كانت تذهب معي للأسواق الشعبية
فنرى النبق واللالوب مفروشاً ومكوماً بطريقة عجيبة جداً
وشكله أحمر ورائع وجميل
لكنها لاتتوحم نهائياً على اللالوب !!!

وصديق آخر بالرياض أكثر عبوساً وكابوساً من هذا الأخير
فزوجته تتوحم على { الصلعة }
أأأأأأأأأأأي والله
حتى أنها تبدأ تستفرغ ويصيبها الطمام كلما رات أحدهم بشعر كثيف
ويستحلفها بالله حينما يشاهد مأساتها وأنينها
ويقول لها ساذهب الآن للحلاق عشان أحلق صلعة وترتاحين
فتقول له أريدها طازجة غير مصطنعة
تحب تلك الصلعة الملساء الطبيعية والتي بلا رتوش
فيقول لي حينها لامفر الا بان نحزم حقائبنا وحفاظات الماء والفرشة ونذهب للحدائق
عل الله يكرمنا بصلعة سودانية 100%
وحينما تراه تشعر بالراحة والسعادة والإطمئنان
فيعودون للمنزل
على أمل اللقاء مرة أخرى بصلعة جديدة
سبحانك يارب !!!

.. ابوحراز صاحبك بتاع اللالوب دا قليهو تعال لينا جاااااى ... انحنا ناس كردفان الغرة ....
اما حكاية الصلعة دى ... والله حكاية لو حصلت معانا ونحنا يادوب بنجمع ماتبقى من شعيرات .... اهلها طوااااااااااااااااالى ... وماعلينا ندفع حق الاضافة دبل ....
تعرف فى واحد فى الرياض ببيع شنو ؟ تخيل ..... طيبن البحر !!!!!!! الكيس بخمسة ريالات ... فيهو فرد حجرين !!!!!!!!!!!!!!

أخي راشد
معقول برضو هنا بيتوحمن على طين البحر ؟؟
والله صاحبك عجيب عرف من اين تؤكل الكتف
اللالوب وعرفناهو كمان الحكاية جابت ليها طين بحر 00 سبحان الله

قبل فترة واحدة اتوحمت على { بطيخة }
واشترطت عليه أن تكون حمراء جداً
المهم زولك ركب العربية وبدا يبحث عن البطيخ في غير مواسم البطيخ
وبعد صعوبة وجد واحدة
وأحضرها للمدام
عليك أمان الله { قرمت } ليها حتة صغيرة جدا
وجدعت الباقي في الزبالة

واحد قال يوم تتوحم المدام نهائي ماقاعد يمشي بيها بي محلات { الذهب }
لأنها بتتوحم على السلاسل !!!

الحمد لله الكنت ما معرس ،،
تقوم مرتي تشوف صورة مبارك أخوي العجيبة في المنتدي وتتوحم عليهوا ،،
يا النبي نوح من دي حالة ،،
تصدّق أنا هسة متوحّم علي ( مره ) ،،
أشتريها من وين يا ربي يا مولاي ،،

كل التحايا ،،
أمين ركابي ،،
وقـ المغارب ـت

أمين
اذا كنت تتوحم على إمراة فانصحك بالأحفاد
هناك ستجد ضالتك
ولكن خلي جيبك كبير

عندنا واحد طويل جداً
واحد قال ليهو أكيد امك اتوحمت ليها على ناقة

عندي صاحبي قبل كم سنة مرته اتوحمت على تين
كاس السوق كله ما لقاهو
أضطر بطل شغله وسافر الخرطوم عشان يجيب ليه تين بس

أما بالنسبة لي أنا فزوجتي من ناس الثلج والجبنة يعني ما متعبة نهائياً
بس المشكلة الكبيرة إني بكون ممنوع من استعمال الكلونيا بعد حلاقة الذقن
وحتى لو استخدمتها بعيد منها وما كلمتها وغسلت وشي بي صابون .. برضو بتعرفها
يعني وشي بيكون كله حبوب من الحلاقة

شكراً الباشا
مشكلتك كلونيا 00 ويبدو لي أن حاسة الشم عند المراة أقوى بثلاث مرات من الرجل

واحد صاحبنا حينما تتوحم زوجته تكره حتى ملابسه
وقال أنه حينما ياتي من الشغل يتم التعامل بينها وبينها بواسطة { قناية }
هذه القناية يقوم بشرائها منذ أيام الوحم الأولى
حيث يضع عليها ملابسه ويقوم بمناولتها لزوجته
فتأخذ القناية وتلتقط غياره البيتي قطعة قطعة

الشيء الذي أحتار له انا أن العاطفة والحب يكون بيننا أقوى في هذه الفترة
وقلت لها لأول مرة أرى زوجة تتوحم على زوجها !!!

ايقظته في منتصف الليل
وكان البرد القارس ينهش في العظام
قالت ليهو : عاوزة لي فول حااااااااااااااااااااااااااااااااااار
ياولية فول الساعة { 3 } صباحاً
قالت ليهو بيكون نجيض عند بتاع البقالة
لفح شاله وتدثر ببطانيته
وذهب على استحياء وطرق باب البقالة
فأتاه العامل مذعوراً وهو يرتجف من البرد
المهم صاحبنا اعتذر وقال ليهو والله عاوزين لينا فول
المهم الراجل شال { الجك } وملاهو فول
وصاحبنا رجع مبسوط
قامت قالت ليهو { لكن انا عاوزاه في صحن ألمونيوم }
عشان بشوف الناس كل يوم بياكلوا عند بتاع البقالة بصحون المونيوم
رجع عمك تاني وقال للراجل عاوزين الفول في صحن المونيوم
شال الفول من الجك وتووووووووووووش في صحن الألمونيوم
ورجع مبسوط للمدام
اها مما شافت الصحن النيران قامت فيها
وقالت ليهو
لكت الصحن ليه ما مطفق !!!!؟؟

عزيزي ابوحراز : لك التحية واجر المحاولة والمناولة، ولام حراز ام فتفت حتي ترضي، ولحراز عمر مديد ومستقبل رحيب.عزيزي اود ان الفت انتباه الجميع اننا معشر السودانيين (ان جاز لي استخدام الصيغة علما باننا منذ الاستقلال لم نتفق والدليل عدم وجود دستور دائم متفق عليه) نحبذ من سائر الاسماء الخمسة استخدام اسم ام للأكلات فانظر معي ام فتفت ،ام رقيقة،ام تكشو فهل لهذا التانيث دلالة في علم الاجتماع البدوي،لماذا البدوي لانو حسب افادة دكتور عبدالله علي ابراهيم نحنا ناس بدو وحكاية الباسنا ثوب الحضر دي زي محاولة التصنيع الكبيرفي سياسة النيب لحرق المراحل في طريق التطور الاشتراكي،يعني ما لافقة.

اباحراز...... كلماتك تجعلنا نفغر فاهنا كصاحبات زوجة العزيز عندما دعتهن لرؤية يوسف عليه السلام (بس من دون سكاكين نقطع بها ايدينا من خلاف).
ابا حراز......كلماتك خافضة للكوليسترول وللدهون الثلاثية التي اشك انها ماعادت ثلاثية مع سياسة التحرير.
ايا هذا هل قيل لك من قبل ان فيك من علي المك كلا من ابداع،وجزءا من عبقر.
ايا هذا هل جاءتك ليلة القدر فطلبت فيها قلما وقلبا مغسولين بسليل الفراديس، فأعطتك ما تريد وزادت من عندها رصاصة مبصرة تبصر جفاف قلوبنا وتملؤها من ملائكية حروفك لبنا وعسلا ووعدا وتمني. ودمت

أبوحراز كتب:: وصديق آخر بالرياض أكثر عبوساً وكابوساً من هذا الأخير
فزوجته تتوحم على { الصلعة }
أأأأأأأأأأأي والله
حتى أنها تبدأ تستفرغ ويصيبها الطمام كلما رات أحدهم بشعر كثيف
ويستحلفها بالله حينما يشاهد مأساتها وأنينها
ويقول لها ساذهب الآن للحلاق عشان أحلق صلعة وترتاحين
فتقول له أريدها طازجة غير مصطنعة
تحب تلك الصلعة الملساء الطبيعية والتي بلا رتوش
فيقول لي حينها لامفر الا بان نحزم حقائبنا وحفاظات الماء والفرشة ونذهب للحدائق
عل الله يكرمنا بصلعة سودانية 100%
وحينما تراه تشعر بالراحة والسعادة والإطمئنان
فيعودون للمنزل
على أمل اللقاء مرة أخرى بصلعة جديدة
سبحانك يارب !!!

..........
العزيز ابو حراز
يعنى بى صورتنا دى مانجى مارين بى قرب زوجة صديقك
لك الموده

ابوحراز يارائع ..
عليك الله ادى المراه صورتين باختيارك من صور الناس ديل .. وورينا ح تتوحم على شنو!!

اجمل الاطفال قادمون
وللامهات..ان يتوحمن بمن يردن او كما يردن
وليهببنا هذه البراعم الصغيرة..زينتنا فى الحياة الدنيا.
وسواعد البناء فى المستقبل المشرق
متع الله زوجتك بالصحة...ورزقكم الله بطفل جميل
يزيدالبهجة والسرور..وينضم للعصافير الصغيرة.
تهانينا مقدما.
ابوحراز
تدهشنا دوما بحروفك الانيقة.
مودتى والسلام

صداح فاروق وراق كتب:: عزيزي ابوحراز : لك التحية واجر المحاولة والمناولة، ولام حراز ام فتفت حتي ترضي، ولحراز عمر مديد ومستقبل رحيب.عزيزي اود ان الفت انتباه الجميع اننا معشر السودانيين (ان جاز لي استخدام الصيغة علما باننا منذ الاستقلال لم نتفق والدليل عدم وجود دستور دائم متفق عليه) نحبذ من سائر الاسماء الخمسة استخدام اسم ام للأكلات فانظر معي ام فتفت ،ام رقيقة،ام تكشو فهل لهذا التانيث دلالة في علم الاجتماع البدوي،لماذا البدوي لانو حسب افادة دكتور عبدالله علي ابراهيم نحنا ناس بدو وحكاية الباسنا ثوب الحضر دي زي محاولة التصنيع الكبيرفي سياسة النيب لحرق المراحل في طريق التطور الاشتراكي،يعني ما لافقة.

أخي صداح
ولاتنس 00 { ام شعيفة } وهي مشتقة من ام رقيقة ولكنها بدون بصل وبدون لحمة
وأذكر أننا سافرنا لإحدى القرى لعمل بحث في موضوع ما
وأكرمنا أحدهم بوجبة غداء عجيبة جدا
حيث لاحت في الأفق { أم شعيفة }
وحتى الويكة كانت حاتلة في الصحن
لدرجة أننا رأينا سقف البيت وقد إنعكس على صحن أم شعيفة
وحينما رأى صاحب الدعوة سقفه كله في الصحن زاد الطين بلة
فقام ببل أصبعه في خشمه
ومن ثم غطسه في الصحن وقام بتحريك الويكة في حركة دائرية عجيبة
فاختلط الحابل بالنابل
وقال لنا توكلوا على الله 00 وأكلنا
لاطعم ولالون 00 اما الرائحة فلا تعليق
ياخي والله نحن حافظنا { التوكل على الله }
تاكل وتقوم نجييييييييييييييييييييييض

المهم كان لابد ان نبيت في الديوان مع الرجل فقد اتيناه عصراً
وفي المساء كانت الباعوضة تصم الآذان
فقررنا ثلاثتنا أن نترك الديوان ونشق { الحلة } عل الله يكرمنا بديوان قليل الباعوضة
والأهم من كل ذلك أن لانرى سقفه في الصحن
شقينا وكل مانلقى جماعة نسلم عليهم ولاحياة لمن تنادي
أخيراً أحدهم سلم علينا بحرارة
وقلنا له نريد ديوان نبيت فيه
فأخذنا الراجل مشكوراً
وأتى بنا للديوان
لنجده نفس الديوان الأول الذي تغدينا فيه
واتضح ان { الحلة } بها ديوان واحد
سكتنا ساي وقلنا ان شاء الله صاحب الديوان مايعرف الحقيقة
وبكرة { ركبونا } ليك شاي لبن
علي بالطلاق { ريحة } الغنماية تشمها في الكباية
غايتو أنا من { ديك وعيك } خمس سنوات مادخلت كباية لبن في خشمي

صداح فاروق وراق كتب:: اباحراز...... كلماتك تجعلنا نفغر فاهنا كصاحبات زوجة العزيز عندما دعتهن لرؤية يوسف عليه السلام (بس من دون سكاكين نقطع بها ايدينا من خلاف).
ابا حراز......كلماتك خافضة للكوليسترول وللدهون الثلاثية التي اشك انها ماعادت ثلاثية مع سياسة التحرير.
ايا هذا هل قيل لك من قبل ان فيك من علي المك كلا من ابداع،وجزءا من عبقر.
ايا هذا هل جاءتك ليلة القدر فطلبت فيها قلما وقلبا مغسولين بسليل الفراديس، فأعطتك ما تريد وزادت من عندها رصاصة مبصرة تبصر جفاف قلوبنا وتملؤها من ملائكية حروفك لبنا وعسلا ووعدا وتمني. ودمت

شكراً أخي صداح
فقد أخجلت تواضعي بكلماتك الكبيرة والتي أنا أمامها قزم صغير جداً
ومازلنا ننهل من علي المك وياليتنا لو نسير وراءه ونتلمس خطواته المترعة بالجمال

تعرف لو جاتني ليلة القدر فلن اطلب منها قلماً
فالقلم ما بيأكل عيش كما يقولون
ولكن سأطلب عمارة في المنشية أو الرياض
وسيارة كامري 2009
ومحل تجاري على شارع المطار
وبعد ذلك سأضع كرسي أمام البيت في المنشية
وأعاين في المارة
يا أخ صداح والله القلم لم يزيدنا اي شيء غير الفلس والتعاسة

أخذت زوجتي دون أن تعرف لمعاينة قطعة أرض نريد شراءها
المهم كنا نسأل منها وكان كل من نقابله يفتح مثل الماسورة ويبدأ يحكي
قالت لي الناس ديل ليه الكلام بتاعم كتير كده ؟؟؟
ضحكت ولم أعلق
لأنني لو أخبرتها بالحقيقة فلن تسكن هنا
عارف المخطط بتاع منو ياصداح
هو مخطط الصحفيين والاعلاميين بالوادي الأخضر !!!

قال كلام كتير قال

مبارك عثمان كتب:

أبوحراز كتب:: وصديق آخر بالرياض أكثر عبوساً وكابوساً من هذا الأخير
فزوجته تتوحم على { الصلعة }
أأأأأأأأأأأي والله
حتى أنها تبدأ تستفرغ ويصيبها الطمام كلما رات أحدهم بشعر كثيف
ويستحلفها بالله حينما يشاهد مأساتها وأنينها
ويقول لها ساذهب الآن للحلاق عشان أحلق صلعة وترتاحين
فتقول له أريدها طازجة غير مصطنعة
تحب تلك الصلعة الملساء الطبيعية والتي بلا رتوش
فيقول لي حينها لامفر الا بان نحزم حقائبنا وحفاظات الماء والفرشة ونذهب للحدائق
عل الله يكرمنا بصلعة سودانية 100%
وحينما تراه تشعر بالراحة والسعادة والإطمئنان
فيعودون للمنزل
على أمل اللقاء مرة أخرى بصلعة جديدة
سبحانك يارب !!!

..........
العزيز ابو حراز
يعنى بى صورتنا دى مانجى مارين بى قرب زوجة صديقك
لك الموده

أخي مبارك عثمان
إنتو ناس الطراااااااااااااااااااااااااااااااااااااش !!

واحد زهجان من مرتو عشان خشمها كبير
دائماً يقول لينا
والله الزولة دي ما مريحاني الا في طراش الملاريا
خشمها كبير عوووووووووووووووووووووووووووووع مرة واحدة والطراش ينتهي
مازي نسوانكم طراشهم بالتقسيمة

بكرى عثمان حمد كتب:: ابوحراز يارائع ..
عليك الله ادى المراه صورتين باختيارك من صور الناس ديل .. وورينا ح تتوحم على شنو!!

تعرف يابكري عندنا واحد شين جداً { ابن عمنا}
اساساً الراجل ربنا قضى في أيامه
وأثناء الشهادة قام { فرفر } مرة تانية
وبدأ يحرك في الكرعين والعينين والراس
والأدهى شرب الموية بتاعت تكسير العيون
يوم واحدة في { الفريق } اتوحمت عليه
والله جابت ليها شافع شين لدرجة قف
ومن يومها الناس بتكره ودعمنا
يوم قال عاوز يعرس
والله احترنا مين الحاترضى بهذا المخلوق
وكل واحدة نمشي ليها مابتقول عاوزة أكمل قرايتي
طوالي تقول ليك { سجمي }
المهم وضعنا خطة جهنمية وقلنا الراجل دا لازم نعرس ليهو في قرية تانية
لأنو في قريتنا موضوعه مكشوف
مشينا قرية قريبة ووصفوا لينا واحدة
المهم قابلنا أهلها وعمها وقالوا موافقين لكن لازم نشوف العريس
قلنا ليهم الا دي 00 اي شرط تاني نحن موافقين عليه
والله العروس تقطع الموية شدة ماشينة
المهم يازول تم العرس ومشينا السيرة
وجاء عم العروس قال عاوز يشوف العريس
اها شفنا ليك زولك ينطق بالشهادتين
وقال : والله نحن مفتكرين نفسنا غشيناكم
لكن والله عريسكم غلبنا 10 صفر

عبد المنعم سيد احمد كتب:: اجمل الاطفال قادمون
وللامهات..ان يتوحمن بمن يردن او كما يردن
وليهببنا هذه البراعم الصغيرة..زينتنا فى الحياة الدنيا.
وسواعد البناء فى المستقبل المشرق
متع الله زوجتك بالصحة...ورزقكم الله بطفل جميل
يزيدالبهجة والسرور..وينضم للعصافير الصغيرة.
تهانينا مقدما.
ابوحراز
تدهشنا دوما بحروفك الانيقة.
مودتى والسلام

أخي عبد المنعم
شكراً للكلام الجميل والرائع جداً
فحينما تتفتح براءة طفل على البيت
تتفتح كل الزهرات في العالم
ويمتليء البيت عطراً وأملاً ووعداً
جميلون هم يا اخي في كل شيء
في تمردهم
وفي مشاغبتهم
وفي ضحكاتهم البريئة
قررت مع زوجتي منذ فترة طويلة أن نوقف الإنجاب حتى تنخفض الأسعار
فقد ارتفع كل شيء في السودان
وحينما أدركنا أنه لا أمل في الأفق جطنا الحكابة بطريقة عجيبة جداً
ولدنا { مآرب } أخرى
هي الآن تدرس بالرابع
ومن بعدها أتت { نووووووووووووووووووون }
وهي مازالت تتلمس خطواتها نحو معرفة الحديث
تأتي بلكنة غريبة جداً رغم بلوغها الثالثة
وكنت دائماً أقول لأمها أنها ربما تم ولادتها قبل أن { تنجض }
الآن لاندري من سيطرق بيتنا
ولكن في كل الأحول ستضيء شمعة متوهجة بالمنزل
علها تجلب الينا الرزق
وتخفف عنا وعثاء السفر وغلاء الأسعار
تبقى لنا اكثر من ستة أشهر على بزوغ الفجر وهز النخلة
جهزوا الهدايا منذ الآن 00 ولاعذر لمن أنذر

» إحذر الشماتة
» إحذر (جالاكسي إس 4)..
» 8 مارس ..إمراة من زنجبار ، الفنانة بى كيدودة -فيديو-
» ليلى بت أحمد !! ذكريات مع إمراة فارعة الوصال