تاريخنا ده كلو يقولوا فيهو ماعارف البطانه افسدت الحاكم او الرئيس ،طيب ياخوانا ما احسن اول نفكر في البطانه دي عشان بقت مربط الفرس،وبعد توفير البطانة الصالحة دي دحين الحاكم ده ماهين،ويسهل قيادته لتحقيق مصالح الشعب،طيب تعالوا نشوف مواصفات البطانة دي:
1- ان تكون سمينة وامينة،لانو لو اصبحت سمينة من غير امينة حيكون عندها رغبة اكبر للهبر في ظل انعدام مفهوم الكفاية الحدية (ده مفهوم جانا مع آدم سميث واخوانه)، ولو كانت امينة بس بدون سمينة ديل حا يعملوا للبلد كلها نظام دايت وكده.
2- ان يجري للبطانة اختبارا في اللغة العربية يلغي من ذاكرتهم المعرفية ادوات النصب.(بالنسبة لادوات الجر تستخدم حسب الميثاق العالمي لحقوق الانسان).
3-ان تكون البطانة الفائزة عوراء الاعين حتي تمكن الشعب من ان يقول لاي منهم يا اعور دون المساس بالحقوق الفطرية او المكتسبة.
موضوع: وظيفة شاغرة في تاريخنا المعاصر...بطانه صالحة لحاكم 
الأحد 7 يونيو 2009 - 21:58
