سلام للجميع .. وخاص لأهل الرياضة

سلام للجميع ...
وسلام خاص لأهل المنتدي الرياضي .

بعد فترة غياب طويلة نعود للعك الكروي ...
نال خلالها هلال السودان كأس الممتاز ...
ومريخ الصفوة كأس السودان ... وكأس مانديلا كمان (عشان ما يقولوا نسيناه ) .

للجميع الود والتقدير .

والله ياخوي حودة انتم كاس مانديلا دا واجعكم شديد
لك تحياتي

سلامات يا (ويلي) ..
أنشاء الله البرد العندكم ده ما يكون نفخك .

نحن بنركب التونسية .. وننزل من التونسية .. علي الاقل المحاولات جارية ..
الكلام الناس الفراجة وقاعدة فاتحة كتاب التاريخ !!!

الاخ الشوس ..
حاولت إقناعك بأن نتعصب داخليا و نشجع بعض خارجيا ..
فأفحمتني بردك : انا ضدكم جوه و بره ...
فتزكرت والدي أمد الله في ايامه .. فهو مثلك تماما .

حبابك مهند ...
قصة الصفر دي (وهمة) فاكنها بني مريخ ...
يستظلون بها .. ويجترون ماض ايام بعيدة ..
علها تكون عونا لهم في حاضر بائس ..
أو ماض قريب أكثر بؤسا منه ...

لك التقدير دوما .

يا كمال ..
خليك من مانديلا ... إنشاء الله إنت بقيت طيب !

مهند اخوي ...
كرة القدم نشاط يقاس فيها الاداء بما تنجزه حاضرا ...
دون التنكر لما انجزته سابقا ...
حقق المريخ انجازات قبل عقدين من الزمن .. لا ننكر ذلك ...
لكن ذلك الانجاز لا يجعل له الافضليه (حاليا) ...
أو في السنوات العشر الاخيرة ...
هنا تأتي (الوهمة)...
الاتكاء علي ماض سحيق ...

الهلال يتفوق علي المريخ في السنين الاخيرة ...
علي المستوي المحلي بنيله دوما للبطولة الكبري ...
و علي المستوي الخارجي بوصوله لمراحل متقدمة في البطولات الافريقية ...
ودي ما أظنها (وهمة) بل واقع نعيشة في السنوات الاخيرة .

لك تقديري مجددا.

الاخ / ويلي ..
لك الود و لكل ناس الصفوة ...
وشكرا علي الترحيب ..
أصلو الكورة دي مابتبقي من غيركم و من غيرنا ...
ربنا يزيد (وهماتكم) ... ويدينا منها كمان ..
علي الاقل نعيش بيها زيكم عشرين سنة و كدة لي قدام ..

لكم جميعا التقدير من هنا لي هناك .

الشكية لي الله كلكم مريخاب ...
موجة زرقة واحدة مافي !!!!!

أخيرا أسياد البلد ظهروا ...
لكن الصفوة ما قصرت تب معاي ...

أسه يا جاهوري ينطوا ليك في رقبتك بعد كلامك الفوق ده ..
غايتوا الله يفكهم منك .

محمود علوب كتب:

مهند اخوي ...
كرة القدم نشاط يقاس فيها الاداء بما تنجزه حاضرا ...
دون التنكر لما انجزته سابقا ...
حقق المريخ انجازات قبل عقدين من الزمن .. لا ننكر ذلك ...
لكن ذلك الانجاز لا يجعل له الافضليه (حاليا) ...
أو في السنوات العشر الاخيرة ...
هنا تأتي (الوهمة)...
الاتكاء علي ماض سحيق ...

الهلال يتفوق علي المريخ في السنين الاخيرة ...
علي المستوي المحلي بنيله دوما للبطولة الكبري ...
و علي المستوي الخارجي بوصوله لمراحل متقدمة في البطولات الافريقية ...
ودي ما أظنها (وهمة) بل واقع نعيشة في السنوات الاخيرة .

لك تقديري مجددا.

طيييييييب كلام حلو منك
المريخ حقق انجازات انتو وين من الانجازات دي وهذه الانجازات
تعطبها الافضلية علي كل اندية الوطن بما فيها تيمك المحلي دا
وحاتفضل هذة الافضلسية الي ان برث الله الارض لانكم
ما باقي بتجيبو ليكم شيتا من برة اللهم الا كان شاركتو في بطولة اتلاندية الاندية للمحلين برضو الله اعلم.
اما حديثك عن تفوقكم علي الزعيم دي الوهمة زااااااتا
وكونكم توصلولمراحل متقدمة في البطولات الافريقية
هل ادوكم فيها كاس خارجي طبعا لا اذا مااااااااااااااافي
اي فايدة من تقدمكم هذا

محمود علوب كتب:
مهند اخوي ...
كرة القدم نشاط يقاس فيها الاداء بما تنجزه حاضرا ...
دون التنكر لما انجزته سابقا ...
حقق المريخ انجازات قبل عقدين من الزمن .. لا ننكر ذلك ...
لكن ذلك الانجاز لا يجعل له الافضليه (حاليا) ...
أو في السنوات العشر الاخيرة ...
هنا تأتي (الوهمة)...

عرفت (الوهمة) وين يا مهند ...
دايما راجعين لي وراء بعييييد .
رغم إنو نحن ما ناكرين ليكم ذلك الانجاز .

المريخ يتصدر الممتاز في اسبوعه الثالث ...
عاجباني قصة (تصدر المريخ للممتاز) دي ..

لينا ثمانية سنوات المريخ بتصدر في البداية ..
و(يتوصف) في النهاية ..

و الله يا مهند كنت متأكد إنك أول من سيرد علي ...
وانا سعيد بذلك ...
قون سكواها مسيخ وباهت ...
أحلي منه بكتير قون الفنان راجي في كاس السودان .. صاح !!!

(* ومباريات فرق منطقة الوسط دائماً ما تأتي مملة!)

أعلاه يحكي الاستاذ مزمل ابو القاسم عن مباراة الهلال و الموردة ...
يعني الهلال من فرق منطقة الوسط !!!!
ياتو وسط ده يا ربي !!!
بطل الممتاز (10) مرات من (15) مرة ... وبرضو (وسط) !!!

يا مزمل ... ما عذبتنا .

> خبر عاجل : الحضري دا في الدورة الثانية ..عمرو بكون بقي كم سنة.

ودي منقولة من عمود الاستاذ محمد عبد الماجد ...

الزول ده ما عندو موضوع غير الحضري !!!

الحضري ده حارس كبير في كل حاجة .