الحكومة تدعو المعارضين والصحفيين ومجموهة من شباب 30 يناير لحوارات مفتوحة على جهنم !!

حزب ودولة وحكومة المؤتمر الوطني تأكد من وقت لآخر بإنها تجري إتصالات ومشاورات مستمرة مع الأحزاب السياسية
وسبب الإتصالات والمشاورات هو تكوين حكومة ذات قاعدة عريضة مش كدا وبس كمان قالوا المشاورات قطعت شوط مقدر
وقالوا بأن كافة الردود التي تلقوها من الأحزاب لا تتضمن أي رفض من حيث المبدأ للمقترح
والمقترح المقصود هو مقترح تكوين حكومة القاعدة العريضة الذي تقدم به عمر البشير
وأكدوا بأن اتصالاتهم في هذا الأمر ترمي إلى تطوير الفكرة "الحكومة العريضة"
والجلوس حول كافة القواسم المشتركة التي تدعمها
لتحقيق المشاركة للأحزاب دون إبعاد لرغبة ودون إقصاء لرأي
وعشان تتوافق القوى السياسية على إجماع للرأي حول القضايا الوطنية
والتعب دا كلوا عشان الوصول لكيفية إدارة الحكم الراشد خلال المرحلة القادمة .

طيب لو دا الأمر بالنسبة للمرحلة القادمة مش حقو نقيم الفترة الماضية أولاً
ثم نشوف الواقع الراهن عشان القادم يكون أفضل ودا كلام أي زول بقولو حتى لو ما رجل دولة ولا سياسي
الجماعة ديل كل ما ينزروا يجوا يتكلموا عن مرحلة قادمة مرحلة قادمة
والكلام دا بذكرني البص المكتوب عليهو "بكرة الركوب مجان"
دائما يكلمونا عن بكرة واليوم شغالين ضبح ونهب
السجون علي العليـها زادوها بأعداد كبيرة في خلال الأيام القليلة الماضية
طلاب وصحفيين ونقابيين
الاعتقالات والتعذيب أصبحت ممارسة روتينية يقومون بها دون وازع
وفي نفس الوقت تفتح القنوات تسمع كلام كبار كبار على شاكلة "مشاورات" و "إتصالات" و "حكومة عريضة"
المشاورات والاتصالات دي في الزنازين ولا شنو ؟؟
بعدين القال ليكم دايرين لينا حكومة ذات قاعدة عريضة منو ؟؟
وهو في حكومة ذات قاعدة أعرض من الحكومة الموجودة الآن ؟؟

وانشد على بابك حزين {عز المزار }وكل السنين صارت منافى
واهتف واناديك فى ظلام الليل يضيع حسى ..
هتافى قمرا وقف مستنى الليل
رجع الصدى وحس الرياح مجنونة فى الساحات ..
تعربد وانت مافى غابت نهاراتك
...ولكن لسة صوتك فى العروق ساكن
لسة صوتك يسرى فى كل الاماكن

قبل حفظ الحقوق يجب ان نحفظ الالسنة من الهمز واللمز
وناس سودانيزاونلاين بعرفوا يحافظوا على حقوقهم كويس جدا
والسرقات هناك عيب لا يدانيه عيب وعندهم ناس متخصصين في قوقلة الكلام
يعني لو سولت لي نفسي سرقة كلام فالمؤكد سالجا الى اي موقع اخر تقل فيه الرقابة
لا انفي بانني بجيب بعض الاخبار او المعلومات من سودانيزاونلاين باعتباره من المواقع الجامعة والمقروءة لكن بشير للبوست والكاتب
فاذا كان المقصود
فاذا كان المقصود
فاذا كان المقصود
فاذا كان المقصود "بالمناتلة الجديدة كرت كرتونة " عنوان أو موضوع البوست الماثل فهذا بهتان والله العظيم بهتان
طوال عطلة نهاية الاسبوع كنت بسمع وبقرأ في الأخبار وأزعجتني قصة الاعتقالات والتعذيب في السودان
وفي نفس الوقت سمعت أكثر من مسئول بتكلم عن مشاورات لتكوين حكومة ذات ألسنة عريضة
الحقيقة الفكرة أدهشتني كيف بتحاور زول وانت بتعتقلوا وبتعذبوا
ولخصت الموضوع بانو دا حوار زنازين مفتوح على أبواب جهنم "وكتبت العنوان"
والتبشير بغد أو بمرحلة قادمة زي البص المكتوب عليهو "بكرة الركوب مجان" ودا الموضوع
لو الكلام دا موجود في سودانيزاولاين قبال ساعة كتابتي لهذا البوست أرجو توضيح ذلك للاخوة الاعضاء
ويفضل ان يكون التوضيح في بوست منفصل

المحبوب والاخوة المتداخلين ....
السودان الان يحتاج كل أبناءه حوله بالرأي السديد والحوار البناء ، وانا كنت في السودان وجاي منه جديد ما كملت عشرة أيام جلست مع الكبير والصغير والمثقف والعامي ومشيت السوق وأشتريت الخضار واللحمة والرغيف والسكر والشاي والبن والفواكه .
ما في أي زول محروم من أي حاجة الكل بحمد الله وبشكروه وكلهم بقولوا ربنا يحفظ السودان ، الحياة غالية ولكن معزية لاشياء كثيرة والكل متفهم والكل بتكلم بما يحلو له ولكن ما لاقاني احد قال ربنا يطير الحكومة دي ولا ربنا يشيلهم زي المواقع ما بتكتب .
ناس سودانيز اون لين قاعدين في أمريكا وفي اوربا والخليج وفي الخرطوم اولاد الجيكس العندهم لاب توب وانترنيت وراكبين سيارات اخر موديل ، يا جماعة صلوا على النبي الحياة ماشية والناس يتتامل في ان غداً سوف يكون اجمل ما في داعي نحطمها ونسرق منها حتي فرحة الامل .
الصحف في السودان بتكتب ذي ما هي عاوزة والناس في المواصلات بتتكلم ذي ما يحلو لها .
نسال الله ان يبعد عنا الفتن ما ظهر منها وما بطن وان يجنب السودان ما يحاك له وان يحفظ شعبنا .

ازيك يالمحبوب ..إن مناورة الانقاذ لا تنطلى الا على الذين
لم يعوا طبعيتها الاستبداديه وفسادها للحياة السياسية ،زهاء
22 عاماً .فالمناورة والاستقطاب من أجل التشبث على كراسى
الحكم ، وانهم لا يودون الاعتراف بفشلهم الماحق ،سياسياً،
إقتصادياً ، ثقافياً ، إجتماعياً ،سيادياً ..الخ ، ويتعاملون كأن الوطن
(تركه ) لهم ، وليس للاخرين الحق فى وطنٍ خير وديمقراطى .
يا المحبوب ، أرفع صوتك معى لاطلاق سراح هؤلاء الشرفاء ،
الذين يتعرضون للتعذيب الوحشى من زبانية النظام:

نصر الدين أدم محمد
العمر 31 سنة , مهندس مدني
السكن الحالي – الخرطوم – الرميلة
المنطقة الأصلية المناقل
تاريخ الإعتقال 30-1-2011 ’ تمام العاشرة و النصف صباحاً , أمام بوابة كلية الطب جامعة الخرطوم

قتاتة محمد الدراس
العمر 30 سنة, خريج
السكن الحالي – الخرطوم – الرميلة
المنطقة الأصلية أبو عشر - الجزيرة
تاريخ الإعتقال 30-1-2011 ’ تمام العاشرة و النصف صباحاً , أمام بوابة كلية الطب جامعة الخرطوم

عبدالعزيز أحمد حسن كمبال
العمر 27 سنة, طالب جامعة النيلين
السكن الحالي – الخرطوم – الرميلة
المنطقة الأصلية بورتسودان
تاريخ الإعتقال 30-1-2011 ’ تمام العاشرة و النصف صباحاً , أمام بوابة كلية الطب جامعة الخرطوم.

عبدالله عيدروس
العمر 36 سنة , موظف
السكن الحالي : المهندسين أم درمان
المنطقة الأصلية عطبرة
تاريخ الإعتقال 30-1-2011 ’ تمام العاشرة و النصف صباحاً , أمام بوابة كلية الطب جامعة الخرطوم.

ثروت سوار الدهب
العمر 37 سنة , موظف

السكن الحالي : الخرطوم
المنطقة الأصلية: الخرطوم
تاريخ الإعتقال 30-1-2011 ’ تمام العاشرة و النصف صباحاً , أمام بوابة كلية الطب جامعة الخرطوم. تدهورت حالته الصحية نتيجة التعذيب و تم نقله للمستشفي لتلقي العلاج

حسام مالك
العمر 27 سنة , طبيب إمتياز بمستشفي السعودي
السكن الحالي: الثورة الحارة السابعة
المنطقة الأصلية: المسعودية – الجزيرة
تاريخ الإعتقال 30-1-2011 ’ تمام التاسعة صباحاً , أمام مستشفي بحري التعليمي.

لويس ميانق
العمر 25, طالب بكلية الصيدلة , جامعة الخرطوم
السكن الحالي: داخلية حسيب - الخرطوم
المنطقة الأصلية : الرنك – جنوب السودان
تاريخ الإعتقال 30-1-2011 , تمام الساعة الثانية , أمام كلية الطب جامعة الخرطوم, و يوم 1-2-2011 تدهورت حالته الصحية و تم نقله لمستشفي الأمل ببحري لتلقي العلاج.

صهيب عباس
العمر 19 سنة, طالب كلية الطب جامعة الخرطوم , المستوي الأول
السكن الحالي: الكلاكلة
المنطقة الأصلية: الولاية الشمالية
تاريخ الإعتقال: 30-1-2011, تمام الساعة الثانية ظهراً أمام كلية الطب جامعة الخرطوم

خالد توفيق
العمر 32 سنة , صحفي بجريدة الميدان
السكن الحالي : السوق المركزي - الخرطوم
المنطقة الأصلية : كوستي
تاريخ الإعتقال 2-2-2011, تمام الساعة العاشرة مساء , من مقر صحيقة الميدان – الخرطوم 2



سامر صلاح الدين
العمر 25 سنة , صحفي متدرب بجريدة الميدان
السكن الحالي : الخرطوم 2
المنطقة الأصلية :
تاريخ الإعتقال 2-2-2011, تمام الساعة السادسة مساء , من مقر صحيقة الميدان – الخرطوم 2

كمال كرار
العمر 45 سنة , صحفي بجريدة الميدان
السكن الحالي: بحري , حلة خوجلي , متزوج و أب لشاب واحد
المنطقة الأصلية: المقل – الشمالية
تاريخ الإعتقال 2-2-2011, تمام الساعة العاشرة مساء , من مقر صحيقة الميدان – الخرطوم 2

محمد رحمة
العمر: 24 سنة , موظف إستقبال
السكن الحالي: الخرطوم 2
المنطقة الأصلية: حلفا الجديدة
تاريخ الإعتقال 2-2-2011, تمام الساعة العاشرة مساء , من مقر صحيقة الميدان – الخرطوم 2

ابراهيم ميرغني
العمر 54 سنة, صحفي بجريدة الميدان
السكن الحالي: المزاد
المنطقة الأصلية : المزاد
تاريخ الإعتقال 2-2-2011, تمام العاشرة مساء , من مقر صحيقة الميدان – الخرطوم 2

مهند الدرديري
العمر 24 سنة, صحفي متدرب بجريدة الميدان

السكن الحالي: العذبة – بحري
المنطقة الأصلية : الحصاحيصا ولاية الجزيرة
تاريخ الإعتقال 2-2-2011, تمام الساعة السادسة مساء , من مقر صحيقة الميدان – الخرطوم 2

معاوية هاشم
العمر 52 سنة , موظف بجريدة الميدان
السكن الحالي: الحلة الجديدة - الخرطوم
المنطقة الأصلية: الحلة الجديدة - الخرطوم
تاريخ الإعتقال 2-2-2011, تمام الساعة العاشرة مساء , من مقر صحيقة الميدان – الخرطوم 2

عوض محمد عابدون
العمر 21 سنة , طالب بجامعة الخرطوم السنة الثالثة – علوم أحياء
السكن الحالي: الحاج يوسف – شرق النيل
المنطقة الأصلية: الحاج يوسف
تاريخ الإعتقال 3-2-2011, تمام الساعة الثانية مساء , سلم نفسه لجهاز الأمن بالعمارة بحري قرب موقف شندي بعد أن أعتقل شقيقه الصغير معمر محمد عابدون كرهينة.[b]
http://www.sudaneseonline.com/cgi-bin/sdb/2bb.cgi?seq=msg&board=320&msg=1296835785?

مشكور أخي عاطف
والاعتقال مهين لكرامة البني آدم
ومخالف بالطبع للمواثيق الدولية وللدستور
والحملة شملت حتى نهاية المنصرم مئات الاشخاص رجال ونساء
وكامل تضامنا مع المعتقلين

ابورائد واسلام
التحية وكامل التقدير
ابورائد لو الوضع بالصورة البتتحدث عنها مالك رجعت ما كان تستقر عشان نرتاح من مناكفتك
حمدا لله على السلامة

المحبوب ....
انا ما مشيت عشان أستقر ولكن مشت أجازتي العادية ولكن عملت شركة الأن وخلال سنة من تاريخ اليوم ح أستقبلك في مطار الخرطوم ....

المحبوب أحمد الأمين كتب:

فاذا كان المقصود
فاذا كان المقصود
فاذا كان المقصود
فاذا كان المقصود "بالمناتلة الجديدة كرت كرتونة " عنوان أو موضوع البوست الماثل فهذا بهتان والله العظيم بهتان
ويفضل ان يكون التوضيح في بوست منفصل

مناتل ومناتلة تقابلها باللغة العربية مناضل و مناضلة
التسمية اتت من سودانيزاون لاين
جمعها منااااتلين
المساهمة مقصود بيها المناتلة الجديدةالمشاركاتها ما اتعدت اصابع اليد الواحد ة
مع انه ما مفروض اوضح لكن حتي يستقيم الفهم
بس انت طول باااالك وما تبقي ذي تراجي مصطفي تلفح الكلام لفحي وتنسبه لنفسها

يابورائد ليه تاعب نفسك ما ترسل لي السواق
ولا شركتك دي مهببة ؟؟
كيف تعمل شركة وجائي تستقبل ليك زول هامل زيي في المطار ؟؟
على العموم نشوف بعد السنة لو ربنا مد في العمر

نرجع لموضوعنا
فئتان تحرسان هذا النظام بالعض على من يهوب ناحيته
رجال اعمال
ورجال أمن
تشترك الفئتان في طريقة الحراسة
وتتفقان على سبل الحماية
ولأن النظام قمعي
وفاقد للشرعية
وللتطور المتسارع في طُرق إتصال المعارضين
بإستخدامهم للمواقع الالكترونية فيسبوك وتويتر
كان لابدّ من تطوير سبل الحماية والحراسة
ولم يجدوا "مع فئآت أخرى" بُد من تطوير آليات العض
والعض من أنجع الوصفات للقمع
ولناس الأمن تجربة زاخرة في العض
ولا يستعملون الأسنان البشرية
إنما إستحدثوا معدات كالزردية والكماشة
بل إمتد العض بتلك المعدات لمناطق حساسة في جسم البقع في القيد
ففي خلال اسبوع واحد فقط
تم تعريض المئات من أبناء وبنات هذا الشعب للقمع والإعتقال
وتسربت الأنباء عن تعرض المعتقلين لصنوف من التعذيب
واليوم نشرت الصحافة خبراً مفاده تلقي البشير لبيعة منسوبي الأمن



وحسب الجريدة فالبيعة على السمع والطاعة
والبشير مبسوط جداً جداً من جهاز العض
طبعاً لازم ينبسط أهو لقى ليهو ناس تحرسو وتعضي ليهو المعارضين
المعارضون الذين ينادون ببناء دولة ترعى حقوقهم وتصون ترابهم
وقد ظهرت بوادر إنتصارهم وعثاء المسير
أما الفئة التانية في "العض"
فهم من رجال الأعمال وبرضو بتاعين عض
بس عضة على طريقة رجال الأعمال
فالرأي العام نشرت اليوم خبر العضة الأقاما واحد من رجال الأعمال
والمناسبة تكريم علي عثمان ونافع على نافع علي شنو الله أعلم




في حضور "ناس كبار كبار لزوم البوبار "
زي وزير الداخلية المهندس ابراهيم محمود حامد
والدكتور عبد الرحمن الخضر والي ولاية الخرطوم
والدكتور عبد الباقي الجيلاني وزير المعادن
وعدد من قيادات المؤتمر الوطني والدولة
وخلال العشاء تم ملامسة بعض القضايا
القضايا التي تهم الوطن
والتي تهم المرحلة المقبلة
كل ذلك تم أثناء العشاء
فشنو البهم الوطن أكثر من المواطن ؟
ياخي أكلوا ساي وأمشوا في حال سبيلكم
وبالفعل شكر المدعوين رجل الأعمال على دعوته وكرمه الحاتمي
ولا عزاء للبايتين القوا في غياهب معتقلات النظام من بنات وأبناء هذا الشعب