قــرار منـع الشيشـة في الخرطـوم - توجد صور‏

هبة هسه لو مشينا سألتا فى المحلية او فى النظام العام عن الشيش دى بتلقأها موجودة ولا ....

هبة كيفك ولعلك بخير
دائما بوستاتك ضلها خفبف
ناس مايو زمان جمعوا كراتين القزاز ورموها في البحر بالليل
خلو ليك تماسيح توتي تقوم "تتمغى وتتثاءب" من الدغش وكمان تفتش للفتافت
وفي رواية أخرى إرتفع سعر أم فتفت "بدون عرنون" والدكوة بالشطة الخدراء لارقام فلكية
وبعيدا عن السياسة "فأعتقد" بأن الخطوة تسير في إتجاه "الثروة" التصحيحية المصنفرة المظنفرة
ودائما شغالين منع ومصادرة في الاسواق ما شفت الدرداقات الصادروها من "شفع" السوق المركزي
ناس كتار خافوا يلحقوها "كراتين القزاز" لكن ربك لطف وبقوا يؤجروا لأصحابـها اليوم عشرة جنيه
وزي ما قال ليك راشد ما تستبعدي يدوروها تاني في مراكز مخصصة يعدوا لها كل مستلزمات السلامة الرئوية

القيود المن يونيو بتشهرا
للمواطن المن بدرى إنـهرا
اخفى آلامي مرة و اجهرا
نار عذابك ربّك يقهرا
يا بشير البقعة وبانقا
****
شيشة غيرك ايه الجسّرا
تخمخم في قروشنا تبعثرا
حال بطانتك مين الفشخرا
يا المطية الفوق اهل الثراء
يا بشير البقعة وبانقا
*****
الرقيص اعطافك فتّرا
والاصم باع فينا و اشترى
الشيش قدامك تصادرا
وباقي ليك اجسادنا الواهنا
يا بشير البقعة وبانقا

بدريتو : تيك كير
أوعك تمش تسأل عنها لأنو في الحالة بعتبروك موالي لنظام الشيش
وما تستبعد يوجهوا ليك إتهام تحت طائلة "السؤال عن أسلحة تدمير شاملة العوائد والاتاوات"

ياخي ايه البحصل في السودان انا اسع موجود في بيت الله السعوديه وفي جده وبشيش وبرد علي هذاء البوست
وفي امان الله ومقاهي فاتحه 24 ساعه ايش الحرام في ذلك
السرقه ما----------------
نهب اموال الشعب ---------------------
قتل النفس ما ----------------

موظف راتبه 500 جنيه وباني تلاته طوابف ما----------------
افتو لينا ديل ولا الشيشه
وجزاكم الله خيرا

مهدي بكش كتب:

ياخي ايه البحصل في السودان انا اسع موجود في بيت الله السعوديه وفي جده وبشيش وبرد علي هذاء البوست
وفي امان الله ومقاهي فاتحه 24 ساعه ايش الحرام في ذلك
السرقه ما----------------
نهب اموال الشعب ---------------------
قتل النفس ما ----------------

موظف راتبه 500 جنيه وباني تلاته طوابف ما----------------
افتو لينا ديل ولا الشيشه
وجزاكم الله خيرا

نفتى ليك يا بكوش
اصلوا الحكاية شبابيكا
ود الوالى رطب هبابيكا
وقال البنقو ختو ليهو فى الشيشة
ومن الصباح طلع قرار بمنعها هيكا

بت الخاله العزيزه دي غنائم توزع علي المجاهدين بالتساوي من باب العدل في التوزيع عشان يفضلوا شاديين في نفس الشعب السوداني

يا مبارك انتي مخلي الشيشة دي كلها وفاتح ليك بوست بهناك؟