ذكريات في الحصاحيصا الجزء الاول

دي المرة الثالثه ابد اكتب وفي النهاية امسح امكن لاني اول مره اشترك في منتدي او ابد اكتب حاجات حاتقراها الناس انا دايما بحب اكتب لي روحي المهم هي تجربة جديده معاكم حابدا ابراكم بذكرياتي في الحصاحيصا
نبدا انا بحب الحصاحيصا حب شديد لدرجة العشق امكن لاني مولودة فيها لكن بتذكر من جينا وسكنا في الخرطوم اللي هو الكلام ده زماااااااااااان انو كنا بستغل اي فرصة عشان نسافر حتي ابوي الله يرحمو كان حاسي بارتباطنا بيها حتي شرط من شروط انك تسافر تجي في العشرة الاوائل اتخيلو زول يجتهد ويجي في العشرة الاوائل عشان يخلوهو يمشي الحصاحيصا وكنا بنستني بعد ناجذ زول يجي عشان يخلونا نرجع معاهو وياسلام لمن امي تقرر انها ماشة بنفرح شديد لانها حا تسوقنا كلنا وكنا بننظر متين الواطه تصبح عشان نتحرك بس كنا بنكره وسيلة السفر اللي هي النيسانات السلاحف تصل الحصاحيصا في عشرمائه ساعه بتزكر اول مانقرب نصل بنعرفا باعمده المصنع كنا بنصرخ في البص وامي كانت بتشاكلنا نصل نجري بنكون في شوق شديد نمشي بيت جدي ونجري ناس خالتي نورا ناس محاسن ناس حاج سيد ناس بر ....
ونواصل ......

الاستاذة خنساء
سلام
وسعداء جدا بهذه الزكريات فى الحصاحييصا وهكذا هى مدينتى تجذب الكل نحوها
فانا شخصيا احسب للخميس من ان جاى من الحصاحيصا وانتظره على احر من الجمر
حتى اقضى ليلة واحدة بالحصاحيصا
وبالرغم من ان السفر مرهق وصعب جدا الا اننى لا احس بذلك وكل همى الوصول الى الحصاحيصا
والونسه والشلة وقراصة الجمعه وهكذا
شكرا لك مرة اخرى ايتها الخنساء
ونحن فى الانتظار
وما تطولى الغيبة

نحنا في انتظار الجزء التاني.....

طلعتى كومر من زمن النيسانات ولا يهمك الحال من بعضه واصلى وما تقطعى السرد الممتع اها نحن وقفنا عند ناس عم سيد

سلام
كومر شنو يااخ احنا زمن النيسان كنا شفع صغار كنا عشان نشوف المصنع الا نطلع من فوق المقعد لكن انت بتكون زمن النيسان قدر حسن وراق اسي

نحن ناس زمن فواصل ونواصل يعنى لما بتشابى للمصنع نحن لمن وعينا لقيناه مغلق لحين اشعار اخر وعرفنا انو مصنع نسيج من كتابات كيشو ووراق ويلا يا فواصل نواصل زكرياتك وبالمناسبة اهدئى ليك رائعة الشفيع الزكريات بحثت عن اللينك لالصاقه على الرد ولم اجده

واصلى يا خنساء .. والحمدلله كل الذين وردت اسمائهم من النساء .. لكن لو جبتيها من الاخر وقلتى ناس جدو فلان وعلان يكون احسن