عاجل : اصابة اكثر من 150 يحالة غريبة فى العيون فى الحصاحيصا

تعرض امس واليوم اكثر من 150 شخص بحساسية غريبة فى العيون ادت الى تعذر الرؤية من البعض بشكل مؤقت اضافة الى سخانة مما اصاب الجمبع بالهلع . وكان هؤلاء المصابين فى مناسبة زواج بالحى الاوسط
وارجحت مصادر طبية الى ان تسرب الغاز من لمبات الاضاءة بشكل بطئ وغير محسوس كان هو السبب فى هذه الكارثة . جهود جبارة بذلها الاخوة فى الحوداث ومستشفى العيون
لا زلنا نتابع الموقف وسوف نوافيكم بالتفاصيل اول باول
كل الامنيات للجميع بالصحة والعافية

عشي كيفك يارجل
تشكر ياخي وربنا يلطف
وبكون كويس لو نورتنا "بنوع الأنوار المشعه دي"
عرفنا "يونميد رغيف العيش" شنو حكاية الأنوار أم إشعاع دي ؟؟

تحياتي يا عشي وسلامة المُصابين .
تكون المحلية عملت غاز اللمبات ده عشان الناس يشوفوا شوارع الحصاحيصا مرصوفة ؟

ياساتر يارب معقول بس ؟؟؟ المصابيح دى ما مرت بالمواصفات والمقاييس ولا دخلت كيرى كده؟

اقتباس :

من طرف رحمهG.T في الخميس يونيو 02, 2011 12:51 pm

ياساتر يارب معقول بس ؟؟؟ المصابيح دى ما مرت بالمواصفات والمقاييس ولا دخلت كيرى كده؟

والله أنا خايف تكون المواصفات والمقاييس زاتا دخلت كيري !

هههههههههههههه والله مابعيد ياصداح دى بلد المليون كيرى

صداح فاروق وراق كتب:

اقتباس :

من طرف رحمهG.T في الخميس يونيو 02, 2011 12:51 pm

ياساتر يارب معقول بس ؟؟؟ المصابيح دى ما مرت بالمواصفات والمقاييس ولا دخلت كيرى كده؟

والله أنا خايف تكون المواصفات والمقاييس زاتا دخلت كيري !

كدي اسالو المتعافي امكن اكون عارف حاجه

جد دا موضوع خطير ويحتاج لتحقيق عاجل جداَ.... ويارحمة ويامغربي .. فتح (بلاغ) مهم عشان نعرف السبب شنو ... اشعاع ذري والأ أثار مقبرة النفايات... والأ غضب من رب العالمين جزاءَ لنا علي صمتنا المستمر علي الحال المايل.... ودمتم/دمتن

لي يعني ماخدين الموضوع من الناحيه دي مايكون قضاء وقدر

والف الف سلامه علي ناس الحصاحيصا وانشاءالله عدوينهم

شاهدت بعض الحالات بنفسي وقد كانت عيونهم تعبانة وبعضهم اطفال يلبسون نظارات سوداء
نتمنى لهم الشفاء

يا نهال قضاء وقدر في حفلة طيب سقوط صاعقة في مسجد اكون شنو ولا ترمو بانفسكم الي التهلكة .السهر براهو مشكلة للعيون كيف لما اكون معاهو غنا ورقص وغاز مسيل للدموع وللا دا ما بتاع الجماعة ديلك ؟ربنا يشفي

مغارب كتب:

سعدية احمد حاج التوم كتب:

يا نهال قضاء وقدر في حفلة طيب سقوط صاعقة في مسجد اكون شنو ولا ترمو بانفسكم الي التهلكة .السهر براهو مشكلة للعيون كيف لما اكون معاهو غنا ورقص وغاز مسيل للدموع وللا دا ما بتاع الجماعة ديلك ؟ربنا يشفي

سمعتي يا نهال كلام سعديـّة بت أحمد حاج التوم ،،
ولا أكرروا ليكي ،،
قضاء وقدر بتاعتك ،،
بقت لي تشبه قميص وفنـلّة داخليـّة ،،
وبرضوا حاسس إنـّي ( ميط ) ،،
برضوا قضاء ونيابة ،، بقصـُد قدر ،،

مـغ :-

الاخت سعديه اي هي حفل وحصل في كدا لكن ممكن الزول راقد في سرير ويكون صلي العشاء وقراء قران وماسك سبحة في يدو وبيستغفر وبيزكر في رب ممكن يحصل ليه نفس الحصل للكان في الحفله ويمكن يكون اخطر برضو دا بيكون قضاء وقدر ولا اعتراض في حكم الله ولا انا قلطان ياجماعه

نسأل الله الشفاء للجميع .....
بس يا محمد كمال الكشافة دى صناعة محلى والا جات من برة ....علشان المواصفات والمقاييس وكدة ....

نهال عبدالوهاب الضو كتب:

مغارب كتب:

سعدية احمد حاج التوم كتب:

يا نهال قضاء وقدر في حفلة طيب سقوط صاعقة في مسجد اكون شنو ولا ترمو بانفسكم الي التهلكة .السهر براهو مشكلة للعيون كيف لما اكون معاهو غنا ورقص وغاز مسيل للدموع وللا دا ما بتاع الجماعة ديلك ؟ربنا يشفي

سمعت يا نهال كلام سعديـّة بت أحمد حاج التوم ،،
برضوا قضاء ونيابة ،، بقصـُد قدر ،،

مـغ :-

الاخت سعديه اي هي حفل وحصل في كدا لكن ممكن الزول راقد في سرير ويكون صلي العشاء وقراء قران وماسك سبحة في يدو وبيستغفر وبيزكر في رب ممكن يحصل ليه نفس الحصل للكان في الحفله ويمكن يكون اخطر برضو دا بيكون قضاء وقدر ولا اعتراض في حكم الله ولا انا قلطان ياجماعه

صــاح ...
ألهم لطفك ... ورحمتك ...

والله الحفلات دي كلام فارغ والناس لو فكت دربها كان احسن لان بلاويها كترت شديد وربنا يكفينا شرها والواحد كل ما قلل منها افضل وطبعا انا ما عاوزة افتي في الحتة دي... عليك الله لو كانو قضو ليلتهم نوم ما كان احسن

ودالجمل اكيد ده ماكلامك وياخوانا هى المشكله فى الحفلات ولله فى العيون الدابره تلحق امات طه

بالصدفة مساء الخميس الفاتح من يناير وانا فى صيدلية بسوق الحصاحيصا طلبت من الصيدلى قطرة لالتهاب عين يصيبنى جراء الجلوس فى العمل خلف شاشات الكمبيوتر لمسافات طويلة ففاجئنى انت كنت فى الحفلة فاسترسلت معه فى الحديث من باب الشمار قالى الكشافة صناعة اسرائيلية يعنى الاسرائيلين ماطيارتم بس القاعدة تضربنا كمان جابوا ليها كشافات وللذين قالوا الناس كانت فى الحفلة بتسوى فى شنو مش بيت البكاء برضوبعملوا فيه اضاءة والمولد فيهو إضاءة وجامع انصار السنة فيهو كشافات وقدام بيت المعتمد برضو فى ولو مشينا المقابر بليل بنشيل كشافة ياجماعة استهدوا بالله

محمدكمال السر كتب:

]size=24]نفس الخبر موجود على منتدى الحصاحيصا دوت نت وذكر كاتبه ان الغاز انبعث من احدى الكشافات التى كانت مستخدمة فى اضائة مكان الحفل وهو حنة عريس اى لاعلاقة له لابمواصفات ولا مقايس ولا غيره
كما ان الموضوع لايستحق التريقة والضحك لانه من قضاء الله وقدره والايمان بالقضاء والقدر من شروط الايمان الصحيح للمسلم
ونسال الله الشفاء لمن اصاب
الا قد بلغت اللهم فشهد [/size]

صديقي العزيز والله كلام في محلو
بس بودي الخور خلي بالك

محمد علي جبريل كتب:

محمدكمال السر كتب:

]size=24]نفس الخبر موجود على منتدى الحصاحيصا دوت نت وذكر كاتبه ان الغاز انبعث من احدى الكشافات التى كانت مستخدمة فى اضائة مكان الحفل وهو حنة عريس اى لاعلاقة له لابمواصفات ولا مقايس ولا غيره
كما ان الموضوع لايستحق التريقة والضحك لانه من قضاء الله وقدره والايمان بالقضاء والقدر من شروط الايمان الصحيح للمسلم
ونسال الله الشفاء لمن اصاب
الا قد بلغت اللهم فشهد [/size]

لايمكن بالطبع أن أنام وأترك الباب مفتوحاً
ومن ثم ياتي اللصوص فيدخلون المنزل ويأخذون ما استطاعوا لذلك سبيلا
ومن ثم ياتي الجيران فيسألون
واقول لهم الحكاية قضاء وقدر
علينا أن نتوكل على الله
ولكن أن نقفل أبوابنا
ومن ثم لو أتى اللص وكسر الباب يكون هنا القضاء والقدر
صحيح ان كثيرا من الاحتياطات لاتمنع وقوع القدر
ولكن علينا أن نعمل الصاح ومن ثم ليأتي القدر حتى لا نؤنب أنفسنا
هذا الموضوع يجب ان لايمر مرور الكرام
بحيث يخضع للبحث من قبل الجهات العلمية
وذلك حتى نتفادى حدوثه مستقبلاً باذن الله



صديقي العزيز والله كلام في محلو
بس بودي الخور خلي بالك

[center]

الاخت نهال سلامات
ياريت نفرق بين القضاء والقدر والاهمال البين (مع الاصرار والترصد)والزول الفي الحفلة ما ذي الزول الصلي العشاء (ظاهريا )
فضل الله المجاهدين علي القاعدين درجة
لا يستوي الذين يعلمون والذين لا يعلمون
بالمناسبة جزء من اسرتي اصيبو بالعمي المؤقت
ولا نقصد التريقة والضحك يا محمد كمال بقدر ما نقصد النقاش والفايدة (لكم الاعتزار )