نسوان اخر زمن !!؟؟

بسم الله الرحمن الرحيم
من الحصاحيصا سلام
وليد العشي
نسوان آخر زمن !!؟؟
• جمعة مباركة عليكم جميعا وقلنا الليلة نكون جميعا خارج النص ولعلها محاولة لكسر الروتين واهو برضو رياضة في رياضة
• يحكى بان الأزواج الذين يقعون تحت سيطرة زوجاتهم يجنون كثير من الفوائد التي تعود عليه وعلى المجتمع بالفائدة والمصلحة
• واحد . الزوج المجني عليه وبحكم الضغوطات التي تمارس عليه من حرمه المصون يكون أكثر شخص يردد الأذكار مثل يا لطيف ويأرب الصبر ولا حول ولا قوة إلا بالله إضافة إلى الاستغفار الكثير والحمد
• اتنين . الزوج المجني عليه يكون أكثر شخص يمارس تعاليم دينه ويواصل صلة الرحم بشكل مميز وبرضو اجر كبير سواء كان ذلك الأمر اجبارى أم اختياري . يعنى اجر وزوغة
• تلاتة . الزوج المجني علية يعتبر من أكثر الأشخاص إخلاصا في عمله بحكم تواجده لأكبر فترة ممكنة في مكان العمل يعنى ساعتين زيادة بعد الدوام ما بطالة . وباختصار يكون مرتبه حلال ميه الميه وراحة بال ألف في الميه
• هنا لابد بنا من تحية خاصة إلى الزوجات لدورهم الكبير في تلك الفوائد القيمة للرجال وهذا بلا شك عمل طيب وما هين
• ايضا تحية خاصة إلى (( النظار )) خاصة النظار الذين يعملون في صمت وابقوا عشرة
• طبعا يا أخوانا الكلام ده ريح ناس كتار خصوصا الجماعة اصحابى وزى ما قال لي احد الاصدقاء فلان وفلان كرهونا العرس
• على العموم يا جماعة كلنا لاحقين أمات طه
• ما زلت في حيرة من أمر هؤلاء الذين يحملون أطفالهم ويتجولون بهم طول اليوم في الشارع
• السؤال المهم هل هذه الجولات رغبة الطفل نفسه بالتواجد مع ابيه اكبر فترة ممكنة أم رغبة شخص آخر . والإجابة متروكة ليكم جميعا وربنا يكضب الشينة
• إذا انحصر الأمر في حمل الطفل ما مشكلة لكن المشكلة أن تكون هنالك مهارات أخرى داخل المنزل
• يا جماعة يا أزواج اتحدوا جميعا من اجل تفعيل سى السيد مرة أخرى لان الموضوع خطير والجماعة اللابتين كتار
• قبل الوداع ... ده كلو كوم وشيل الشنطة ده كوم آخر !!! اللهم لا نسألك رد القضاء ولكن نسألك اللطف فيه
• آخر حاجة ... انساك يا سلام انساك هو ده كلام ... واحلى تحية لحواء السودانية .... والسلام ختام

يامبدع يافنان

• ما زلت في حيرة من أمر هؤلاء الذين يحملون أطفالهم ويتجولون بهم طول اليوم في الشارع
• السؤال المهم هل هذه الجولات رغبة الطفل نفسه بالتواجد مع ابيه اكبر فترة ممكنة أم رغبة شخص آخر . والإجابة متروكة ليكم جميعا وربنا يكضب الشينة
• إذا انحصر الأمر في حمل الطفل ما مشكلة لكن المشكلة أن تكون هنالك مهارات أخرى داخل المنزل
والله يا استاذ وليد انا شخصيا ولدي مصطفي الا اكون نايم باقي الوقت كله معاي بس عشان بشبك فيني
ولا توجد مهارات اخري.

يا طارق مالك بقيت تصفق بالدس ؟ قايتو مرة بتضفرنا مافى لكن عندى ولد ادبنى .... و الضفر دايرنو لوبالفوائد البيقولها العشى دى .

مهدي بكش كتب:

• ما زلت في حيرة من أمر هؤلاء الذين يحملون أطفالهم ويتجولون بهم طول اليوم في الشارع
• السؤال المهم هل هذه الجولات رغبة الطفل نفسه بالتواجد مع ابيه اكبر فترة ممكنة أم رغبة شخص آخر . والإجابة متروكة ليكم جميعا وربنا يكضب الشينة
• إذا انحصر الأمر في حمل الطفل ما مشكلة لكن المشكلة أن تكون هنالك مهارات أخرى داخل المنزل
والله يا استاذ وليد انا شخصيا ولدي مصطفي الا اكون نايم باقي الوقت كله معاي بس عشان بشبك فيني
ولا توجد مهارات اخري.

سلام يا وليد
وسلام يا مهدي

عايزة احكي حكاية
عندنا في اهلنا واحد شايل ولده طوالي الحريم يقولوا لي زوجته ياخي الراجل ده ما فتر شيلي الولد .. الرجال يقولوا ليهوياخي الولد ده ما تودي لي امه
والكلام ده ضايق الزوجة والزوج
ولما كرهوهم الحياة الزوج قال لي الناس عامة ياخي انتوا مالكم ولدي وعاجبني وفرحان بيهو انتو شايلونو في فقركم مالكم
اها زي ده بتسمي شنو يا وليد

توجد اعترافات

عبد الرازق عبد القادر كتب:

يا طارق مالك بقيت تصفق بالدس ؟ قايتو مرة بتضفرنا مافى لكن عندى ولد ادبنى .... و الضفر دايرنو لوبالفوائد البيقولها العشى دى .

والله ياأأابورزقة بقينا مراقبين بالغوغل ايرس وأى فرفرة لاتحمد العواقب وربنا يجيبها عديل

فى حاجة يااولاد ادم اسمها المــــــــــــــــــــــــشاركة .
والله موضوع الزوغة محيرنى شديد وصراحة انا لمن يقولى لى ماشى لى احد اصحابة انا بقول ليهوا ودينى لى صحبتى وتعال غاشينى بعد ماتخلص الغريبة بخلى المشوار.وانا اصلا بكون ماحاقدر اطلع لانو انتو جلابية وطاقية ونحنا الموضوع كبير.