والله ايام يا alhasahisa.com

ودعيسي كتب:

بانوراما ذي الورد

الحبيب ود عيسي يشرفني جدا حضورك البهي

مشكور كتير وتسلم ياود عيسي

وخليك قريب عشان تستمتع معنا ايضا بتلك الذكريات

وليد العشي كتب:

كل الحب
الحصاحيصا وبس

وليد هو احنا لاقين زي الحب بتاعك وين يا حبيب

سلام كبيييييييير ليك ولي الحصاحيصا برضو

ودي

راشد محمد الجاك كتب:

ورد زى الشباب ديل ......
لكم التحية وانتم تنعشون هذا الاسفير بحلو الكلام وسمح النغم ...
متابعون ...

راشد الجاك
تكفينا منك طلة هنا
وحضورك طاغي وجميل في كل اقسام المنتدي ويحبك الكل هنا
تحياتي

رحمهG.T كتب:

انها ذكريات عالقة بالوجدان اذكر ها تلك الأيام وذلكم النفر العزيزمنمؤسسى المنتدى .. التحية للأخوين الصغيرين عمرا الكبيرين فى اعيننا محمد ( على جبريل + كمال السر )
قدام

رحمة ان شاء الله نكون عند حسن ظنك دائما وتسلمي علي الكلمات الجميلة التي زينتي بها البوست

ودا من كرم اصلك يا ستهم كوني حضورا معنا هنا
كل الود

الدكر كتب:

الاخ محمد كمال السر + الاخ محمد على جبريل لكم التحية وانتم
توثقون فى تلك الايام اكثر خلودا وشعورا نبل منكم وانتم المنادى
لرحلت ,لشوقى و القلب الحنين والقلب الكبير والقلب
الابيــــــــــــــــــــــــــــــــــــــــــــــــــــــــــض
العهود الثقايل والامانى البعيدة منى فداكم ومنى فداكم
قصـــــــــــــــــــــــد العطيــــــــــــــــــــــات
احترام لكـــــــــــــــــــــــــــــم

الدكر تحياتي علي الكلمات الجميلة
ومشكور يا حبوب ونتمني وجودك هنا الي نهاية البوست

الاخويين العزيزين جوز الهند
والله أيام يا زمان
ببكى واتحسر عليك
وما بقول العشنا كان
لسه راجيك يازمان بحبه الفكر المعاى
عايشة في وجداني جوه
ولسه بتدغدغ حشاى

حقا كانت ايام انشراح وانشرح وانشراح نسال الواحد الاحد ان يعود المنتدى كما كان وان يعود كل الاعضاء وتعود تلك الحميمية والالفة التى لمسناها من اعضاء الداخل والخارج ولكم التحية

فوووووووووووووق

على سركيس كتب:

الاخويين العزيزين جوز الهند
والله أيام يا زمان
ببكى واتحسر عليك
وما بقول العشنا كان
لسه راجيك يازمان بحبه الفكر المعاى
عايشة في وجداني جوه
ولسه بتدغدغ حشاى

حقا كانت ايام انشراح وانشرح وانشراح نسال الواحد الاحد ان يعود المنتدى كما كان وان يعود كل الاعضاء وتعود تلك الحميمية والالفة التى لمسناها من اعضاء الداخل والخارج ولكم التحية

سراكيسو الفُل حبيب الكل
بالفعل كانت لنا ايام ونتمني من الله ان تعود وابقي ظاهر يا حبيب

مؤونة عام من الود

محمدكمال السر كتب:

فوووووووووووووق

اخوي ود كمال بجيك بعدين بي رواقة ونكمل في البديناهو

محبتي الشديدة

اخي الطيب تلودي والذي تعرفت عليه في هذا المنبر ولما التقينا علي ارض الواقع صار من اعز اصدقائي والطيب الحياة مليئة عنده وكل ما التقينا تعمقت معرفتنا اكثر واكثر ولايبخل علي بالنصح وهو نحلة دوت كوم وشارك كثيرا بفكره ومن الشخصيات التي ساهمت في انجاح الاحتفال بالشمعة الاولي واليومين الصحين .
من مواضيعه هنا
الخيانه (يوجد سؤال).............!!

الطيب تلودي كتب:

لو حبيت أنسان من كل قلبك،،
و هو يبادلك بنفس الشعور،،
وفجاة إكتشفت أنه خانك..!!
وبعد فتره من الآلم و الحسره رجع مره ثانيه،،
ويقدم لك إعتزاره ويتمنئ أنك تسامحوا على تصرفوا..!!

هل يمكن أن تعود له بعد خيانته لك..؟؟

كل الحب يا صديقي

سلام لكل الشباب وتقدير تام لاى جهود تدعم الخطوات المتقدمه فى اى معترك سياسى ثقافى رياضى اجتماعى ترفيهى ولكن هل يوجد معترك
لم يحظى بالتبويب؟
ورغم شغفنا بكل ماهو جديد "اود ان اتسأل عن فكرة منتدى شباب الحصاحيصا ؟
وقبل الاسترسال نأسف للدخول من باب منتدى شباب الحصاحيصا والمفترض الدخول من باب شيوخ الحصاحيصا الا اننا وجدنا الباب مغلق واضطراريا دخلنا من بابكم لنسال ومن حقكم ان تتجاهلو هذا الاستسفسار .
منذ متى كانت الكتابة خاضعة للتمييز النوعى والعمرى ؟
وما هو مقياس الشباب وماهى شروط الدخول لبابه وماهى درجة حرمة الدخول وماهى بنود طرحه التى لاتدخل فى العام اوالاجتماعى او الثقافى او الاسرى او....او.....وماذا يريد الشباب؟التغيير ؟ الانقلاب ؟الهروب؟التمرد؟
تساؤلى ناتج عن عدم وجود مايهدينى للفهم من خلال هذا الباب الذى تم مؤخرا.واكرر اسفى للدخول

حافظ احمد احد ظرفاء الموقع وعرفته هنا ليس كما يتعرف احد علي شخص معرفة العبور ويكفي انني اعرف اهل بيتك بدا بالاستاذة الجليلة متعها الله بالصحة والعافية
وحافظ قلم ازرق واذكر جيدا مناكفاته مع مريخاب المنتدي جميعهم
واتمني ان نلتقي علي ارض الواقع ياحافظ .
من مواضيعه هنا
رد: اركويت ,السوق, الحلة الجديدة , الإمتداد وبالعكس

hafiz ahmed كتب:

استمتع بالرحلة ودع فن القيادة لنا
تخريمة : ما دايرين اي شمارات فى الحافلة دي

سلام مربع ليك ياحافظ اينما كنت

جعفر قوليب
شهادتي فيك مجروحة ومابقدر اقول فيك الكلام الما انكتب رغم فارق السن الذي بيننا الا انني اعتز بصداقتك ومعرفتك جدا يا عزيزي
وهو من الاشخاص الذين اسهمو كثيرا في الاحتفال بالشمعة الاولي واليومين الصحيات
ومن مواضيعه هنا

جعفر قوليب كتب:

في المنتدي الاجتماعي فل مون دوت كوم جلسة مامنظور مثيلا\
تجانس وانسجام وانغام ضحك وفرفشة وضيافة تمام التمام
والماحضر يحجز الفل مون القادم توجد اماكن محدودة
التسجيل بالمنتدي الاجتماعي في البوست
فل مون دوت كوم جلسة مامنظور مثالا علي انغام المطرب ابو السيد

والاهم من ذلك يا جعفر هو انك موجود فيني بنصائحك الجميلة التي لم تبخل علي بها ابدا
وحنتواصل يا جعفر لو ربنا مد في الاجال .

مامون حسن ( ممو) رجل تعرفت عليه في رحلة باسقات وتوطت معرفتي به واصبح احد اصدقائي الاعزاء ومهما تحدثت عنك لن اوفيك حقك يا عزيزي وخاسر جدا من لم يتعرف عليك يا مامون وانني انقب عن امثالك في هذه الحياة يا صديقي





كل الحب يا صديقي

محمد كمال ومحمد علي ياحلي جوز هند علي قول سركيس
والله انتو احلي ناس نحن قاعدين بس مشاغل
وانشاء الله المفاجاء حتكون قريب

لقطة جميلة تجمع بينا انا ومحمد على جبريل واخونا الكبير وحبيبنا الغالى مامون تلودى