بسم الله الرحمن الرحيم
بدون تأشيرة
وليد العشي
هلالنا صعب كاساتو دهب
• هلالنا صعب كاساتو دهب وفرح جميل قادم باذن الله بداية بقاهرة المعز حتى بلوغ المنال وتحقيق البطولات الأفريقية والعربية كمان التي هي أصلا من صميم إبداعات هلال العز والصمود
• إعلام الهلال مطالب بخلق كل الأجواء الصحية التي تعمل على تحقيق الانجازات التي تسعد شعب الهلال الجميل هذا الجمهور العاشق الولهان والذي يجب أن نبذل إليه كثير من الجهد والتضحيات الجسام
• لابد من توفير قدر كبير من الانضباط داخل معسكر الهلال حتى لا نلحق الجماعة جيراننا وربنا يكضب الشينة
• وخسر الاولمبي أمام المنتخب المصري في ظل حضور الأداء الباهت والضعيف من لاعبي المنتخب وعياب روح الوطنية والجماعية في الأداء
• ظلنا دوما في إعداد فرقنا القومية نعتمد على الصدفة وحدها في تحقيق النتائج بعيدا عن كل الأهداف والمنهجية التي تبنى منتخب واعد وأصيل يعمل على دفع الكرة السودانية إلى الأمام
• هكذا دوما هو حال الكرة السودانية يوم في السماء ويوم في الأرض ويوم اسود وعذاب شديد ورينا يصبرنا يا اتحاد يا عام
• محمد جياد قال ماشى المريخ انتو يا أخوانا المريخ زاتو ماشى وين
• يا ربى يكون ماشى بالنص ولا شارع النص داير صيانة ...
• يا ناس الاتحاد الافريقى في طريقة نعمل للجماعة جيراننا ديل مجموعة .. إن شاء لله بالقروش وبالمساء كمان وبرضو ما عندنا مانع
• بمناسبة المجوعات انتو طارق مختار وين ؟؟
• قالوا في الأمثال .... دخل القش وما قال كش ... ولابس احمر بالأصفر ... أكيد ده واحد .......؟؟!! ولا شنو
• الفنانة منار صديق وشريف الفحيل وافراح عصام .. وباقي الجماعة المعاكم ... ماذا بعد اغانى واغانى وضحكة السر قدور العجيبة ... ها .. ها .. ها
• لا زلت ابحث عند الدراما السودانية في كل القنوات العربية ولا زال البحث جاريا
• مسرح على الشارع الذي تقدمه قناة الشروق .. لا زال يذكرني هذا البرنامج بالمدرسة الابتدائية ودرس العصر وتسميع المحفوظات .. طبعا انتو عارفين الباقي
• بدون تأشيرة .... السمحة قالوا مرحلة !!؟؟؟
• بتأشيرة .... لك وحدك أنا .... وغيابكم حضور في زمني .
موضوع: بدون تأشيرة !!؟؟ 
الإثنين 20 يونيو 2011 - 8:28
