بدون تأشيرة (تنزانيا ... رايح ... جاى .... ساى ))

بسم الله الرحمن الرحيم
بدون تأشيرة
وليد العشي
تنزانيا .... رايح ..... جاى ....ساى
• تنزانيا .. رايح ... جاى ... وجاى .... رايح ..... وكلوا رايح وتمشوا وتجوا بالسلامة .... وأوعكم من ....ساى
• مبروووووووووووك يا أولاد العرضة والله الصعود إلى المرحلة الجديدة وعقبال الفوز بكاس البطولة بس من غير ركلات الحظ ... والفكي الاصفرانى
• بس يا جماعة داير منكم طلب واحد أدوا موسى الزومة فرصة يجيب قون معاكم إن شاء الله من كرة عكسية وفى حالة العدم ممكن هدف عكسي .... متعودة دايما!!!
• فيكم الخير حسام البدرى طلع من الإستاد ولا راجى الطرد العكسي وربنا يكضب الشينة ......
• والله يا العجب حيرتنا قدر ما نقول الودعوا ورحلوا ... نلقالك سيك .... سيك معلق .... فيك ... الحكاية شنو يا عجب يا حبيبي ... ما شاء الله وتبارك الله
• كان شالو ما بنشال ... وكان خلوا سكن الدار ... توجد جوائز قيمة لمن بعرف الإجابة ... وللضمان الحكام اجانب
• الدوري الممتاز انطلق وبداية متعثرة فنيا لمعظم الفرق وضعف الاستعداد لقلة الامكانيات اضعف الكثير من المردود الفني لمعظم الفرق
• عدا هلال مريخ أصبح المال يقف حجر عثرة في وجه معظم الفرق ولابد من وجود اليه تقرب الشقة بين الأندية الكبيرة والأندية الصغيرة
• حكام الممتاز اصبحوا البعبع المخيف لمعظم الفرق والحكم الاجنبى أصبح ضرورة واجبه
• لكن كيف مع موضة التجنيس . يعنى الحكم ممكن يكون من أولاد الجزيرة ومجنس في تنزانيا ... اجنبى مين يا عم
• قناة قووون ... لا زالت تواصل فشلها الذريع في متابعة مباريات الدوري الممتاز على الرغم من العقد الموقع بينها وبين الاتحاد العام ... وفى الحالتين الكرة السودانية ضايعة والجمهور قتله الصبر
• مع سبق الاصرار والترصد أصبحت قناة قون تواصل طرد مشاهديها بالبرامج المملة والمكررة ...
• بداية قوية ... وبرامج جميلة .... ونهاية حزينة .... الأغنية مهداة إلى الإخوة في قناة قون الفضائية ومن غير لحن ومن غير زعل
• من غير زعل ... إن شاء الله الدراما السودانية تكون في رمضان في إجازة حتى خامس أيام العيد وبعد كده براحتكم
• ليس تقليل من شان الممثل السوداني ولكن بحثا عن التلقائية وبعيدا عن التقليدية وفى انتظار التجويد .. وانأ سوداني أنا
• الفنان عصام محمد نور ... كلما استمع إلى هذا الصوت .... أحس بان الغناء السوداني لا زال بخير
• بدون تأشيرة ........ المريخ بفوز ببطولة سيكافا
• بتأشيرة ........ معاكم الكاميرا الخفية ... وخلونا نشوف ... مع السلامة.

البدري: التحكيم والحظ وراء خروج المريخ وليس هناك فريقاً أفضل منا في سيكافا


اعتبر حسام البدري مدرب فريق المريخ أنّ الحظ والتحكيم وراء إخفاق فريقه في الوصول للمباراة النهائية في بطولة سيكافا للأندية وعلّق المدرب المصري على خسارة الأحمر أمام سيمبا أمس ولفت الى أنّ ركلات الترجيح يلعب فيها الحظ دوراً كبيراً وقال: يمكنك الفوز على أفضل فريق في العالم بركلات الترجيح.. المريخ أفضل من سيمبا، بل أفضل فريق في البطولة وكان يستحق اللقب لكن التحكيم والحظ لعبا دورهما وشدد على أنّ المريخ خرج بمكاسب كبيرة من البطولة وأثنى على اللاعبين وأدائهم وانتقد الحكم الكيني وأفاد أنّه لم يحتسب ركلة جزاء أوضح من الشمس لفريقه

بالله عليكم ماذا أضاف البدري للمريخ وماذا اضاف الحضري والنحاس؟
واضحكني موقع كورة عندما علق علي فوز المريخ في كل مباريات الدورة الأولي ما عدا واحدة أن البدري سيحقق انجاز لم يتحقق؟
المريخ حقق افضل من ذلك في الدوري الخرطومي والذي كان أكثر قوة من دوري السودان الحالي ....
اذا أراد جمال الوالي أن يأتي بمدرب أجنبي فليبحث عن مدرب الماني لأن مازدا مثلا أكثر تاهيلا وخبرة من البدري...
المدرب البقول ليك الحظ حرمنا ... النجيلة طويلة.... الأرضية سيئة..... الحكم ظلمنا .... فك دربو

اقتباس :

من طرف علاء الدين عبد المجيد في السبت يوليو 09, 2011 9:15 pm

بالله عليكم ماذا أضاف البدري للمريخ وماذا اضاف الحضري والنحاس؟
واضحكني موقع كورة عندما علق علي فوز المريخ في كل مباريات الدورة الأولي ما عدا واحدة أن البدري سيحقق انجاز لم يتحقق؟
المريخ حقق افضل من ذلك في الدوري الخرطومي والذي كان أكثر قوة من دوري السودان الحالي ....
اذا أراد جمال الوالي أن يأتي بمدرب أجنبي فليبحث عن مدرب الماني لأن مازدا مثلا أكثر تاهيلا وخبرة من البدري...
المدرب البقول ليك الحظ حرمنا ... النجيلة طويلة.... الأرضية سيئة..... الحكم ظلمنا .... فك دربو

يا علاء الدين سلام :
الحضري خلاص قال ماشي بعد سيكافا ورزق الهُبل طبعا علي .............، بعدين النحاس والبدري إستفادوا من المريخ أخدوا ما يكفيهم طول عمرهم من فيتامين (د) ، وفيتامين (خ)!!!!

بدري شنو يا ناس ؟
منو فيكم سمع بالبدري ده درب فريق في مصر ؟ كان مساعد مدرب الاهلي وبالصدفه بقي مدرب لما جوزيه راح مصر !! طيب الجابو شنو المريخ ؟ وهل هو بقامة المريخ ؟

والحضري بيتعالى علي المريخ ولاعيبته والسودان - لانه قبض خلاص - وعاوز يفك وله الحق ...... والاثنين شوفو تصريحاتهم بعد يرجعو لمصر ماذا سيقولون في الكرة السودانية وفي مجتمع المريخ !!