بدون تأشيرة (( ساى 000 كافا )

بسم الله الرحمن الرحيم
بدون تأشيرة
وليد العشى
ساى ... كافا ... اجب بلا أو نعم
• أقوى هجوم في سيكافا هو دفاع المريخ ؟!
• أقوى دفاع في سيكافا هو هجوم المريخ ؟ّ!
• أحلى الأهداف في سيكافا هي أهداف المريخ !؟!
• اصفر واحمر فريق في سيكافا هو الفريق اليوغندى !؟
• معقولة يا جماعة الحكاية شنو زمن حاتم الطائي جاء مرة أخرى ولا ده لزوم الوجاهة وكده
• بقدرة قادر الجماعة صعدوا إلى المرحلة الثانية في بطولة سيكافا
• المشكلة الكبيرة في أحلى الأهداف في ((اكبر واصفر)) الحراس ... وخلونا نشوف
• غايتو المرة دى دايرين يا أخوانا أهداف عن طريق الون تو عشان المتعة تكون أجمل
• وما في مانع من تعيير الهدافين وما فيش حد أحسن من حد ... مرة مدافع ومرة أخرى لاعب وسط
• واحد لابس اصفر ولونه اصفر وغلب المريخ بالأحمر عرفتو منو ... الإجابة طبعا .... آه والله يا عم ده أنا عارف كل حاقة
• الله ليا هلالوا ظهر وبان ليا الليلة مرة بالسبعة ومرة بالتسعة والمرة الجاية بالعرضة وقولا ما شاء الله وتبارك الله
• أبطال الموج الأزرق فعلوا العجب في القاهرة وأخوان العجب فعلوا الهلع في تنزانيا وربنا يكضب الشينة
• فيكم الخير ... انتوا سعيد السعودي من أولاد وين ... الصومال ولا السودان ولا يوغندا ... طبعا ما بصدق لو قلتوا من أولاد امدرمان
• رمضان على البواب ترى ماذا أعدت القنوات الفضائية من برامج وخلونا بالله من حكاية المسابقات الكتيرة والكلام الاكتر ودايرين فقط برامج ترفيهية ولذيذة
• تانى ناس برنامج أفراح أفراح في قناة النيل الأزرق رجعوا لنفس الاسئلة القديمة أمثال شعورك شنو وداير تقول شنو
• يا جماعة اكسروا الروتين وفكونا من حكاية الأسئلة التقليدية ويجبوا لينا حاجة جديدة إن شاء الله مباراة المريخ مع المريخ طلعت كم
• ولا أقول ليكم .... اسألونا نحن
• ظاهرة جديدة اسمها .... المذيعين الجدد .. كل يوم شكل وكل يوم لهجة جديدة ... وكل يوم ابتسامة عريضة .... والباقي معروف
• بدون تأشيرة ..... رمضان كريم
• بتأشيرة ... العيد مبارك عليكم ... مع السلامة .. وكل عام وانتم بخير