الباقى يومين ........ لماذا لا نبتسم ؟؟

اخى المغربى اذا لم نبك على حالنا ونقف عندها كثيرا فسياتى 7/9 اخر يحمل مزيدا من التفتت والتمزق لوطن واهن اضعفته ايد خبيثة تعمل وفق استراتيجية منظمة وليس تحصيل حاصل ...
لا ... لن ابتسم هذه المرة ...
دع الدموع تحمل عنى قليلا مما يجيش فى الصدر ..

يا مغربى اخوى
لن ابتسم وسأبكى حتى تجف الدموع وسأنتحب بعلو صوتى على وطن بتر جزء عزيز وغالى منه ..
يا مغربى يوم السبت هو يوم الــــ (حى ووووووب )

على ماذا نبتسم ؟ ولماذ نبتسم ونحن نرى الوطن يتشظى إلى قطع صغيرة وربما يأتي اليوم الذي يصبح فيه السودان عبارة عن قطعة صغيرة في وسط غول الدول التي حولنا، ولكن لا نتمنى أن نرى هذا اليوم ولكن الدلائل تشير إلى أنه آتٍ عاجلاً أم آجلاً

الاخ : المغربى ، تحياتى

اليومين ديل فى خطاب تبريرى كده سايقاه جهات كده ، مضمونه انو انفصال الجنوب رحمة للشمال وهويته وشنو كده ما عارف .
مفردات الخطاب ده غالبا اقوال من شاكلة ( الجنوبيين ما بشبهونا ، عاداتم ما ذى عاداتنا ، اشكالهم ما ذى اشكالنا - يا ربى دى كائنات فضائية - الوانهم ما ذى الوانا ، دينهم ما ذى دينا - طبعا ده حنك ساى - حكاية الدين دى ) .
على العموم الخطاب ده يبدو أنو ادى اغراضه ، بأعتبار انو حدث ذى انفصال الجنوب ( انشطار وطن ) يكون موقف الناس منو ذى الموقف الشايفنو ده ؟؟؟؟
يا ربى فى زول سأل نفسو انو التراكمات الاجبرت الجنوبيين يتخارجو من الوطن المأزوم الاسمو السودان ده ، مما موجود عن بقية الكيانات اللسع موجودة فى السودان الفضل؟؟

ها أتذكرت الجزئية بتاعت الجنوبيين ما بشبهونا دى ؟؟
عليكم الله ناس جبال النوبة ، ودارفور ، وناس النيل الازرق ، وشوية جيوب كده هنا فى الجزيرة او الشمال ( الجغرافى ) ، بشبهوكم ؟؟؟؟؟؟؟
اها الجماعة ديل ناس (جبال النوبة ، ودارفور ، وناس النيل الازرق ) - كن طلعو ما بشبهوكم - موقعهم شنو من الاعراب ؟
ها أتذكرت - معليش يا جماعة الليلة الواحد بقى نساى خلاص - الناس الاكيد ما بشبهوكم ديل معظمهم مسلمين مش كده ؟؟
لكن بس - رغم اسلامهم - معظمهم احوالهم ونصيبهم فى البلد دى اقل بكتيييييييييييييير من الجنوبيين البطالين ديل .
غايتو كن الامور مشت بالشكل دى ، وبشكل التفكير والذهنية العجيبة الكارثية البتمشى البلد ، كل سنة حنحتفل بانفصال ناس ما بشبهونا .... لغاية الحكاية ترسى على دولة ناسا بتشابهو ذى الصين او كوريا كده .


برضو نسيت حاجة - أنا ذاتى ما بشبهكم .