عندما يسأل عمر الطيب الدوش عن "بلد رايح وعن أمانينا المابتدينا صوت صايح" ويشدو بها محمد وردي

حأسأل عن بلد رايح
وأفتّش عن بلد سايح
حأسأل وأسأل عن أمانينا
أمانينا اللي ما بتدّينا
صوت صايح

حأسكن كلّ نـخلاتنا
إذا جانا الزّمن لافح
وأكتب عن بلد مـجروح
وعارف الـجّارحو ليه جارح
وأبكي على بلد مـمدوح
وعارف الـماسكو ما مادح
وأحلم بـ حلم مسروق
لا هو الليلة لا أمبارح

أعلّق فـي جناح سفري
جوابات لزمن فجري
لكلّ مضاجع الأحزان
وأضفـّر من شجر بلدي
بروقاً مارقة من صدري
وأسأل عن بلد غاطس
لـحدّ الليلة فـي الوجعة
أنط فوق سرجي وأتـحزّم
أقوم من وقعة لوقعة
وتبقى الفوتة هي الرّجعة

وأخت إيدي البتوجعنـي
على السأم البيراجعنـي
وأسأل يا وطن يا بيتنا
ليه شوقك مواجهنـي
وليه حبّك مـجهجهنـي
وليه تاريخ زمن خاسر
موكّر لسّه فـي شجنـي
حأكتب لشدر مقطوع
مسادير يـمكن يتحرّك
خطابات لطفل مـجدوع
يقوم يـجري ويقع يبرك
وأصرخ يا وطن يا بيتنا
ليه ماتبقـى لينا السّاس
قدر ما تـجري فـي شرياننا
يبقالنا الشكك ترباس
أقولّك يا وطن رايح
أقولّك يا وطن آمر
سلام النّفس ما كافر

منقولة من بوست الفنان لؤي محمد عثمان / سودانيزاونلاين
ولمن أراد أن يسمع "الاوديو" يمكنه الضغط على الرابط التالي

http://www.sudaneseonline.com/cgi-bin/sdb/2bb.cgi?seq=msg&board=340&msg=1310335203

وأخت إيدي البتوجعنـي
على السأم البيراجعنـي
وأسأل يا وطن يا بيتنا
ليه شوقك مواجهنـي
وليه حبّك مـجهجهنـي
وليه تاريخ زمن خاسر

» العمدة جابر ود خف الفيل -- الطيب الدوش
» عندما يحكي الطيب صالح
» يقظة شعب - محمد وردي
» صفوان كنت وين من الصباح (في مدرسة المشاغبين)
» تشيع جثمان الاستاذ محمد وردي