سعر الخروف بالجزيرة وصل 2 مليون !؟ خبر لإبلغ تعليق

أوردت صحيفة (حريات) الإليكترونية الصادرة اليوم أن سعر الخروف وصل في الجزيرة إلي حدود 2 مليون جنيه سوداني قديم !!!
وفي جرائد الخروف اليوم سوري أقصد الخرطوم تواترت أنباء عن قفل باب إستيراد العربات وإلغاء كل الإستثناءات فيماعدا موديل العام !

فهل هناك علاقة بين الخبرين ؟
جائزة للتعليق الأكثر سخرية من الحال ده .

على ما أعتقد أنهم منعوا دخول السيارات القديمة عشان الناس توفر حق الخروف، الواحد يشتري ليه خروف ب 2مليون تفتكر بيشعر بي شنوا عندما ياكل قطعة لحمة، ومافي عضم يترمي في الشارع والعضام يطحنوها وتتسف مع اللحم ودا زاتوا نوع من نظافة الشوارع، ومافي كبير أخوانه تاني بيترمي في الكوش، ومافي جلد بتبرعوا بيه لأي جمعية سواء أن كانت خيرية أو جمعيات النظام الحاكم الكتيرة ومسيخة، وتاني الشية تتعمل كتامي وبعد الخلوق ما تنوم ، يعني يوم العيد مافي حاجة إسمها افطر معانا وهاك يا شية ولحوم محمرة ومرارة
" وفي مرارة يا ناس أكتر من كده "

والله دي عوجة الحالة دي وبما انو صغيرتنا ده اول عيد ليها مما تعلمت الاكل كنا واعدنها ب ( الضنب ) بالطريقة دي ح ( تاكل ) في خاترا .. ونحن ح ناكل الحمت رمت والله السنة دي (الربيت ) ما تلقو .. ده كلو ( كوم ) وزعل الشاربوت (كوم ) تاني و (كوم ونية) كمان . العيد ده ح يكون المثل في كل بيت ( غاب اب ضنب وتعب اب شنب ) والناس بدل تغني للمحبوب ( ما قاصدك انت يا حبة ) تغني للخروف ( العيد الجاب الناس لينا ما جابك ) اصلو كان جيتنا ما ( جابك اجلك ) . لقد بلغ السيل الزبا وبلغت الروح ( الحلقوم ) .

اخى صداح
الحاجة البجنن سعر الخروف البقول انا انا الدعول البج ( دى معناها اسأل منه المحبوب ) السواكنى اى السودانى فى السعودية والذى يتم حجزه من الآن وحسب خبرتنا لا يتجاوز سعره الف ومائتين ريال سعودى يعنى السعر فى بلد المنتج اعلى من البلد المستورد يلا يا ناس الاقتصاد افتونا ويا ترتورة شيه شنو الناس عايزة تسمع صوت باع باع لكن الاتباع شنو نحن ما عارفنه

الأخ مصعب لك التحية
شنو الألفاظ الغريبة البتتكلم بيها دي دعول وحاجات من هذا القبيل " عايزين كلام عربي، ومشكلة أنو السعر في بلد المنتج أغلى من البلد المستورد دي يالحبيب الحكومة السعودية بتدعم سعر الخروف هناك يعني الحكومة السعودية مابتقصر والله يعز آل سعود ويهد آل كافوري

mussab كتب:: اخى صداح
الحاجة البجنن سعر الخروف البقول انا انا الدعول البج ( دى معناها اسأل منه المحبوب ) السواكنى اى السودانى فى السعودية والذى يتم حجزه من الآن وحسب خبرتنا لا يتجاوز سعره الف ومائتين ريال سعودى يعنى السعر فى بلد المنتج اعلى من البلد المستورد يلا يا ناس الاقتصاد افتونا ويا ترتورة شيه شنو الناس عايزة تسمع صوت باع باع لكن الاتباع شنو نحن ما عارفنه

تحياتى وفى مرارة ياناس أكثر من كدة بعض الاموار لمرة واحدة تخوض سجالا وترفع الصوت عاليا فى الاختلاف مابين اربابها والذين فى الداخل نحن اعلم باحوال

لمجتمع السودانى ونحن قاسينا مرارة الحرمان والكبت ونحن اذين أقصينا عن بلدنا وتحملنا حـــــرقة الغربة فينسى أصحاب المبادى والنظريات من حولهم ولايتذكرون الا أنفسهم لان الغنيمة تثير الشهية ولن المتاح يرفع من درجة ا حرارة الرغبة فى اقتناص الفرص فلا يضيع الوطن الذى تباكى من اجله الجميع

تحياتي للمتداخلين وياترتورة فعلاً مافي مرارة أكتر من كده !

يا مصعب سلام :
حكاية ود أب زهانة الإتبرع للمصريين بالبقر ومشي يكوس يشتري البقر من أثيوبيا بتخلينا ما نندهش لفرق السعر بين بلد المنشأ والبلد المُصدر له .

تحياتي ياصداح
لكن الجريدة ماقالت ياتو جزيرة في السودان
خروف شنو البية2 مليون دا كلام جرائد ساي والليلة كنت في سوق البهائم بتاع الحصاحيصا واعتقد انها في قلب الجزيرة

قصدهم لازم تبيع عربيتك عشان تشتري الخروف....
بكدة حتكون الموديلات القديمة كتيييييييييرة فى السوق...
ومافى داعى لإستيرادها.!!

يا بكري عثمان سلامات

طيب الخروف البيقول أنا الدعول البج (كما قال مصعب الحاج ) بيكون بكم في سوق الحصاحيصا ؟

ويا المحبوب البج دي أشرحها للفائدة العامة ؟

الواحد ما بيلقى ليه خروف مستعمل ؟ ... يعني حاجة خفيفة كدة ... إستعمال طبيبة مثلاً

ياصداح في خروف بالتقسيط المريح .. راجع فتوى الفاتح جبرا ...ههههه

يا إيناس :
المطلوب خروف بسبعة أرواح !
يعني لسبعة أسر .

» اكسب مليون جنيه مقابل تعليق ظريف علي هذه اللقطة!!
» السودان يمنح مصر أراضي زراعية جديدة بالجزيرة
» نصيحة غالية قبل ذبج الخروف
» أحب التيسوعات "المقادير وبكاء الخروف ود البيت "
» الخروف والظروف...قُرباناً للوحدة أم تسريحاً بمعروف