يبورائد شوف الدبلوماسية والعلاقات الخارجية "البرتكولات"
(( إستهجن دبلوماسي في تصريح لـ (حريات) رقص عمر البشير وزوجته وداد بابكر بصورة غير لائقة في حفل الزواج الموثق بالمواقع الالكترونية . وقال الدبلوماسي أن عمر البشير يتصرف بصورة لا تليق برئيس جمهورية وانه صار ( عبئاً وطنياً) على البلاد .
وأضاف بأنه رغم مسؤولية عمر البشير الرئيسية عما جرى ، الا أن وداد بابكر زوجته تتحمل مسؤولية هي الأخرى ، لأنها وقبل صدور قرار ترسيمها سيدة أولى من الخارجية – بايعاز من زوجها عمر البشير ، تلقت دورات تدريبية في البروتوكول والعلاقات العامة ، كما تذكر سيرتها الذاتية المرفقة من وزارة الخارجية .
وأكد الدبلوماسي شهادته بوثيقة ترسيم وداد بابكر كسيدة أولى وسيرتها الذاتية المرفقة من ادارة المراسم بالخارجية . وقال انه اذا انعدم الحس السليم لدى وداد بابكر فان اية دورة تدريبية في البروتوكول والعلاقات العامة لابد وتوضح لها ان (رقيصها) في ذلك الحفل لا يليق بسيدة أولى .)). حريات
أبورائد ليك زمن ما إتزريت ليك زرة زي دي أها المرة الشرك "قبض" وإتفقت معانا والحمد لله يعني "الحت" نشاط إنساني "فن" بيعبر عن ثقافةالشعوب وأعتقد بأنك لا ترى "مندوحة" في هذا النشاط المعبر والدليل "إعجابك" الشديد بفنون الشعوب الأمازيغية ويبدو إنك مختلف معانا في حكاية الرئيس البشير صاح؟؟ بتعتقد بأن المسألة بالنسبة ليهو مشاركة في فرح بنته وفي دي ما مختلفين معاك بل حتى لو كان "الحت " في الصقيعة ولذلك بنرى بأن الرجل حرم الرقيص على الناس بقوانين "حمالة أوجه علي علاتـها" جلد بيـها البنات "على وجه الخصوص" وفي تمام الوقت أباحو "الرقيص في حضرة الفتيات" لنفسه وأفراد عائلته "زي ما شفت" عشان كدة قلنا دا قانون غير دستوري وغير "سوي" ومع دا فالرئيس خالفو يوم وضحوة وما إلتزم بيهو ودا ما بليق بيهو كـ"رئيس" "والمافي شنو ؟؟" بالرواقة ورينا انت مختلف معانا في ايه ؟؟ طال عمرك
نحنا رقيصنا واجب والد مع بنته مع اسرة كريمة محتشمة لم نري شعر مسدول على الاكتاف ولم نري ثياب فوق الركبة ... ورئيسنا الله يجفظه ما كان بكشف بي كتافينه انما هي عرضته المحبوبة لكل السودانين بعصايته العسكرية .
المحبوب بكرة بتزوجوا بنتك وبتعرفوا شنو بعني لما تشاكرها فرحتها وتحسسها بالامان وانك مش سلمتها لرجل وخلاص مع السلامة .
وانا جايك يوم 26 في الأمارات عشان شنوف موضوع الحت بتاع الامازيق دا ؟
المحبوب عن اذنك .... ابورائد الكلام البشيلوا الهوا دا مابقنع ليهو زول ....كرب قضيتك وتعال ... سمح !!! شوف الكلام دا وتمعنه جيدا وفسروا ورجعو لينا تانى بنحتاج ليهو : قانون النظام العام لولاية الخرطوم 1996 المادة 6 - البند الاول أ/ حظر الرقيص المختلط بين النساء والرجال ب/ حظر رقيص النساء امام الرجال
اها دا معاهو عقوبات مصاحبة لكل من يخل بهذه المواد ...
1/ المادة 26 يعاقب كل من يخالف احكام القانون بواحدة وا اكثر من البنود الاتية :-
أ/ السجن بما لايزيد عن خمسة سنوات ب/الغرامة ج/ العقوبتين معا د/ الجلد
مش كان احسن من الاول تنادى معانا لالغاء هذا القانون المعيب لينا كأسر محترمة عايزة تفرح بابنائها وبناتها من غير جلد ولا سجن ولاغرامة ؟؟؟؟؟؟؟
-------------------------------------- تخريمة : ابن بطوطة حكايتك شنو مش مفروض الاسبوع الجاى تكون معانا فى الرياض ... المحبوب نقلوا هنا ولاشنو ؟؟؟
الرقيص الممنوع دا في الشقق بليل والدنيا ضلمة ما في النوادي بتاعة الأفراح يعني ناس النظام العام ديل يباروا ناس أفراح أفراح بتاعين قناة النيل الأزرق ويشيلوا ليهم كليقة بتاعة كرابيج ويعقوا في الناس جلد .
اما موضوع الرياض جاءت حالة استثنائية أيضاً عشان دبي ولكن بعدها على طول الرياض .
ياراشد ياخوي بتوجع حلقك ساي زولك من بداية البوست يطفش في الكورة ولكنو في ردو عليك "دقس" طيب يبوعمر الزول الجوه بيتو أو في صمة "شقتو" وطافي الأنوار "مضلملا" طيب المساسكة في شنو ؟؟ عليك الله ما ذكرتك حكاية الامام البعدل في صف الصلاة عشان الشيطان ما يدخل بين المصلين قالوا واحد قال ليهو "انت الشيطان لو الله هداهو وجا وقف معانا في الصلاة هنا ما تخليهو ياخي " ومن ناحية تانية جد جد المنع دا لمن يطول الرقيص داخل الشقق والبيوت شنو يمنعو يمشي لي قدام شوية ويطول حتى ما تحيكه الأنفس وتخفيه الصدور ودا بيت البلاوي يا أبو عمر الله يطولنا عمرك الموضوع ما رقيص وحت وأهو الرئيس ما شائف مشكلة في ذلك ومن ما تمش مجرد تفكر تفتح خشمك "في العيشة ما الرقيص" طوالي الاسطوانة تدور في حماك ربنا في سبيل ديننا لا يروعنا الفناء فتولى نصرنا وتنتهي الاحتفالية وتاني نرجع للحت وهكذا دلاليك إلى أن يرث الله الأرض وما عليها حسب ظنهم المطشش
موضوع: رد: البشير ووداد "حتــــــو قرض... أحبو وأحب نوناتو نوناتو الفي وجناتو " فيديو الحفلة 
الأحد 20 نوفمبر 2011 - 17:30
