يالمحبوب ! هاك الموجب بتاعي دا في ولدك عبدرحمن

ود الرضي

"تيه وإتاكا..مراض وصحاح مقله الفتاكا..ظبي الرام..
خريف وشتاكا..ميل يا بان المصري أتاكا..مع النسام..
اللي أفتاكا..جاب لي روايحا ً لي هتاكا..وزادني هيام..
...
ـــــــــــــــ

ما بيغباكا..شغفي عليك ومتى أصباكا..تزيدني هيام..
وتريني صباكا..ونجري عتاب وحنان نتباكا..على الأيام..

ــــــــــــــــــ

لعلى أراكا ضحا ً تتجلى بطيب وأراكا و نجري كلام..
ويكون سمراكا..جواري حسان وبعض أمراكا وبعده تنام..

ـــــــــــــــــ

كفى قفاكا..بعاد حلماتك من كتفاكا..درر ومدام..
والراح فى فاكا..شعرك عتمة وبدر صفاكا..وحسنك تام..

ـــــــــــــ

غريزة حياكا..عجيب تستحي من نور محياكا..داخل السام..
ويفوح رياكا..ينعشني يجيب خُمرا ً جالياكا..ولو في منام..

ـــــــــــ

الشادي شداكا..موجو ترتل تل نهداكا..و قود اللجام..
وتلا يداكا..وري الفن فرج ننداكا..و عوم يا حمام..

ما اسماكا..سماء المجد علوت سماكا ..عبير الشام..

قريت العنوان
قلت أكيد الفطن الوسيم
ومشيت أبعد قلت واحدة من حاجات الجابري
لكن فأجأتني "فاجأتني" أكان غلط صلحا
المهم
بديت أشيل في "الورق" ورقة ورقة لمن تكشفت لي
وبديت أقرأ ولمن وصلت ..

((...ما بيغباكا..شغفي عليك ومتى أصباكا..تزيدني هيام..
وتريني صباكا..ونجري عتاب وحنان نتباكا..على الأيام......))

ياسلام
عليك ياسلام

تخريمة : والله لولا هذا الموقع ما عارف شكلنا كان حا يكون كيف
التحية للدكتور بكري ولكل الأعضاء "بدون فرز" الذين وقفوا معنا وأحسنوا إستقبال ابنهم عبد الرحمن
وسأعود للتفاصيل بالحتة بكسر الحا أما بفتحها فدا لعرس الموسم وزي ما بقول قيقراوي "المافي شنو؟؟"

تيه واتاكا

شكرا يا المحبوب على الترجمه .... ناس كتار كان حقهم راح..
والله يا المحبوب الشكر ليك انت والشكر لى عبدالرحمن الخلانا نفرح بعد ما بلغ بنا العمر عتيه ...
... ما كثير على عبدالرحمن يحبوه كل اعضاء المنتدى ...

والله يا المحبوب قدر ما عاجبني ليك الوليد عبدالرحمن
الا الولد هنداوي دا سواها ظاهرة عديل بالحيل
يكون الداهي دا نسي العربي مع الخواجات ديل؟؟
عليك الله ولدا هانقدر شق البلد ..هنداوي يتغابي فيهو العرفة التقول جا شايلوا العرق الدساس
تاني يا المحبوب ما تقول لي هنداوي من الضقالة
صاحبك اتلوم بالحيل
كدي اتبن الزول دا افقدو
شوفو حي والا ميت
طرب اصيل زي دا ما يجيب تايمو والله يكون
شتت واللا شنو؟؟

تيه وإتاكــا،،
موجبــك روعة يا ورّاق ،،
( الموجب ) ( وتيه وإتاكـا ) ،،
مـُترادفات الزمن الذي لا يصدأ ،،
زكرتنـي أمي صليحـة الركابية ،،
كانت دائماً تترنـم بهذه الأغنية ،،
و ،، أبكيتنـي يا ورّاق ورب الكعبة ،،

شكــرن ورّاق ،،
شكــرن المحبوب ،،
شـكـرن البابـّو عبد الرحمن ،،

في داعي يا ورّاق هسـّة إنتي وصاحبك المحبوب ،،
تخلوني أبكـي زي الشافـع في المقهي ،،

مغـــارب :-

يا المحبوب ماعون الموجب ما برجعوه فاضي
ولدك عبدرحمان دا مسمي علي راجلا ( كلس )ما ساهل
كمان عندك كلام في جدو عبدالرحمن ودالمهدي
الراجل الفنجري شيخ الجزارين بالحصاحيصا
//
عموما يا المحبوب اعلم مدي حبك وتقديرك لابو النسب
هاك دي واحدة ليهو وهو راجل يحب الطرب الاصيل عشان خاطر المدام
من الشاعر مصطفي بطران:

[center]
ياحمام الايكي سجعة
نسألن الله رجعه
ياسلام يالزان جمالك
الكساك اسباب كمالك
خدك البنريدو مالك
خاتا في كفك الشمالك
،،،،
ديمه في فكرك سهودي
ديمه غارق من رهودي
انت اظن عاجبك سهودي
مسلمه وقلبك يهودي
،،،،،
ديسك للمشاطه قلق
يسترك لو كان مكلك
ريدي لغيرك مقلق
مالي والخط المعلق
[/center]

(( ........... الا الولد هنداوي دا سواها ظاهرة عديل بالحيل
يكون الداهي دا نسي العربي مع الخواجات ديل؟؟ ...........))

دا لو ما الكنغارو ذاتو بقى يتكلم عربي !!

» الغاء نتيجة الانتخابات بالدايره 4 البحر الاحمر (دايرة الخج يالمحبوب
» بيت الجالوص قد ول عهده
» يا عوض الجاز ما تجي تفتح البلف وتفك ولدك "أبوعشرة ملايين دولار " من مطار دبي !!
» سؤال ليك يالمحبوب ايها المحبوب
» علي الطلاق بالتلاتة تاني يالمحبوب ما تقول بغم (للراسخين في الطرب)